ព័ត៌មានអន្ដរជាតិ
មេដឹកនាំអ៊ុយក្រែន ប្រាប់ថា «ផែនការជ័យជម្នះ» ធ្វើរួចរាល់ហើយ!
លោកប្រធានាធិបតី Volodymyr Zelenskiy បាននិយាយកាលពីថ្ងៃពុធថា «ផែនការជ័យជម្នះ» របស់លោក ដែលមានបំណងនាំមកនូវសន្តិភាពដល់អ៊ុយក្រែន ជួយឲ្យប្រទេសរឹងមាំ និងជៀសវាង «ជម្លោះជាប់គាំង» ឥឡូវនេះបានបញ្ចប់រួចរាល់ហើយបន្ទាប់ពីការពិគ្រោះយោបល់ជាច្រើនដង។
លោក Zelenskiy បានសន្យាកាលពីខែមុនថានឹងបង្ហាញផែនការនេះទៅកាន់ប្រធានាធិបតីអាមេរិក លោក Joe Biden នៅពេលដែលលោកទៅចូលរួមសម័យប្រជុំក្រុមប្រឹក្សាសន្តិសុខ និងមហាសន្និបាតអង្គការសហប្រជាជាតិ នាសប្ដាហ៍ក្រោយ។
មេដឹកនាំអ៊ុយក្រែន បានរៀបរាប់ថា៖ «ថ្ងៃនេះ អាចនិយាយបានថា ផែនការជ័យជម្នះរបស់យើងត្រូវបានរៀបចំទាំងស្រុង។ ចំណុចទាំងអស់ លក្ខខណ្ឌសំខាន់ទាំងអស់ និងការបន្ថែមលម្អិតចាំបាច់ទាំងអស់នៃផែនការត្រូវបានកំណត់រួចរាល់។ អ្វីដែលសំខាន់បំផុតគឺការប្តេជ្ញាចិត្តក្នុងការអនុវត្តវា»។
លោក Zelenskiy ធ្លាប់បានប្រើគោលការណ៍មូលដ្ឋានសម្រាប់ការចរចាអំពីផែនការសន្តិភាពដែលលោកបានបង្ហាញនៅចុងឆ្នាំ២០២២ ដោយអំពាវនាវឲ្យមានការដកកងទ័ពរុស្ស៊ី ការស្ដារឡើងវិញនូវព្រំដែនសម័យក្រោយសូវៀតរបស់អ៊ុយក្រែន និងវិធីនាំយករុស្ស៊ីទៅកាត់ទោសសម្រាប់ការឈ្លានពានរបស់ខ្លួន។
ផែនការនេះគឺជាចំណុចស្នូលនៃ «កិច្ចប្រជុំកំពូលសន្តិភាព» ដែលរៀបចំនៅប្រទេសស្វីសកាលខែមិថុនាកន្លងទៅ ដោយបណ្ដាប្រទេសដែលបានចូលរួមសន្យាថានឹងរៀបចំកិច្ចប្រជុំកំពូលលើកទីពីរនៅចុងឆ្នាំ២០២៤។ កាលណោះរុស្ស៊ីមិនត្រូវបានអញ្ជើញឲ្យចូលរួមក្នុងកិច្ចប្រជុំកំពូលខែមិថុនាទេ ហើយបានចាត់ទុកវាថាគ្មានផលប្រយោជន៍នោះឡើយ បើទោះជាអ៊ុយក្រែន និងសម្ព័ន្ធមិត្ត បានប្រកាសថា ទីក្រុងមូស្គូអាចចូលរួមនៅក្នុងកិច្ចប្រជុំថ្មីក៏ដោយ។
រុស្ស៊ីធ្លាប់បាននិយាយម្តងហើយម្តងទៀតថា ខ្លួនមានឆន្ទៈក្នុងការចរចា។ ប៉ុន្តែឥលូវនេះ រុស្ស៊ីបានបដិសេធការពិភាក្សាទៅវិញ ខណៈដែលកងកម្លាំងអ៊ុយក្រែនបានវាយចូលដល់ទឹកដីរបស់ខ្លួននៅក្នុងតំបន់ Kursk កាលពីខែសីហា៕
ដោយ៖ ឈាង
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១០ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ