ព័ត៌មានជាតិ
មន្ត្រីជាន់ខ្ពស់ ប.ស.ស អំពាវនាវពលរដ្ឋបង្កើនការប្រុងប្រយ័ត្នចំពោះការបង់ភាគទាន ចៀសវាងចាញ់បោកជនខិលខូច
មន្ត្រីជាន់ខ្ពស់បេឡាជាតិសន្តិសុខសង្គម(ប.ស.ស) បានធ្វើការអំពាវនាវដល់ប្រជាពលរដ្ឋជាសមាជិករបស់ ប.ស.ស ត្រូវមានការប្រុងប្រយ័ត្នខ្ពស់ចំពោះការបង់ភាគទាន ដើម្បីចៀសវាងការចាញ់បោកជនខិលខូចនាំឱ្យខាតបង់ប្រាក់ ឬទ្រព្យសម្បត្តិផ្សេងៗ។
លោក ហេង សុផាន់ណារិទ្ធ អគ្គនាយករង ប.ស.ស នៃក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងតាមរយៈឃ្លិបវីដេអូមួយចេញផ្សាយនៅថ្ងៃទី ០៦ មិថុនានេះថា ថ្មីៗនេះ មានជនអនាមិក បានបន្លំលេខគណនីធនាគាររបស់ ប.ស.ស និងចូលក្នុងគ្រុបតេឡេក្រាម ឆាតរបស់ ប.ស.ស ដោយបានបន្លំឈ្មោះជាភ្នាក់ងារ ប.ស.ស និងបានយកឡូហ្គោរបស់ ប.ស.ស ទៅតាំងធ្វើជាប្រូហ្វាល់ ដើម្បីឆបោកប្រជាពលរដ្ឋជាសមាជិករបស់ ប.ស.ស ឱ្យបង់ប្រាក់មកគណនីធនាគាររបស់ខ្លួនតាមរយៈការបង់ភាគទាន។
លោកបានបន្តថា ករណីឆបោកនេះបានបង្កឱ្យមានភាពភ័ន្តច្រឡំ និងបង្កើតឱ្យមានសេចក្តីមិនទុកចិត្តមកលើ ប.ស.ស ហើយការក្លែងបន្លំនេះបង្កឱ្យមានភាពប៉ះពាល់យ៉ាងធ្ងន់ធ្ងរចំពោះអង្គភាពប.ស.ស. ជាពិសេសពលរដ្ឋដែលជាសមាជិកប.ស.ស ផ្ទាល់តែម្ដង។
លោកបានបន្ថែមថា ពាក់ព័ន្ធករណីខាងលើនេះ ប.ស.ស បាននិងកំពុងសហការជាមួយនាយកដ្ឋានប្រឆាំងបទល្មើសបច្ចេកវិទ្យា នៃក្រសួងមហាផ្ទៃ ដើម្បីចាត់វិធានការនីតិវិធីតាមផ្លូវច្បាប់ និងស្រាវជ្រាវរកជនឆបោកខាងលើមកផ្ដន្ទាទោសតាមច្បាប់ជាធរមាន។
លោកបានបញ្ជាក់ថា ប.ស.ស មិនមានគណនីធនាគារដែលបង្ហាញឈ្មោះជាបុគ្គលណាម្នាក់ និងគ្មានការបង់ភាគទានតាមរយៈការស្កេនឃ្យូអរកូដនោះទេ។ ដូចនេះមុនពេលបង់ភាគទានប្រជាពលរដ្ឋត្រូវមានការប្រុងប្រយ័ត្នខ្ពស់ និងត្រួតពិនិត្យមើលពាក្យប.ស.ស.បុគ្គលស្វ័យនិយោជន៍ ឬជាភាសាអង់គ្លេស NSS self employed ចៀសវាងចាញ់បោកជនខិលខូចនាំឱ្យខាតបង់ប្រាក់ ឬទ្រព្យសម្បត្តិផ្សេងៗ ដោយប្រកាសណាមួយ៕
អត្ថបទ ៖ សំអឿន
-
សន្តិសុខសង្គម៦ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៤ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៣ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៥ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៣ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
កីឡា៣ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ
-
ព័ត៌មានអន្ដរជាតិ១ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានអន្ដរជាតិ៦ ថ្ងៃ agoឧទ្ធម្ភាគចក្រមួយគ្រឿង ធ្លាក់ឆេះនៅខេត្ត Samut Prakan ប្រទេសថៃ