សុខភាព

វិធីងាយៗស្នាក់នៅផ្ទះឈ្នះកូវីដ បានទាំងប្រយោជន៍ និងសុខភាព

បានផុស

៥ years មុន

នៅ

ថ្ងៃពុធ ១០ មីនា ២០២១

ដោយ

ជំងឺកូវីដពីមួយថ្ងៃទៅមួយថ្ងៃកាន់តែកើនឡើងជាគំហុក រាជរដ្ឋាភិបាលនិងក្រសួងសុខាភិបាលក៏បានអំពាវនាវដាច់ខាត កុំចេញក្រៅផ្ទះ បើមិនចាំបាច់ក្នុងកំឡុងពេលនេះ។

ជារឿងមួយដែលសង្គមយើងបានផ្លាស់ប្ដូរ រវាងការងារពីក្រុមហ៊ុនមកផ្ទះ ឬសិស្សត្រូវតម្រូវឲ្យរៀនតាមអនឡាញជាដើម។

ដូច្នេះមនុស្សគ្រប់គ្នាមិនថាយើងឬគេ តែងធុញថប់នឹងជីវិតនៅផ្ទះ ហើយនឹកចង់ចេញដើរហើរសេរីដូចពីមុន។ ជៀសវាងមានសំពាធក្រោយធ្វើការឬរៀនអនឡាញរួច យើងក៏អាចធ្វើអីដែលមានប្រយោជន៍សម្រាប់សុខភាពនិងហាត់ពត់លត់ដំចិត្តយើងបាននឹងនថែមទៀត។

១ ហាត់យោហ្គា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការហាត់យោហ្គាមិនត្រឹមតែជួយឲ្យរាងស្អាតទេ តែក៏អាចជួយយើងឲ្យកើនកម្ពស់បានថែមទៀតផង។ ជាពិសេសស្រីៗដែលចង់រក្សាសម្រស់និងរាងថេរជានិច្ច។

២ គេងឲ្យបានគ្រប់គ្រាន់

ន័យនេះមិនបានឲ្យគេងទ្រមក់ឡើយ តែឲ្យអ្នកបានគេងគ្រប់គ្រាន់ក្នុងពេលមានជំងឺរាតត្បាត។ បើសិនយើងគេងបានគ្រប់ម៉ោង សុខភាពយើងក៏ល្អ ហើយអាចយកឈ្នះលើជំងឺដំកាត់ផ្សេងៗបាន។

៣ ហូបអាហារជំនួយសុខភាព

មិនបាច់ហូបអាហារឲ្យគ្រប់តាមលក្ខខណ្ឌពេកក៏បាន សំខាន់ឲ្យតែបានល្មមឆ្អែតនិងគ្រប់៣ពេលកុំខាន។ ជាពិសេសកុំភ្លេចហូបបន្លែដែលបានចម្អិនឲ្យឆ្អិនល្អ ចៀសវាងទទួលទានបន្លែឆៅនិងអាហារមិនឆ្អិនច្រើន។

៤ តុបតែងផ្ទះ

ទំនេរនៅផ្ទះអផ្សុកពេលផុតម៉ោងការងារឬរៀន អាចយករបស់ចាស់ៗឬរបស់ដែលយើងទិញមកជាយូរមិនប្រើ មកច្នៃតុបតែងផ្ទះតាមចំណង់ចំណូលចិត្ត។

៥ រៀនអ្វីថ្មីតាមអនឡាញ

រៀនអ្វីក៏បានតាមចំណង់ចំណូលចិត្ត ឲ្យតែការរៀននោះផ្ដល់ផលល្អមកយើង មិនថារៀនធ្វើម្ហូបតិចនិកផ្សេងៗ វិធីថែសម្រស់ឬវិធីតុបតែងគេហដ្ឋានក្ដី។

៦ ចំណាយពេលជាមួយមនុស្សជាទីស្រលាញ់

កុំភ្លេចមនុស្សសំខាន់ឲ្យសោះ នេះជាពេលមួយដែលក្រុមគ្រួសារនីមួយៗគួរសាងមនោសញ្ចេតនារវាងគ្នានឹងគ្នា។ ពេលហូបបាយជុំគ្នា គួរថតរូបទុកជាអនុស្សាវរីយ។

៧ តេទៅគ្រួសារឬមិត្តជិតដិត

សម្រាប់បុគ្គលដែលឡើងមកធ្វើការឬរៀនឆ្ងាយពីគ្រួសារ ក្ដីនឹករលឹកគឺតែងមានចំពោះគ្នាទៅវិញទៅមក។ ឆ្លៀតយកពេលនេះ តេទៅគ្រួសារឬមិត្តដែលស្និទ្ធស្នាលគ្នា សួរសុខទុក្ខ ពីស្ថានភាពបច្ចុប្បន្ន។

មិនថាអ្នកស្ថិតក្នុងស្ថានភាពយ៉ាងម៉េច អ្នកត្រូវតែទ្រាំហើយការពារតាមការប្រកាសរបស់ក្រសួងសុខាភិបាល។ យើងការពារទាំងអស់គ្នា ក៏ដូចជាជួយកាត់បន្ថយហានិភ័យនៃការឆ្លងបានមួយកម្រិតដែរ៕

ជូនពរសុខភាពល្អនិងសំណាងល្អ!

អត្ថបទ៖ សាង ស្រីល័ក្ខ

ចុចអាន៖រឿងសំខាន់ៗត្រូវដឹង ក្រោយចាក់វ៉ាក់សាំងរួច