ព័ត៌មានអន្ដរជាតិ
មុនមរណៈភាព លោក Rey Mysterio Sr. បានបណ្តុះសាច់ញាតិជំនាន់ក្រោយឲ្យបន្តមរតកល្បីល្បាញ
តារាកីឡាកាសដ៏ល្បីល្បាញ Rey Misterio Sr. ដែលមានឈ្មោះពិតថា Miguel Ángel López Días នៅលើសង្វៀន WWE និងសង្វៀនសំដែងប្រដាល់ជាច្រើនទៀត បានទទួលមរណៈភាពក្នុងរយៈពេលដ៏ខ្លីបង្កឲ្យមានការភ្ញាក់ផ្អើលនិងសោកស្តាយក្នុងចំណោមអ្នកក្នុងភពកីឡាកម្សាន្ត និងអ្នកនិយមតាមដានទស្សនាកីឡាបែបសិល្បៈនេះ។
មរណៈភាពរបស់តារាដ៏ល្បីល្បាញនេះ បង្កើតជាសំណួរថាតើតារាកីឡាកម្សាន្តរូបនេះបានបណ្តុះបណ្តាលអ្នកបន្តវេនដែរឬទេ ដើម្បីបន្តមរតកភាពល្បីល្បាញរបស់លោក។
តាមការចុះផ្សាយរបស់សារព័ត៌មានបរទេស ក្នុងពេលមានជីវិតនៅឡើយ លោក Rey Misterio Sr. បានបណ្ដុះបណ្ដាលកូនប្រុសនិងក្មួយប្រុសមួយចំនួន មានដូចជា Dominik Mysterio អាយុ២៧ឆ្នាំឲ្យក្លាយជាអ្នកកីឡាបែបកម្សន្ត និងបានក្លាយជាជើងឯក NXT North America Champion ពីរសម័យកាលរហូតដល់ពេលនេះ។
ក្រៅពីការបង្ហាត់កូនប្រុស និងក្មួយប្រុស Rey Misterio Sr. ក៏បានបង្វឹកអ្នកចំបាប់អន្តរជាតិល្បីៗមួយចំនួនទៀតដូចជា Halloween និង Hayabusa ផងដែរ។
យោងតាមសារព័ត៌មានអន្តរជាតិជាច្រើនបានចុះផ្សាយថា កីឡាកាសជើងចាស់ម៉ិកស៊ិកដ៏ល្បីល្បាញ Rey Misterio Sr. បានទទួលមរណភាពហើយក្នុងអាយុ៦៦ឆ្នាំ។
គួរបញ្ជាក់ថា លោក Rey Misterio Sr. បានបង្ហាញខ្លួនជាលើកដំបូងក្នុងវិស័យកីឡាកាសនៅខែមករាឆ្នាំ១៩៧៦ នៅលើកម្មវិធីមួយដែលមានឈ្មោះថា «Day of the Kings»។ ចាប់តាំងពីពេលនោះមកគាត់បានបន្តអាជីពកីឡានេះជាមួយនឹងស្ថាប័ន Lucha Libre AAA Worldwide, Pro Wrestling Revolution និងសមាគមកីឡាកាសពិភពលោក។ គាត់ក៏បានឈ្នះពានជាច្រើននៅរួមទាំង IWC World Middleweight Championship រហូតដល់ពីរដងផងដែរ។
លោក គឺជាផ្នែកមួយនៃគ្រួសារដ៏ធំនៅក្នុងកីឡាកាសកម្សាន្ត ក៏ដូចជាអ្នកហ្វឹកហាត់ក្មួយប្រុសរបស់គាត់។ លោក Rey Misterio Jr. ដែលជាតារាកីឡាឆ្នើមនៅលើសង្វៀនសំដែង WWE លើវិស័យកីឡាកាសនេះ។
តើ Rey Misterio Sr. ស្លាប់ដោយសារអ្វី?
មូលហេតុនៃការស្លាប់របស់ Rey Misterio Sr. មិនទាន់ត្រូវបានបង្ហាញនៅឡើយទេ ប៉ុន្តែដំណឹងនេះកើតឡើងត្រឹមតែមួយសប្តាហ៍ប៉ុណ្ណោះ បន្ទាប់ពីបងប្រុសរបស់លោក ឈ្មោះ Robert Gutierrez បានទទួលមរណភាពក្នុងអាយុ ៧៦ឆ្នាំ។
ការប្រកាសនេះបានធ្វើឡើងតាមរយៈការបង្ហោះតាមហ្វេសប៊ុករបស់កូនប្រុសរបស់គាត់ ឈ្មោះ El Hijo De Rey Misterio Lopez។ ការស្លាប់របស់គាត់ក៏ត្រូវបានទទួលស្គាល់ដោយ Lucha Libre AAA Worldwide ដែលបានបង្ហោះសេចក្តីថ្លែងការណ៍នៅលើ Instagram ជាភាសាអេស្ប៉ាញថា «ក្រុមគ្រួសារ Lucha Libre AAA Worldwide ចូលរួមនៅក្នុងសាមគ្គីភាពសម្រាប់ការស្លាប់ដ៏គួរឲ្យសោកស្ដាយរបស់ Miguel Ángel López Días ដែលត្រូវបានគេស្គាល់ថា Rey Misterio Sr. ដោយយើងសូមចូលរួមរំលែកទុក្ខដ៏ស្មោះស្ម័គ្របំផុតទៅកាន់ក្រុមគ្រួសាររបស់គាត់ និងសូមអធិស្ឋានឲ្យលោកបានទៅកាន់ឋានសួគ៌»៕
អត្ថបទ៖ ប៊ុន សុភាព
-
សន្តិសុខសង្គម៤ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច២ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៧ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ សប្តាហ៍ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៦ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៧ ថ្ងៃ agoកុលបុត្រកុលធីតា ៣២៨រូប ចូលរួមពិធីបួសនៅវត្តព្រះឥន្ទទេព ដើម្បីតបស្នងសងគុណ និងអបអរសាទរវិសាខបូជា
-
ព័ត៌មានជាតិ២១ ម៉ោង agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៣ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី