ជីវិតកម្សាន្ដ

Miss Charm អាមេរិក ធ្លាប់ជាប់ឈ្មោះស្អាតបំផុតលើលោក

បានផុស

១០ ខែ មុន

នៅ

ថ្ងៃសុក្រ ៥ កញ្ញា ២០២៥

ដោយ

ការប្រកួតផ្តាច់ព្រ័ត្រ Miss Charm USA 2025 បានធ្វើឡើងនៅថ្ងៃទី ២ ខែកញ្ញា ជាមួយនឹងជ័យលាភីរបស់សម្រស់ Kaylyn Slevin ដោយរូបនាងនឹងតំណាងឲ្យសហរដ្ឋអាមេរិក ក្នុងការប្រកួតបវរកញ្ញា Charm 2025 ដែលប្រារព្ធធ្វើនៅប្រទេសវៀតណាមនៅចុងឆ្នាំនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាជ័យជំនះរបស់ Kaylyn Slevin មិនគួរឲ្យភ្ញាក់ផ្អើលទេ ព្រោះនាងត្រូវបានគេចាត់ទុកថាជាបេក្ខនារីដ៏មានសក្ដានុពលតាំងពីដើមដំបូងនៃការប្រកួត។ នាងមានអាយុ ២៤ ឆ្នាំ កម្ពស់ ១. ម៉ែត្រនិង៦៨សង់ទីម៉ែត្រ ជាតារាម៉ូដែល និងជាអ្នករាំអាជីព។ នាងក៏ជាសម្រស់មួយរូបដែលមានឥទ្ធិពលលើបណ្ដាញសង្គម ជាមួយនឹងទំព័រ Instagram ដែលមានអ្នកតាមដានជិត ៦០០ ០០០នាក់។

ថ្វីដ្បិតតែមិនមានកម្ពស់ខ្ពស់ក៏ដោយ ប៉ុន្តែ Kaylyn Slevin ត្រូវគេកោតសរសើរចំពោះមុខមាត់ស្អាតដូចតុក្កតា និងសក់ពណ៌ទង់ដែងភ្លឺចាំង។ នាងក៏មានបទពិសោធការប្រកួតសម្រស់ គួរឲ្យចាប់អារម្មណ៍ផងដែរ។

ក្នុងឆ្នាំ ២០១៦ នាងបានជាប់ជាបវរកញ្ញា Miss Ventura County Teen តាមពីក្រោយដោយ Miss Malibu Teen USA 2017, MSA Dance Miss Malibu Teen 2018។ បន្ទាប់ពីចូលរួមក្នុងកម្មវិធីប្រកួតសម្រស់យុវវ័យជាច្រើន បវរកញ្ញារូបនេះ បានចុះឈ្មោះសម្រាប់បវរកញ្ញារដ្ឋកាលីហ្វ័រញ៉ាឆ្នាំ ២០២៥ និងបានឈ្នះរង្វាន់រងទីពីរ។

នាងធ្លាប់ទាក់ទាញការចាប់អារម្មណ៍ នៅពេលដែលនាងជាប់ចំណាត់ថ្នាក់ទី ១១ ក្នុងការស្ទង់មតិកំពូល ១០០ របស់ TC Candler មុខស្អាតបំផុតនៅលើពិភពលោក ២០២១ ។ ក្នុងឆ្នាំនោះ អ្នកដែលជាប់ចំណាត់ថ្នាក់លេខមួយគឺ Lisa សមាជិកក្រុម BlackPink។

ការជាប់ចំណាត់ថ្នាក់ទី១១ ក្នុងបញ្ជីមុខមាត់ស្អាតបំផុតទាំង ១០០នៅលើពិភពលោក ២០២១ បានជួយ Kaylyn Slevin ឲ្យល្បីល្បាញនៅលើប្រព័ន្ធផ្សព្វផ្សាយសង្គម។ នាងបានដើរតួជា Beatrice នៅក្នុងស៊េរីបណ្តាញដ៏ល្បីល្បាញ Chicken Girls (រដូវកាលទី ៣) ។

សូមជម្រាបជូនថា Miss Charm 2025 គ្រោងនឹងប្រព្រឹត្តទៅនៅខែវិច្ឆិកាក្នុងប្រទេសវៀតណាម។ នេះជាឆ្នាំទី៣ជាប់ៗគ្នាហើយដែលការប្រកួតនេះត្រូវបានរៀបចំឡើងនៅប្រទេសវៀតណាម។ យោងតាមបទប្បញ្ញត្តិថ្មី បេក្ខជនដែលមានអាយុពី ១៨ ដល់ ៣៥ ឆ្នាំអាចប្រកួតប្រជែងក្នុងកម្មវិធី Miss Charm 2025។ រាជនីសម្រស់គឺ Rashmita Rasindran មកពីប្រទេសម៉ាឡេស៊ី៕