ព័ត៌មានអន្ដរជាតិ

ប្រធានក្រុមប្រឹក្សាសន្តិសុខ UN ទាស់សម្ដីជាមួយប្រធានាធិបតី ស៊ែប៊ី រឿងថេរវេលាថ្លែងសុន្ទរកថា

បានផុស

២ years មុន

នៅ

ថ្ងៃអង្គារ ២៣ មេសា ២០២៤

ដោយ

Chheang

ស្ថិតនៅក្នុងសម័យអង្គប្រជុំក្រុមប្រឹក្សាអង្គការសហប្រជាជាតិ (UNSC) កាលពីថ្ងៃទី២២ ខែមេសា ប្រធានាធិបតីស៊ែប៊ីលោក Aleksandar Vucic ត្រូវបានប្រធានក្រុមប្រឹក្សាសន្តិសុខអង្គការសហប្រជាជាតិ ស្ដីបន្ទោសជាខ្លាំងពាក់ព័ន្ធនឹងរយៈពេលត្រូវឡើងថ្លែងសុន្ទរកថាអំពីបម្រែបម្រួលកម្ដៅពិភពលោក ។

**ប្រធានាធិបតីស៊ែប៊ីលោក Aleksandar Vucic (រូបថត៖ AP)**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Vanessa Frazier ប្រធានក្រុមប្រឹក្សាសន្តិសុខអង្គការសហប្រជាជាតិបានរៀបរាប់ថា នៅក្នុងអង្គប្រជុំមានការព្រមព្រៀងបែងចែកថេរវេលារៀងៗខ្លួនរួចហើយ ពោលគឺម្នាក់ចំនួន ៣ នាទីរវាងលោក Vucic និងលោកស្រីប្រធានាធិបតីកូសូវ៉ូ Vjosa Osamni-Sadriu ។ យ៉ាងណាមិញ លោក Vucic បែរជាជំទាស់នឹងការអះអាងខាងលើ ហើយនិយាយថា មិនមានការព្រមព្រៀងគ្នាជាមុនទៅវិញ ។

ជាការឆ្លើយតប លោកស្រី Frazier បានបញ្ជាក់វិញដែរថា អនុប្រធានរបស់លោកស្រីបានធ្វើកិច្ចព្រមព្រៀងច្បាស់លាស់ហើយជាមួយលោក Vucic ហើយលោកស្រីជឿជាក់ថា អនុប្រធានរបស់លោកស្រីមិនមែនជាមនុស្សដែលនិយាយកុហកនោះទេ ។

ក្រោយលើកឡើងដូច្នេះ លោកស្រី Frazier ក៏បាននិយាយប្រាប់លោក Vucic សាជាថ្មីថា លោកអាចនិយាយបានត្រឹមតែ ៣ នាទីប៉ុណ្ណោះ ។ ឮបែបនេះ លោក Vucic ក៏ចុះពីឆាក ហើយនិយាយអរគុណលោកស្រី Vucic ។

ទាក់ទិននឹងបញ្ហាតឹងសរសៃកមួយឆាវខាងលើ លោកស្រី Caroline Ziadeh តំណាងពិសេស និងជាប្រធានបេសកកម្មរដ្ឋបាលបណ្ដោះអាសន្នអង្គការ UN បានលើកឡើងថា “ភាពមិនទុកចិត្តគ្នានៅតែកើតឡើងខ្ពស់ ហើយវាត្រូវតែដោះស្រាយឲ្យបាន ។ UN នឹងនៅតែបន្តគាំទ្រកិច្ចសន្ទនាដែលសម្របសម្រួលដោយ EU ទុកជាវេទិកាស្វែងរកដំណោះស្រាយឯកភាពលើបញ្ហាដែលមិនទាន់ដោះស្រាយ” ៕

ដោយ ៖ ឈាង