កីឡា

ការប្រកួត Special Volleyball Cup ជុំផ្តាច់ព្រ័ត្របន្ថែមច្បាប់មួយទៀតឲ្យកីឡាករអស់ចិត្ត

បានផុស

២ years មុន

នៅ

ថ្ងៃសៅរ៍ ២០ មេសា ២០២៤

ដោយ

គណៈកម្មការរៀបចំការប្រកួតនៃសហព័ន្ធកីឡាបាល់ទះកម្ពុជាបានបន្ថែមលក្ខន្តិកៈមួយកម្រិតទៀតសម្រាប់ការប្រកួតបាល់ទះជើងឯក Wurkz Special Volleyball Cup ៤ទល់៤ ឆ្នាំ២០២៤ ជុំផ្តាច់ព្រ័ត្រនៅរាជធានីភ្នំពេញដែលមានក្រុមសរុប១៥ចូលរួមប្រកួត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតជម្រុះតាមមណ្ឌលភូមិភាគទាំង៥កន្លងមក គណៈកម្មការរៀបចំការប្រកួតបាន Special Volleyball Cup បានប្រើលក្ខន្តិកៈតែ៣សិតប៉ុណ្ណោះដែលបានធ្វើឲ្យក្រុមចូលរួមប្រកួតខ្លះមិនអស់ចិត្តនៅពេលចាញ់ត្រឹម៣សិតហាក់ដូចជាលឿនពេក និងមិនទាន់បញ្ចេញអស់សមត្ថភាព។

ក្នុងសន្និសីទសារព័ត៌មាននៅព្រឹកថ្ងៃទី២០ ខែមេសា ឆ្នាំ២០២៤ លោក អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជាបានលើកឡើងថា ដើម្បីឲ្យក្រុមដែលចូលរួមប្រកួតអស់ចិត្តគឺបន្ថែមការប្រកួតដល់៥សិត (BO5) ដែលជាលក្ខខណ្ឌនៃការប្រកួតកម្រិតស្តង់ដា និងអាជីពពិតប្រាកដ។ ការប្រើលក្ខន្តិកៈនេះគឺមានន័យថា ក្រុមនីមួយៗអាចឈ្នះដោយលទ្ធផល ៣-០, ៣-១ ឬ ៣-២។

ការប្រកួត Special Volleyball Cup ជុំផ្តាច់ព្រ័ត្រទូទាំងប្រទេសនឹងប្រើរយៈពេលមួយសប្តាហ៍ដែលនឹងចាប់ផ្តើមនៅថ្ងៃទី២២ ដល់ទី២៨ ខែមេសា ឆ្នាំ២០២៤ នៅពហុកីឡដ្ឋានជាតិអូឡាំពិកក្នុងរាជធានីភ្នំពេញ។

ក្នុងសន្និសីទសារព័ត៌មានក៏បានធ្វើការចាប់ឆ្នោតដោយបានបែងចែកជា៤ពូល គឺពូល A B C មាន៤ក្រុមដូចគ្នា ខណៈពូល D មាន៣ក្រុម។ ការប្រកួតសន្សំពិន្ទុក្នុងពូលចប់ ក្រុមលេខ១ និងលេខ២ នៃពូលនីមួយៗឡើងទៅវគ្គ៨ក្រុមចុងក្រោយ បន្តវគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ។

ក្រុមចាប់ឆ្នោតពូល

ពូល A. នគរបាលខេត្តពោធិ៍សាត់ កងពលធំអន្តរាគម៍លេខ៣ (B) ប៉ូលិសឧត្តរមានជ័យ និងប៉ូលិសខេត្តព្រះសីហនុ
ពូល B. ប៉ូលិសខេត្តកំពង់ចាម ប៉ូលិសរាជធានីភ្នំពេញ (B) ក្រសួងមហាផ្ទៃ (B) និង វិសាខា (A)
ពូល C. ក្រសួងមហាផ្ទៃ (A) បុរីឈ្នះឈ្នះ កងពលធំអន្តរាគមន៍លេខ៣ (A) និងប៉ូលិសខេត្តកណ្ដាល
D. នគរបាលរាជធានីភ្នំពេញ (A) បាត់ដំបង និង ប៉ូលិសខេត្តត្បូងឃ្មុំ