ព័ត៌មានអន្ដរជាតិ

ចិនពិចារណាចាក់បញ្ជូលមូលធនជាង ១៤០ ប៊ីលានដុល្លារ ទៅកាន់ធនាគារធំៗ ដើម្បីជំរុញសេដ្ឋកិច្ច

បានផុស

២ years មុន

នៅ

ថ្ងៃព្រហស្បតិ៍ ២៦ កញ្ញា ២០២៤

ដោយ

ប្រទេសចិនកំពុងពិចារណាលើការចាក់បញ្ជូលនូវមូលធនរហូតដល់ ១ ទ្រីលានយន់ (១៤២ ប៊ីលានដុល្លារ) ទៅក្នុងធនាគាររដ្ឋធំៗ ដើម្បីបង្កើនសមត្ថភាពរបស់ពួកគេក្នុងការទ្រទ្រង់សេដ្ឋកិច្ចដែលកំពុងជួបការលំបាក។ នេះបើតាមការចុះផ្សាយនាថ្ងៃព្រហស្បតិ៍នេះរបស់សារព័ត៌មាន Bloomberg ដែលស្រង់សម្ដីប្រភពមិនបញ្ចេញឈ្មោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបានបន្តថា ការផ្តល់មូលធននេះនឹងបានមកជាចម្បងពីការចេញមូលបត្របំណុលរដ្ឋពិសេសថ្មី ខណៈព័ត៌មានលម្អិតមិនទាន់ត្រូវបានបញ្ចប់សេចក្ដីនៅឡើយទេ ហើយអាចនឹងផ្លាស់ប្តូរ។

ប្រសិនបើការណ៍នេះកើតឡើង នោះវានឹងក្លាយជាវិធានការជាលើកដំបូង រាប់ចាប់តាំងពីវិបត្តិហិរញ្ញវត្ថុពិភពលោកក្នុងឆ្នាំ ២០០៨ ដែលទីក្រុងប៉េកាំងបានបញ្ចូលដើមទុនទៅក្នុងធនាគារធំៗរបស់ខ្លួន។

ប្រភពថា ចិនកំពុងប្រញាប់ប្រញាល់ក្នុងការបន្ថែមមូលធនទៅក្នុងធនាគាររបស់ពួកគេ ក្រោយចេញគោលនយោបាយកាត់បន្ថយអត្រាការប្រាក់ផ្សេងៗដើម្បីស្តារសេដ្ឋកិច្ចឡើងវិញ ទោះបីជាធនាគារធំៗទាំង៦ មានកម្រិតមូលធលលើសពីតម្រូវការរបស់ខ្លួនក៏ដោយ។

យ៉ាងណាមិញ ដោយជាប់ឈ្មោះក្នុងការជួញជំរុញសេដ្ឋកិច្ចក្នុងរយៈពេលប៉ុន្មានឆ្នាំចុងក្រោយនេះ ធនាគារផ្តល់ប្រាក់កម្ចីផ្សេងៗដូចជា Industrial & Commercial Bank of China និង Bank of China បច្ចុប្បន្ន កំពុងប្រឈមមុខនឹងប្រាក់ចំណេញធ្លាក់ចុះ ខណៈបំណុលពិបាកទារកើនឡើង។

អ្នកជំនាញសេដ្ឋកិច្ចមើលឃើញថា ការចាក់បញ្ជូលមូលធនទៅក្នុងធនាគារនាពេលនេះ គឺជាវិធីសាស្រ្តជំរុញសេដ្ឋកិច្ចមួយបែបទៀត ដែលជាការជំរុញសារពើពន្ធ និងអាចធ្វើឱ្យធនាគារមានស្ថិរភាព ខណៈតម្លៃអចលនទ្រព្យបន្តធ្លាក់ចុះ។ វានឹងធានាថា សមត្ថភាពផ្ដល់ប្រាក់កម្ចីរបស់ធនាគារ នឹងមិនរងផលប៉ះពាល់ឡើយ។

ធនាគារធំៗរបស់ចិន បានស្ថិតនៅក្រោមសម្ពាធកាន់តែខ្លាំងឡើងពីនិយតករ ដើម្បីពង្រឹងសេដ្ឋកិច្ចដែលកំពុងជួបការលំបាក ដោយបន្ថយអត្រាការប្រាក់សម្រាប់អ្នកខ្ចីដែលមានហានិភ័យ រាប់តាំងពីក្រុមហ៊ុនអភិវឌ្ឍន៍អចលនទ្រព្យ និងម្ចាស់ផ្ទះផ្សេងៗ៕

Related Topics:ចិន ធនាគារចិនសេដ្ឋកិច្ចចិន

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា