ជីវិតកម្សាន្ដ

ប្រាសាទ ដាវីន បេ្តជ្ញាដណ្តើមយកមកុដ MUC 2024 ដើម្បីមានឱកាសតំណាងកម្ពុជាលើឆាកអន្តរជាតិ

បានផុស

២ years មុន

នៅ

ថ្ងៃអង្គារ ២ កក្កដា ២០២៤

ដោយ

បន្ទាប់ពីមានដំណឹងនៃការប្រកួតក្នុងកម្មវិធី Miss Universe Cambodia 2024 គេកត់សម្គាល់ឃើញថាសន្ទុះនៃការគាំទ្រអ្នកនាង ប្រាសាទ ដាវីន ហាក់មានសន្ទុះខ្លាំង ខណៈសាមីខ្លួនបានប្រកាសប្ដេជ្ញាដណ្ដើមមកុដ MU 2024 ដើម្បីមានឱកាសតំណាងឲ្យប្រទេសកម្ពុជា ទៅប្រកួតនៅលើឆាកអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាសាទ ដាវីន បច្ចុប្បន្នគឺជាតារាសម្ដែង តារាបង្ហាញម៉ូដ ហើយក៏ជាអ្នកគ្រប់គ្រងកម្មវិធីដែលមានសមត្ថភាពប្រជាប្រិយភាព ទេពកោសល្យ បូករួមនឹងរូបសម្រស់ស្រស់សោភាដែលទាំងនេះគឺជាភាពជឿជាក់សម្រាប់នាងដែលគេដឹងដែរថាទាំងចំណេះដឹង និងការប្រើប្រាស់ភាសារបស់នាងក៏មិនធម្មតាឡើយពោលគឺ អាចដណ្ដើមមកុដបាន។

ដោយមើលឃើញពីសន្ទុះនៃការគាំទ្រ និងលើកទឹកចិត្តរបស់មហាជន ប្រាសាទ ដាវីន បានបញ្ជាក់ការតាំងចិត្តរបស់ខ្លួនថា នាងនឹងខិតខំឲ្យអស់ពីសមត្ថភាពដើម្បីដណ្តើមមកុដមួយនេះ។ នាងថា នាងសូមអរគុណមិត្តភក្តិ បងប្អូន បណ្តាអ្នកគាំទ្រទាំងអស់ដែលបានបង្ហាញសារគាំទ្រដល់រូបនាង។

ប្រាសាទ ដាវីន បានបន្តនិយាយថា” ពិតណាស់ក្នុងដំណើរឆ្ពោះទៅកាន់ការប្រកួតបវរកញ្ញាចក្កវាឡកម្ពុជានាឆ្នាំនេះ នាងខ្ញុំបានដាក់ការតាំងចិត្តខ្ពស់ និងធ្វើឲ្យបានល្អបំផុតដើម្បីមានឱកាសតំណាងឲ្យប្រទេសកម្ពុជារបស់យើង និងយកជ័យលាភីជូនបណ្តាអ្នកគាំទ្ររបស់នាងខ្ញុំទាំងអស់គ្នាផងដែរ”។

នាងបានលើកឡើងដែរថា ខ្លួននាងផ្ទាល់សង្ឃឹមថា បងប្អូន និងនៅតែបន្តការគាំទ្ររូបនាងរហូតទៅ ហើយសារគាំទ្រល្អៗរបស់អ្នកទាំងអស់គ្នាគឺជាថាមពលវិជ្ជមានដ៏អស្ចារ្យរបស់នាងផងដែរ។ ប្រាសាទ ដាវីន កាលពីកន្លងទៅក៏ទទួលបានតំណែងជាស្ត្រីឯកចក្រវាលកម្ពុជា Universal Woman Cambodia ២០២៣ ដែលជាកម្មវិធីសម្រាប់កម្ពុជាដែលផ្តល់ឱកាសសម្រាប់ស្ត្រីកម្ពុជាដែលរៀបការរួចហើយដើម្បីចូលរួមប្រកួតនៅទីក្រុងឌូបៃ ប្រទេសអារ៉ាប់រួម ដែលកាលនោះអ្នកនាងទទួលបានជ័យលាភីលំដាប់រងទី៤៕

អត្ថបទ៖ ចាន់រ៉ា