ព័ត៌មានជាតិ
រោងចក្រផលិតសំបកកង់តម្លៃជាង ១០០ លានដុល្លារនៅខេត្តក្រចេះ នឹងចាប់ផ្តើមខ្សែសង្វាក់ផលិតកម្មនៅសប្តាហ៍នេះ
បើតាមការឲ្យដឹងពីអភិបាលខេត្តក្រចេះ រោងចក្រផលិតសំបកកង់រថយន្ត ក្រុមហ៊ុន ញូ ប៊ូស្តា (ខេមបូឌា) ដែលមានទីតាំងនៅក្នុងតំបន់រដ្ឋបាលសេដ្ឋកិច្ចពិសេស យូប៊ីអ៊ី ស្រុកស្នួល នឹងចាប់ផ្តើមខ្សែសង្វាក់ផលិតកម្មជាផ្លូវការនៅថ្ងៃទី០៦ ខែកញ្ញា ឆ្នាំ២០២៤ នាចុងសប្តាហ៍នេះ។
លោក វ៉ា ថន អភិបាលនៃគណៈអភិបាលខេត្តក្រចេះបានថ្លែងបញ្ជាក់ថា «នេះជាសក្តានុពលសេដ្ឋកិច្ចរបស់ខេត្តយើង ខណៈឆ្នាំ២០២៣ ក្រុមហ៊ុនបានចាប់ផ្តើមដំណើរការសាងសង់រោងចក្រ ហើយនៅថ្ងៃទី០៦ ខែកញ្ញា ឆ្នាំ២០២៤ ក្រុមហ៊ុននឹងសម្ពោធខ្សែសង្វាក់ផលិតកម្មជាផ្លូវការ»។
រោងចក្រផលិតសំបកកង់រថយន្តរបស់ក្រុមហ៊ុន ញូ ប៊ូស្តា (ខេមបូឌា) បានបើកការដ្ឋានសាងសង់នៅថ្ងៃទី០៩ ខែឧសភា ឆ្នាំ២០២៣ ស្ថិតនៅក្នុងតំបន់រដ្ឋបាលសេដ្ឋកិច្ចពិសេសយូ ប៊ី អ៊ី ស្នួល ក្នុងស្រុកស្នួល ខេត្តក្រចេះ។ ក្រុមហ៊ុនដែលមានមូលដ្ឋានពីទីក្រុងឈីងតាវ ខេត្តសានទុង នៃសាធារណរដ្ឋប្រជាមានិតចិននេះ បានបោះទុនវិនិយោគប្រមាណជាង ១៣៨ លានដុល្លារ អាមេរិកសាងសង់រោងចក្រនៅលើផ្ទៃដីទំហំជាង ៤០ ហិកតា។
ទាក់ទងវត្តមានរោងចក្រផលិតសំបកកង់ដ៏ធំនៅខេត្តភាគឦសាននេះ កម្ពុជាថ្មីបានទាក់ទងទៅ លោក ស្រេង សុភាព អភិបាលរងនៃគណៈអភិបាលខេត្តក្រចេះនៅរសៀលនេះ តែលោកបានបញ្ជាក់ថាកំពុងជាប់ប្រជុំមិនទាន់អាចផ្តល់បទសម្ភាសន៍បាន។
បច្ចុប្បន្ននេះនៅកម្ពុជាមានរោងចក្រផលិតសំបកកង់រថយន្ដចំនួន ៣ ដូចជា ក្រុមហ៊ុន General Tires Technology (Cambodia) Co., Ltd នៅក្នុងតំបន់សេដ្ឋកិច្ចពិសេសក្រុងព្រះសីហនុ។ ក្រុមហ៊ុន Sailun Group Co Ltd ប្រតិបត្តិការតាមរយៈក្រុមហ៊ុនបុត្រសម្ព័ន្ធរបស់ខ្លួនគឺក្រុមហ៊ុន Cart Tire Co Ltd ដែលមានទីតាំងនៅតំបន់សេដ្ឋកិច្ចពិសេស Qi Lu (Cambodia) ក្រុងបាវិត ជិតព្រំដែនវៀតណាម។
ក្រុមហ៊ុនផលិតសំបកកង់ធំទីបីគឺ Qingdao Double star Group បានសាងសង់រោងចក្រសំបកកង់ថ្មីនៅខេត្តក្រចេះ ដោយសហការជាមួយក្រុមហ៊ុន UBE Development Co Ltd។
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៧ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៥ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ