ករុណា ពេជ្រ មិននឹកស្មានរឿងធ្លាប់ឈឺចាប់ ៧ ឆ្នាំមុន បែរធ្លាក់មកលើខ្លួនម្តងទៀត

តារា​ចម្រៀង​ជើងចាស់​លោក ករុណា ពេជ្រ បាន​ទម្លាយ​យ៉ាង​ភ្ញាក់ផ្អើល​ថា កាលពី ៧ឆ្នាំមុន ​លោក​ធ្លាប់ជួបរឿង​ឈឺចាប់​ម្តង​រួច​មក​ហើយ​ដោយសារតែប្រយោគពាក្យមួយប្រយោគថា “ដោះលែងខ្ញុំទៅ”។ ប៉ុន្តែមិនស្មានថា ពេលនេះត្រូវជួបរឿង​ឈឺចាប់​បែប​នេះ​ម្តងទៀត។

តារា​ចម្រៀង​លោក ករុណា ពេជ្រ បាន​រៀបរាប់​ឲ្យដឹងថា “ដោះ​លែង​ខ្ញុំទៅ” ជា​ពាក្យមួយ​ឃ្លា​​ដែល​លោកឈឺចាប់បំផុត​ហើយ​ជាពាក្យដែលឪពុកលោក​និយាយចុងក្រោយមុនគាត់​ប្រាស់ខ្លួន​គេងទៅក៏ស្រាប់ដាច់សរសៃរឈាមខួរក្បាល ​ត្រូវ​វះកាត់​ភ្លាម​ៗ ហើយ​ក៏ក្លាយទៅជាមនុស្សរុក្ខជាតិរហូតដល់ថ្ងៃ គាត់លាចាកលោកតែម្តង ប៉ុន្តែមិននឹកស្មានថារយ:ពេល ៧ឆ្នាំក្រោយ បែរជា​ពាក្យមួយឃ្លា​នេះត្រូវ​បានធ្លាក់មក​លើលោកម្តងទៀតដោយមិនដឹងខ្លួន។

លោក ករុណា ពេជ្រ បាននិយាយទៀតថា «ប្រហែលគ្រប់យ៉ាង​ខ្ញុំមិនល្អ​ស្មារលា​ស្បថ​ការ​ដើរ​ជា​មួយ​ខ្ញុំ ខ្ញុំមិន​ដែល​បាន​​ឃុំឃាំង ឬបិទសិទ្ធ​អ្នកណា​ម្នាក់​ទេ ខ្លួនមួយម្នាក់ឯងគិតតែប្រឹងរកស៊ីខ្លះ ធ្វើការខ្លះ ដើរលេងខ្លះ ក៏ចង់​ឱ្យខ្លួនឯងមានស្នាមញញឹមប៉ុណ្ណោះ ព្រោះជីវិតមួយ​នេះមិនសូវ​មាន​ភាព​កក់ក្តៅ​ច្រើន​ទេ​​មិនគួរណា​ចុងក្រោយ​ស្ទើរតែរកស្នាមញញឹមសម្រាប់ខ្លួន​ឯងមិនបាន»។

ជាមួយគ្នានេះ​លោក អេឡិច ច័ន្ទត្រា ដែលជាមិត្តភក្តិបានលើកឡើងថា «ឈប់គិតបែបនឹងមិត្ត​ មាន​គេពិបកជាង​​យើងច្រើនទៀត​ត្រូវផ្ដល់កំលាំង​​ចិត្ត​ឱ្យខ្លួន​ឯង​ឱ្យបានច្រើន ស្រលាញ់​ខ្លួនឯង​ឱ្យបានច្រើនណាសំណាងល្អ។ ខ្លះទៀតថា គេមាន​កូន​មានប្តី មិន​ដែលសេត​សោះ​តែអ្នកខ្លួន​មួយ​សេតរហូត​ទេសចរណ៍​រហូ​ត ស៊ូៗ​បងជាតិនេះ​ដឹងតែមិនរស់ទេ»៕

អត្ថបទ៖ ចាន់រ៉ា