ព័ត៌មានអន្ដរជាតិ
ពូទីន បញ្ជាឲ្យផលិតមីស៊ីលទ្រង់ទ្រាយធំ ហើយថាគ្មាននរណាលើលោកអាចបញ្ឈប់វាបានឡើយ
លោក វ្ល៉ាឌីមៀរ ពូទីន មេដឹកនាំរុស្ស៊ី និយាយថា ឃ្លាំងផ្ទុកមីស៊ីលបាលិស្ទិកល្បឿនលឿន «ដែលមិនអាចទប់ទល់បាន» របស់ក្រុងមូស្គូ គឺរួចរាល់ហើយសម្រាប់ការប្រើប្រាស់។ ការលើកឡើងនេះ ធ្វើឡើងបន្ទាប់ពីរុស្ស៊ីបានបាញ់មីស៊ីលល្បឿនលឿនមួយគ្រាប់ទៅលើអ៊ុយក្រែនជាលើកដំបូង ដែលជាការព្រមានយ៉ាងម៉ឺងម៉ាត់ចំពោះលោកខាងលិច។
ប្រធានាធិបតីរុស្ស៊ី បានលើកឡើងថា ការវាយប្រហារដោយមីស៊ីល Oreshnik នៅទីក្រុង Dnipro គឺជាការសងសឹកចំពោះការប្រើប្រាស់មីស៊ីលរយៈចម្ងាយឆ្ងាយរបស់ទីក្រុងកៀវនៅក្នុងប្រទេសរុស្ស៊ី ក្រោយទទួលបានការបើកភ្លើងខៀវពីសហរដ្ឋអាមេរិក និងចក្រភពអង់គ្លេស។
មីស៊ីលនេះ មិនធ្លាប់ត្រូវរុស្ស៊ីប្រើប្រាស់ក្នុងសង្គ្រាម ឬក្នុងជម្លោះណាមួយពីមុននោះឡើយ។
នៅក្នុងសុន្ទរកថាតាមទូរទស្សន៍ជាតិមួយកាលពីថ្ងៃសុក្រ លោក ពូទីន បានផ្ញើការព្រមានដ៏ខ្លាំងក្លាមួយទៅកាន់លោកខាងលិចថា «គ្មាននរណាម្នាក់នៅលើពិភពលោកមានអាវុធបែបនេះទេ» ហើយថា លោកនឹងចាប់ផ្តើមផលិតមីស៊ីល Oreshnik ក្នុងទ្រង់ទ្រាយធំ។
បុរសខ្លាំងរុស្ស៊ី បានបន្តថា៖ «មិនយូរមិនឆាប់ប្រទេសឈានមុខគេផ្សេងទៀតក៏នឹងទទួលបានពួកវាផងដែរ យើងដឹងថាពួកវាកំពុងស្ថិតក្រោមការអភិវឌ្ឍ។ ឥលូវយើងមានប្រព័ន្ធនេះ ហើយវាពិតជាសំខាន់ណាស់»។
លោកបានបន្ថែមថា រុស្ស៊ីនឹងបន្តការសាកល្បង រួមទាំងការប្រយុទ្ធអាស្រ័យលើស្ថានការណ៍ និងលក្ខណៈនៃការគំរាមកំហែងសន្តិសុខដែលបានបង្កើតឡើងសម្រាប់រុស្ស៊ី។
មន្ត្រីយោធាអ៊ុយក្រែន បានប្រាប់ថា មីស៊ីលរុស្ស៊ីដែលបានប្រើវាយប្រហារក្រុងកៀវ មានលឿនជាងល្បឿនសំឡេងដល់ទៅ ១១ដង ហើយបំពាក់ក្បាលគ្រាប់ធម្មតាចំនួន ៦គ្រាប់ ហើយគ្រាប់នីមួយៗទៀតសោតអាចបញ្ចេញនូវគ្រាប់ផ្ទុះចំនួន៦ផ្សេងៗទៀត។
លោក ពូទីន អះអាងថា ប្រព័ន្ធការពារដែនអាកាសលោកខាងលិច នឹងពុំអាចបញ្ឈប់មីស៊ីលថ្មី របស់រុស្ស៊ីបានឡើយ។
ចំណែកឯ លោក Sergei Karakayev ប្រធានកងកម្លាំងមីស៊ីលយុទ្ធសាស្ត្ររបស់រុស្ស៊ី បាននិយាយថា មីស៊ីលថ្មីនេះ អាចបំពាក់បានទាំងក្បាលគ្រាប់នុយក្លេអ៊ែរ និងក្បាលគ្រាប់ធម្មតា ដោយបន្ថែមថា «វាអាចទៅដល់គោលដៅទាំងអស់នៅទូទាំងទ្វីបអឺរ៉ុប»៕
ដោយ៖ ឈាង
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១០ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ