សន្តិសុខសង្គម
ឃាត់ខ្លួនកូនបង្កើត និងបក្ខពួកបន្ទាប់ពីរៀបផែនការលួចម៉ូតូ និងកាប់ឪពុកខ្លួនឯងរបួសធ្ងន់
ជនសង្ស័យចំនួនពីរនាក់ ក្នុងនោះមានម្នាក់ជាកូនបង្កើតរបស់ជនរងគ្រោះត្រូវបានកម្លាំងនគរបាលស្រុកសំរោងទង នៃស្នងការដ្ឋាននគរបាលខេត្ដកំពង់ស្ពឺ ធ្វើការឃាត់ខ្លួនបន្ទាប់ពីចូលលួចម៉ូតូ និងកាប់ទៅលើឪពុកខ្លួនបណ្ដាលឲ្យរងរបួសតាមផែនការដែលរៀចំទុក ខណៈម្នាក់ទៀតយកម៉ូតូគេចខ្លួនបាត់។
ករណីកូនបង្កើតរៀបចំផែនការលួចម៉ូតូឪពុក រហូតឈានដល់កាប់លើឪពុកខ្លួនរងរបួសនេះ បានកើតឡើងកាលពីវេលាម៉ោង១និង១៥នាទីយប់រំលងអធ្រាត្រ ឈានចូលថៃ្ងទី២៦ ខែតុលា ឆ្នាំ២០២៤ នៅភូមិស្រែកក់ ឃុំរលាំងចក ស្រុកសំរោងទង ខេត្ដកំពង់ស្ពឺ។
តាមរបាយការណ៍សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនមានឈ្មោះ តោ ភក្រ្តា ភេទប្រុស អាយុ២២ឆ្នាំ (កូនបង្កើតជនរងគ្រោះ) ឈ្មោះ ផល ឆើត ហៅ ប៉ៃ ភេទប្រុស អាយុ១៨ឆ្នាំ រស់នៅភូមិស្រែកក់ ឃុំរលាំងចក ស្រុកសំរោងទង និងម្នាក់ទៀតឈ្មោះ ស៊ិន សាម៉េត ហៅ ហួ ភេទប្រុស អាយុ២១ឆ្នាំ(គេចខ្លួន)។ ចំណែកជនរងគ្រោះមានឈ្មោះ ញៀន តុល ភេទប្រុស អាយុ៤៥ឆ្នាំ រងរបួសក្បាលផ្នែកខាងលើចិញ្ចើម ដោយសារកូនបង្កើតខ្លួនឯងកាប់ដោយកាំបិត ពេលបក្ខពួកខ្លួនចូលមកគាស់ទ្វារលួចម៉ូតូ។
តាមចម្លើយសារភាពរបស់ជនសង្ស័យឈ្មោះ តោ ភក្រ្តា ដែលជាកូនបង្កើតរបស់ជនរងគ្រោះបានបញ្ជាក់ថា ខ្លួននិងបក្ខពួក២នាក់ទៀតបានចូលមកលួចយកម៉ូតូរបស់ឪពុកពិតប្រាកដមែន ខណៈដែលបក្ខកំពុងធ្វើសកម្មភាពចូលលួច ឪពុករបស់ខ្លួនក៏បានភ្ញាក់ដឹងខ្លួន និងបានមកចាប់ទាញម៉ូតូ ពេលនោះដើម្បីកុំអោយខូចផែនការ ខ្លួនបានទាញកាំបិតកាចែតកាប់វាយប្រហារទៅលើលោកឪពុកតែម្ដង រួចបក្ខពួកបានយកម៉ូតូចេញផុតពីទីកន្លែងកើតហេតុគេចបាត់។ របាយការណ៍បញ្ជាក់ថា ម៉ូតូដែលត្រូវជនសង្ស័យយកទៅបាត់នោះម៉ាក ហុងដា សេ១២៥ ពណ៌ខ្មៅ សេរីឆ្នាំ២០០៨ ឡើងតែម ២០១៥ ពាក់ផ្លាកលេខ កំពង់ស្ពឺ1C.6908 ។
បច្ចុប្បន្នសមត្ថកិច្ចបានបន្ដនីតិវិធីសហការស្រាវជ្រាវដើម្បីឃាត់អ្នកពាក់ព័ន្ធ និងបានកសាងសំណុំរឿងបញ្ជូនបន្ដទៅការិយាល័យខេត្ត៕
អត្ថបទ៖ សុខុម
-
ព័ត៌មានជាតិ៧ ថ្ងៃ agoអភិបាលរាជធានី ណែនាំឱ្យអាជ្ញាធរយកចិត្តទុកដាក់ខ្ពស់ចំពោះគ្រួសារយុទ្ធជនជួរមុខនៅក្នុងមូលដ្ឋាន
-
សន្តិសុខសង្គម៤ ថ្ងៃ agoជនដៃដល់ចាប់ជំរិតក្មេងស្រីអាយុ ៥ ឆ្នាំ ទុកពេលឲ្យឪពុកម្តាយ ១ ម៉ោង ជាថ្នូរដូរយកលុយ ១ ម៉ឺនដុល្លារ តែអកុសលក្មេងរងគ្រោះបានស្លាប់
-
ព័ត៌មានអន្ដរជាតិ១៨ ម៉ោង agoលោក រូប៊ីយ៉ូ ជាប់ក្នុងបញ្ជីទណ្ឌកម្មចិន ចុះហេតុអ្វីបានអាចអមដំណើរ ត្រាំ ក្នុងក្រុងប៉េកាំង?
-
ព័ត៌មានជាតិ១ ថ្ងៃ agoសមត្ថកិច្ចខេត្តកំពតបង្ក្រាបទីតាំងប្តូរសម្បកបាវស្ករសអក្សរថៃនាំចូលពីថៃ ទៅជាបាវអក្សរវៀតណាម ដើម្បីបំភាន់ភ្នែកសមត្ថកិច្ច និងចលនាពហិការផលិតផលថៃ
-
ព័ត៌មានជាតិ៦ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានអន្ដរជាតិ៧ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ៦ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៧ ថ្ងៃ agoខ្លាំងដូចការប្ដេជ្ញាមែន! ក្រុមបាល់ទះបឋមសិក្សាខេត្តព្រៃវែង ឈ្នះមេដាយមាស និងបិទដៃគូឲ្យបានតែជាង ១០ពិន្ទុប៉ុណ្ណោះ