WHO ​ថា នៅតែមានមនុស្សស្លាប់ដោយសារបារី បើទោះជាថយចុះអ្នកជក់

យោងតាមរបាយការណ៍កាលពីពេលថ្មីៗនេះរបស់អង្គការសុខភាពពិភពលោក (WHO) បង្ហាញថា មនុស្សពេញវ័យម្នាក់​ក្នុងចំណោម ៥ នាក់ នៅតែញៀនថ្នាំជក់ និងស្លាប់រាល់ៗឆ្នាំ បើទោះបីជាអត្រាអ្នកជក់បារីមានការថយចុះក៏ដោយ។ នេះបើយោងតាមការចុះផ្សាយពីសារព័ត៌មាន AA កាលពីថ្ងៃទី៦ តុលា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍បានបង្ហាញថា ថ្វីដ្បិតតែការប្រើប្រាស់បានធ្លាក់ចុះពី ១.៣៨ពាន់លាននាក់ក្នុងឆ្នាំ ២០០០ មក ១.២ ពាន់លាននាក់ក្នុងឆ្នាំ ២០២៤។ ចាប់តាំងពីឆ្នាំ ២០១០ មនុស្សចំនួន ១២០ លាននាក់បានឈប់ជក់បារី ដែលជាការថយចុះទាក់ទងគ្នា ២៧% ។ ប៉ុន្តែមនុស្សរាប់លាននាក់នៅតែបន្តស្លាប់ជារៀងរាល់ឆ្នាំ ដោយសារជំងឺដែលអាចការពារបានទាក់ទងនឹងថ្នាំជក់។

ជាការឆ្លើយតបវិញ លោក Tedros Adhanom Ghebreyesus អគ្គនាយកអង្គការសុខភាពពិភពលោក បាននិយាយថា មនុស្សរាប់លាននាក់កំពុងឈប់ ឬមិនជក់ ដោយសារកិច្ចខិតខំប្រឹងប្រែងគ្រប់គ្រងថ្នាំជក់ដោយប្រទេសជុំវិញពិភពលោក។ ដើម្បីឆ្លើយតបទៅនឹងការរីកចម្រើនដ៏ខ្លាំងក្លានេះ ឧស្សាហកម្មថ្នាំជក់កំពុងប្រយុទ្ធជាមួយនឹងផលិតផលជាតិនីកូទីនថ្មី ដោយដាក់គោលដៅយ៉ាងចាស់ដៃចំពោះយុវជន។ រដ្ឋាភិបាលត្រូវតែធ្វើសកម្មភាពលឿន និងខ្លាំងជាងមុនក្នុងការអនុវត្តគោលនយោបាយគ្រប់គ្រងថ្នាំជក់ដែលបានបញ្ជាក់។

ជាលើកដំបូង WHO ក៏បានប៉ាន់ប្រមាណអំពីការប្រើប្រាស់បារីអេឡិចត្រូនិចជាសកល ដោយរកឃើញអ្នកប្រើប្រាស់ជាង ១០០ លាននាក់នៅទូទាំងពិភពលោក រួមទាំងក្មេងជំទង់ចំនួន ១៥ លាននាក់ផងដែរ។ ជាងនេះទៀត ពួកគេក៏បានជំរុញឲ្យរដ្ឋាភិបាលបង្កើនពន្ធ ហាមឃាត់ការផ្សាយពាណិជ្ជកម្ម បិទចន្លោះប្រហោងនៃបទប្បញ្ញត្តិ និងពង្រីកសេវាកម្មបញ្ឈប់។

ដោយឡែក លោក Etienne Krug នាយកផ្នែកកំណត់សុខភាព ការផ្សព្វផ្សាយ និងការការពាររបស់អង្គការសុខភាពពិភពលោកបានព្រមានថា បារីអេឡិចត្រូនិចកំពុងជំរុញរលកថ្មីនៃការញៀនជាតិនីកូទីន។ ពួកគេត្រូវបានលក់នៅលើទីផ្សារថាជាការកាត់បន្ថយគ្រោះថ្នាក់ ប៉ុន្តែតាមពិតទៅ គឺកំពុងទាក់ទាញកុមារឲ្យប្រើប្រាស់ជាតិនីកូទីនមុន និងហានិភ័យធ្វើឲ្យខូចដល់វឌ្ឍនភាពជាច្រើនទសវត្សរ៍។

របាយ​ការណ៍​នេះ​ក៏​បាន​លើក​ឡើង​ពី​វិសមភាព​យេនឌ័រ និង​តំបន់។ ស្ត្រីបានឃើញការថយចុះលឿនជាងមុន ដោយកាត់បន្ថយអត្រាប្រេវ៉ាឡង់មកត្រឹម ៦.៦% នៅឆ្នាំ ២០២៤ ខណៈពេលដែលបុរសដែលបង្កើតបានច្រើនជាង ៨០% នៃអ្នកប្រើប្រាស់ថ្នាំជក់ មិនត្រូវបានរំពឹងថានឹងសម្រេចបាននូវគោលដៅកាត់បន្ថយជាសាកលរហូតដល់ឆ្នាំ ២០៣១។ ចំណែកឯ អឺរ៉ុបឥឡូវនេះ មានអត្រាប្រេវ៉ាឡង់ខ្ពស់បំផុតនៅលើពិភពលោកគឺ ២.១% ។ ជាក់ស្ដែង មនុស្សពេញវ័យជិត ២០% នៅតែប្រើប្រាស់ថ្នាំជក់ និងផលិតផលជាតិនីកូទីន៕

អត្ថបទ៖ សាង ស្រីល័ក្ខ

ចុចអាន៖វេជ្ជបណ្ឌិតព្រមានដល់អ្នកប្រើថ្នាំបំប៉នតាមចិត្ត នឹងប្រឈម ខូចតម្រងនោម