បន្ទាន់ក្តៅៗ រកឃើញបុរសឆ្លងកូវីដទៅពិនិត្យនៅពេទ្យឯកជន បិទមន្ទីរពេទ្យភ្លាមៗ

រដ្ឋបាលខេត្តព្រះសីហនុ បានបិទពេទ្យ ឯកជនមួយកន្លែង ឈ្មោះ ថៃខាង ស្ថិតនៅផ្លូវឯករាជ្យ សង្កាត់លេខ៤ ក្រុងព្រះសីហនុ ខេត្តព្រះសីហនុ។

ការសម្រេចផ្អាកបណ្តោះអាសន្ននេះ បន្ទាប់ពីរកឃើញ បុរសជនជាតិចិនម្នាក់ឈ្មោះ FENG JIAN MING អាយុ ២៩ ឆ្នាំ រកឃើញវិជ្ជមានកូវីដ១៩ ដោយសារតែបុរសរូបនេះ ធ្លាប់ទៅពិនិត្យជំងឺនៅមន្ទីរពេទ្យថៃខាង។

អាជ្ញាធរខេត្តព្រះសីហនុបញ្ជាក់ថា វិធានការនេះ ដើម្បីទប់ស្កាត់កុំឲ្យឆ្លងរាលដាលចូលក្នុងសហគមន៍ ដោយសម្រេចបិទជាបន្ទាន់ នឹងមិនអនុញ្ញាតឲ្យមានអ្នកជំងឺថ្មីចេញចូលពិនិត្យព្យាបាលក្នុងមន្ទីរពេទ្យឡើយ។

ក្រុមការងារសុខាភិបាលខេត្ត និងចុះពិនិត្យយកសំណាកពីអ្នកជំងឺ និងបុគ្គលិកដែលបម្រើការងារក្នុងមន្ទីរពេទ្យ ដើម្បីធ្វើតេស្តរកវិរុសកូវីដ១៩៕

អត្ថបទ៖ ឡេង ដេត