ជីវិតកម្សាន្ដ

រឿងអាស្រូវមិនចប់ MGI រងការចោទថា កម្មវិធីជ្រើសរើសបវរកញ្ញាដើម្បីរកលុយសងកម្មវិធីវិញ

បានផុស

២ years មុន

នៅ

ថ្ងៃអាទិត្យ ២៧ តុលា ២០២៤

ដោយ

មានការលើកឡើងថា «ស្រីស្អាតមានសមត្ថភាពរកលុយ ឬស្វែងរករាជិនីសម្រស់ដែលមានសមត្ថភាពរកប្រាក់បាន» របស់លោក ណាវ៉ាត់ ប្រធាន Miss Grand International បង្កឲ្យមានភាពចម្រូងចម្រាសជាខ្លាំងនៅពេលលើកប្រយោគមួយនេះឡើង។

ជាពិសេស ស្ថិតនៅក្នុងប្រព័ន្ធ BIG 5 នៃកម្មវិធីប្រកួតសម្រស់ដ៏ធំបំផុតរបស់ពិភពលោក ទិសដៅរបស់ MGI គឺខុសគ្នាទាំងស្រុង។ លក្ខណៈវិនិច្ឆ័យសម្រាប់ជ្រើសរើសអ្នកឈ្នះនៃការប្រកួតក្នុងរយៈពេល ២ ទៅ ៣ ឆ្នាំមុនគឺជាស្ថានភាពនៃពាណិជ្ជកម្ម។ នេះត្រូវបានគេចាត់ទុកថាជាការឃ្លាតពីការប្រកួតសម្រស់សុទ្ធសាធ។

ក្នុងកិច្ចសន្ទនាជាមួយអ្នកសារព័ត៌មាន លោកណាវ៉ាត់ធ្លាប់បានប្រកាសចំៗថា «ស្ថាប័នរបស់យើងមិនជ្រើសរើសនារីសម្រស់តាមគណៈវិនិច្ឆ័យទេ។ ខ្ញុំមិនទុកចិត្តពួកគេទេ ព្រោះពួកគេគ្រាន់តែឃើញស្រីៗពីរបីម៉ោងនៅលើឆាក។ យើងជ្រើសរើសតាមគំនិតរបស់បុគ្គលិកនៅក្នុងស្ថាប័ន និងអ្នកអមដំណើរ បេក្ខនារីទូទាំងប្រទេស ខ្ញុំត្រូវតែជាអ្នកធ្វើការសម្រេចចិត្តចុងក្រោយក្នុងការស្វែងរករាជិនីសម្រស់ដែលមានសមត្ថភាព ដើម្បីជួយរកប្រាក់»។

ដ្បិតថាយ៉ាងនេះក្ដី សេចក្តីថ្លែងការណ៍របស់ប្រធាន MGI បាន បញ្ឆេះនូវភាពចម្រូងចម្រាសយ៉ាងឆាប់រហ័សនៅក្នុងវេទិកាបណ្តាញទំនាក់ទំនងសង្គម។ មហាជនជាច្រើនសម្តែងការមិនពេញចិត្ត និងងឿងឆ្ងល់ថា តើបេសកកម្មរបស់ម្ចាស់ជ័យលាភីឈប់ត្រឹមតែជួយស្ថាប័ននេះរកលុយជំនួសការផ្សព្វផ្សាយបេសកកម្មក្នុងសហគមន៍ និងសង្គមជាតិឬយ៉ាងណា? ជាក់ស្តែង ទម្រង់ពាណិជ្ជកម្មរបស់ MGI មិនត្រឹមតែធ្វើឡើងសម្រាប់អ្នកឈ្នះប៉ុណ្ណោះទេ។ វាមានវត្តមានតាំងពីចាប់ផ្តើមរដូវកាលនីមួយៗ។

ក្នុងរយៈពេលប៉ុន្មានឆ្នាំចុងក្រោយនេះ MGI បានណែនាំផ្នែកបោះឆ្នោតបន្ថែមមួយទៀតដែលមានឈ្មោះថា Miss Popular។ ការប្រកួតនេះផ្តោតលើការទទួលបានប្រាក់ចំណេញពីការបោះឆ្នោតដែលបានបង់។ គេដឹងថា ពេលប្រើសំឡេងឆ្នោត១ ទស្សនិកជនត្រូវចំណាយយ៉ាងហោចណាស់ ១ ដុល្លារ ហើយមួយផ្នែកនេះបានជួយកម្មវិធីទទួលបានប្រាក់យ៉ាងច្រើនពីសកម្មភាពនេះ។ លទ្ធផលសម្រាប់អ្នកឈ្នះចុងក្រោយគឺសំបុត្រចូលទៅកាន់វគ្គផ្ដាច់ព្រ័ត្រកំពូលទាំង ១០ និងទទួលបានតំណែងលេខ៥។ ដូច្នេះ អ្វីដែលត្រូវបានគេសួរថា តើ MGI នៅតែយុត្តិធម៌ចំពោះបេក្ខនារីដែលមានទេពកោសល្យ ប៉ុន្តែខ្វះការផ្សព្វផ្សាយ ឬមិនទទួលបានការគាំទ្រ និងគាំទ្រខ្លាំងពីទស្សនិកជន?

ទោះបីជាយ៉ាងណា ស្របពេលដែលរឿងអាស្រូវលើឆាកអន្តរជាតិមិនចេះចប់មិនចេះហើយ កាលពីរាត្រីនៃវគ្គផ្ដាច់ព្រ័ត្រ លោកណាវ៉ាត់បានស្នើឲ្យ ND របស់មីយ៉ាន់ម៉ា បោះឆ្នោត ២៥ ០០០ ដុល្លារនៅក្នុងការបោះឆ្នោតប្រជាប្រិយ នោះលោកនឹងផ្តល់ឲ្យនូវអ្វីដែលខាងមីយ៉ាន់ម៉ាចង់បានដូចជាមកុដ។ ទោះបីជាវាមិនងាយស្រួលក្នុងការបោះឆ្នោតតាមអ៊ីនធឺណិតក៏ដោយ តែលោកណាវ៉ាត់បានបញ្ចាក់ថា ND ក៏អាចផ្តល់សាច់ប្រាក់ក៏បាន។ ប៉ុន្តែ ND មីយ៉ាន់ម៉ា ថា មិនចង់ទិញមកុដទេ។ គាត់ចង់បានមកុដដោយខ្លួនឯង ដោយសមត្ថភាពរបស់បវរកញ្ញាខ្លួនវិញ។

ដោយសារបែបនេះហើយទើបខាងភាគីមីយ៉ានម៉ាមិនពេញចិត្តនឹងតំណែងលេខ២រហូតឈានដល់តំណាង ND របស់ មីយ៉ាន់ម៉ាបានទាញមកុដពីក្បាលរបស់បវរកញ្ញា Thae Su Nyein និងប្រញាប់នាំនាងចុះពីចេញឆាករៀបចំឥវ៉ាន់ត្រលប់មកទឹកដីកំណើតខ្លួនភ្លាមៗដែរ។

គួររម្លឹកថា កម្មវិធី Miss Grand International 2024 នៅយប់ចុងក្រោយថ្ងៃទី ២៥ ខែតុលា បានបញ្ចប់ទៅដោយជ័យជម្នះបានទៅលើបវរកញ្ញា Rachel Gupta តំណាងមកពីប្រទេសឥណ្ឌា។ តំណែងនៃលំដាប់រងដែលនៅសេសសល់រួមមានតំណាងប្រទេសហ្វីលីពីន, មីយ៉ាន់ម៉ា បារាំង និងប្រេស៊ីល៕