ជីវិតកម្សាន្ដ

គ្រូបង្វឹកជនជាតិកូឡុំប៊ីដ៏មានឥទ្ធិពលក្នុងវិស័យកញ្ញាឯកត្រូវបានស្ថាប័ន MUC អញ្ជើញមកកម្ពុជា

បានផុស

២ years មុន

នៅ

ថ្ងៃពុធ ៧ សីហា ២០២៤

ដោយ

ស្ថាប័ន Miss Universe Cambodia បានប្រកាសឲ្យដឹងថា គ្រូបង្វឹកជនជាតិកូឡុំប៊ីដ៏មានឥទ្ធិពលនៅក្នុងវិស័យកញ្ញាឯកលោក ទីកូ រ៉េហ្គោ Tico Rega បាននិងកំពុងត្រៀមធ្វើដំណើរមកកាន់ប្រទេសកម្ពុជានៅសប្ដាហ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណើរមកកាន់ប្រទេសកម្ពុជារបស់លោក ទីកូ រ៉េហ្គោ Tico Rega នេះគឺ ធ្វើឡើងតាមការអញ្ជើញរបស់ស្ថាប័ន Miss Universe Cambodia ដើម្បីផ្ដល់បទពិសោធន៍ថ្មីដល់កញ្ញាឯកចក្កវាឡរបស់កម្ពុជាយើង។ នេះបើតាមការបញ្ជាក់របស់ផ្លូវការរបស់ MUC។

ប្រភពបានលើកឡើងថា ទីកូ រ៉េហ្គោ Tico Rega គឺ ជាគ្រូបង្វឹកដ៏មានឥទ្ធិពលម្នាក់ក្នុងវិស័យកញ្ញាឯក។ គាត់ធ្វើដំណើរជុំវិញពិភពលោក និងមានបទពិសោធន៍ក្នុងការបង្ហាត់បង្រៀនកញ្ញាឯកជាច្រើននាក់មកហើយ។គ្រូបង្វឹកជនជាតិកូឡុំប៊ីរូបនេះនឹងមកដល់ប្រទេសកម្ពុជាក្នុងសប្ដាហ៍នេះ ដើម្បីផ្ដល់បទពិសោធន៍ថ្មីដល់កញ្ញាឯកចក្កវាឡរបស់យើង។

ស្ថាប័នខាងលើបានបញ្ជាក់បន្ថែមថា សូមស្វាគមន៍ ទីកូ មកកាន់គ្រួសារកញ្ញាឯកចក្កវាឡកម្ពុជា។ គួរបញ្ជាក់ដែរថា គិតមកដល់ពេលនេះកម្មវិធី Miss Universe Cambodia 2024 បានប្រកាសពីសមាសភាពនៃបេក្ខនារី ៥រូប និងបានធ្វើការសម្ភាសន៍ជ្រើសរើសពីគណៈកម្មការដែលកំពុងត្រៀមជ័យលាភីប្រចាំឆ្នាំនាពេលឆាប់ៗខាងមុខនេះ៕

អត្ថបទ៖ ចាន់រ៉ា