សន្តិសុខផ្សារបន្លែច្បារអំពៅ ហាមភ្ញៀវកុំឲ្យជក់បារីក្នុងផ្សារ ទទួលបានការសាទរពីអាជីវករ

ថ្មីៗនេះអាជីវករលក់ដូរក្នុងផ្សារបន្លែច្បារអំពៅ(ផ្សារក្រោម)បានប្រាប់«កម្ពុជាថ្មី»ថា ពួកគាត់ពេញចិត្តនិងគណកម្មការផ្សារដែលបានបញ្ជាមកសន្តិសុខឲ្យហាមភ្ញៀវដែលមកចូលផ្សារកុំឲ្យជក់បារី។

តាមប្រភពពីលោក កែវ សុភក្ត្រា ដែលជាអាជីវករលក់ដូរក្នុងផ្សារបន្លែបានឲ្យកម្ពុជាថ្មីដឹងនៅព្រឹកថ្ងៃទី៣១ខែកក្កដានេះថា ក្នុងនាមជាអាជីវករប្អូនប្រុសពេញចិត្តនិងគណកម្មការផ្សារដែលបានបញ្ជារមកសន្តិសុខផ្សារធ្វើការហាមប្រាមភ្ញៀវចូលផ្សារមិនឲ្យជក់បារីដែលណែនាំប៉ះពាល់ដល់សុខភាពទាំងភ្ញៀវក៏ដូចជាអាជីវករក្នុងផ្សារទៀតផង។

ទាក់ទិននិងការបំរាមមិនឲ្យជក់បារីក្នុងផ្សារខាងលើនេះលោក សាន់ ប៊ុនណា ប្រធានគណៈកម្មការផ្សារបានឲ្យដឹងថា បំរាមនេះលោកបានដាក់ចេញពិតប្រាកដមែនព្រោះកន្លងមកភាគច្រើនគឺជាភ្ញៀវជនជាតិចិនលោកតែងជក់បារីពេលដើរចូលផ្សារទិញឥវ៉ាន់។ប៉ុន្តែដោយសារមានបំរាមបែបនេះ គឺទាំងជនជាតិខ្មែរ ចិន វៀតណាមពុំមានអ្នកណាម្នាក់ហ៊ានជក់បារីក្នុងផ្សារឡើយបើទោះជាសន្តិសុខមិនឃើញ ក៏អាជីវករលោកហាមឃាត់ជំនួសសន្តិសុខដែរ។

គួរបញ្ជាក់ថាទីតាំងផ្សារបន្លែច្បារអំពៅ(ផ្សារក្រោម)នេះគឺស្ថិតក្នុងភូមិកណ្តាល សង្កាត់ច្បារអំពៅទី២ខណ្ឌច្បារអំពៅរាជធានីភ្នំពេញ៕

អត្ថបទ៖ នរា