ជីវិតកម្សាន្ដ

ម្ចាស់ពាន Man Of Cambodia 2024 ប្ដេជ្ញាធ្វើជាគំរូល្អសម្រាប់យុវជនជំនាន់ក្រោយ បន្ទាប់ពីជ័យជម្នះ

បានផុស

២ years មុន

នៅ

ថ្ងៃចន្ទ ១៧ មិថុនា ២០២៤

ដោយ

បន្ទាប់ពីក្លាយជាម្ចាស់ពានបុរសឯក នៃកម្ពុជា Man Of Cambodia 2024 និងកំពុងត្រៀមខ្លួនចេញទៅប្រកួតលើឆាកអន្តរជាតិ នៅប្រទេសហ្វីលីពីន (Man Of The World 2024) នាពេលខាងមុខឆាប់ៗ នេះ លោក រិត ស៊ីភុន បានប្ដេជ្ញាធ្វើជាគំរូល្អសម្រាប់យុវជនជំនាន់ក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះដែរ បុរសឯក នៃកម្ពុជា រិត ស៊ីភុន បានថ្លែងការអរគុណចំពោះការគាំទ្រ និងការលើកទឹកចិត្តពីសំណាក់មហាជនដែលធ្វើឲ្យលោកទទួលបានជោគជ័យក្នុងការប្រកួតលើឆាកមួយនេះ។ លោកថា «ខ្ញុំសូមថ្លែងអំណរគុណដល់បងប្អូនទាំងអស់គ្នាដែលចូលរួមអបអរសាទរដល់រូបខ្ញុំ ក្នុងឱកាសដែលទទួលតំណែងខាងលើនេះ»។

លោក ស៊ីភុន បញ្ជាក់ថា លោកកំពុងនិងត្រៀមទៅប្រកួតលើឆាកអន្តរជាតិនៅប្រទេសហ្វីលីពីន (Man Of The World 2024) នាអំឡុងខែកក្កដា ឆ្នាំ ២០២៤ ខាងមុខនេះហើយ។ លោក នឹងធ្វើឲ្យបានល្អនៅលើឆាកអន្ដរជាតិ។ លោកក៏បានប្ដេជ្ញាចិត្តថា លោកនឹងធ្វើជាគំរូល្អឲ្យយុវជនជំនាន់ក្រោយ រួមទាំងប្រឹងប្រែងឲ្យអស់លទ្ធភាពដើម្បីយកជ័យជម្នះមកកាន់មាតុភូមិ និងអ្នកគាំទ្រ។

ម្ចាស់ពានបុរសឯក នៃកម្ពុជា លោក រិន ស៊ីភុន មានអាយុ ២៧ ឆ្នាំ កម្ពស់ ១,៨០ ម៉ែត្រ ទម្ងន់ ៨០ គ.ក្រ បានបញ្ចប់ការសិក្សាថ្នាក់បរិញ្ញាប័ត្រផ្នែកសំណង់ស៊ីវិល នៅសាកលវិទ្យាល័យន័រតុន ឆ្នាំ ២០២៣ ដែលបច្ចុប្បន្នក៏ជាគ្រូបង្ហាត់ប្រាណ និងជាតារាម៉ូដែលមួយរូបផងដែរ ខណៈមុនទទួលបានជ័យលាភីនេះ លោកក៏ធ្លាប់ប្រឡងកម្មវិធីមួយចំនួន ហើយយកបទពិសោធទាំងនោះដើម្បីជោគជ័យ៕

អត្ថបទ ៖ ចាន់រ៉ា