Connect with us

កីឡា

មកស្គាល់ CEO របស់ WWE ជាសង្វៀនប្រកួតកីឡាកាសជើងចាស់ ល្បីលើពិភពលោក

បានផុស

នៅ

កាលពីជំនាន់មុន អ្នកណាមិនស្គាល់ក្រុមកីឡាកាស ដែលតែងតែឡើងលើសង្វៀនប្រកួតនៅ WWE Smackdown ហើយពួកគេទាំងនោះ សុទ្ធសឹងជាជើងខ្លាំងរបស់ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ​ ក្នុងពេលដែលអ្នកខ្លះស្គាល់កីឡាកាសជាច្រើន ក្នុងនោះយើងក៏អត់បានដឹងពីប្រវត្តិរបស់ CEO​ ដែលគ្រប់គ្រងនៅទីនោះផងដែរ។ តើលោកមានប្រភពមកពីណា? ហើយជានរណា ពីមុនមក?

ខ្សែ​ជីវិត​របស់​ដំបូង

កើត​នៅថ្ងៃទី ២៤ ខែសីហាឆ្នាំ ១៩៤៥ នៅរដ្ឋ Connecticut សហរដ្ឋអាមេរិក គិតមកទល់​ពេលនេះ Vincent Kennedy McMahon មានមានអាយុ ៧៧ ឆ្នាំ និងជា​ជនជាតិអាមេរិក។

បច្ចុប្បន្ន​គាត់​គឺជា​នាយកប្រតិបត្តិ និងជាប្រធានផ្នែកផ្សព្វផ្សាយ​កីឡាកាស​ដ៏ធំបំផុតរបស់​ពិភពលោក គឺ WWE Smackdown ដែលមនុស្សគ្រប់គ្នាស្គាស់ច្បាស់នេះឯង។​ McMahon ​​ក៏ជា​អ្នក​ផ្សព្វផ្សាយ​កីឡាកាស​ជំនាន់​ទី ៣ ដែល​ដើរ​តាម​ជីតា​របស់​លោក​គឺ Jess និង​ឪពុក Vincent ។

អាជីព​ដំបូង​របស់ Vince McMahon

Vince McMahon បាន​ចាប់ផ្ដើម​អាជីព​របស់​លោក ​ដោយផ្ដើម​ដំបូង​ជា​អ្នក​អត្ថាធិប្បាយ​សម្រាប់​ការ​ផ្សព្វផ្សាយ WWWF របស់​ឪពុក​លោក ​ក្នុង​ទសវត្សរ៍​ឆ្នាំ ១៩៧០។ គាត់​បាន​ទិញ​ការ​ផ្សព្វផ្សាយ​នៅ​ឆ្នាំ ១៩៨២ ហើយ​សម្រេច​បាន​នូវភាពផ្តាច់មុខ នៅក្នុងឧស្សាហកម្មនេះ។ មិនយូរប៉ុន្មាន​គំនិត​នៃ Wrestlemania ដែល​ថ្ងៃ​នេះ ​ជា​ព្រឹត្តិការណ៍​កីឡា-កម្សាន្ត​ដ៏​ធំ​បំផុត​ប្រចាំ​ឆ្នាំ​ត្រូវ​បាន​ណែនាំ។

យុទ្ធសាស្ត្រ​របស់ McMahon ភាគច្រើន គឺ​ដើម្បី​ទិញ​ដៃគូ​ប្រកួតប្រជែង​របស់​លោក។ ក្នុងឆ្នាំ ២០០១ WWE បាន​ទិញ​ដៃគូ​ប្រកួតប្រជែង​ដ៏​ធំបំផុតរបស់​ពួកគេ ​ក្នុង​ទសវត្សរ៍​ឆ្នាំ ១៩៩០ កីឡាកាស​ជើងឯក​ពិភពលោក (WCW) ហើយ​ថែម​ទាំងបាន​ទិញ​ទ្រព្យសម្បត្តិ​មួយ​ចំនួន ​នៃ​ការ​ប្រកួត​កីឡាកាស​ជើងឯក​ខ្លាំង​បំផុត (ECW) ។

ចាប់តាំង​ពី​ឆ្នាំ ២០១៤ McMahon បាន​និង​កំពុង​ពង្រីក​ប្រតិបត្តិការ WWE ។ គាត់បាន​បើក​ដំណើរការ WWE Network ដែល​ជា​សេវាកម្ម​ស្ទ្រីម OTT ។ មាន​ក្រុមហ៊ុន​បុត្រ​សម្ព័ន្ធ​របស់ WWE ជាច្រើន​ផ្សេង​ទៀត​ផងដែរ នៅ​ក្នុង​ខ្សែភាពយន្ត តន្ត្រី និង​សូម្បី​តែ​សាលា​កីឡាកាស​អាជីព។ បន្ថែម​ពី​លើអ្វីៗ​ទាំងអ​ស់នេះ McMahon ក៏​ជា​កំពូលកីឡាកាស​អាជីពម្នាក់​ដែរ ហើយ​បន្តបង្ហាញ​ខ្លួន​ ជា​តួអង្គ​អាជ្ញាកណ្ដាល នៅ​លើ​កញ្ចក់អេក្រង់​ទូរទស្សន៍​។

ទ្រព្យសម្បត្តិ​សុទ្ធ​ដែល​មាន​បច្ចុប្បន្ន​នេះ

ទ្រព្យសម្បត្តិ​សុទ្ធ​របស់​លោក គិត​ត្រឹម​ឆ្នាំ ២០២២ ត្រូវ​បាន​គេ​ប៉ាន់ប្រមាណ​ថា​ មាន​ប្រហែល ២. ១ ពាន់​លាន​ដុល្លារ។ គាត់​រក​បាន ៥.៦ លាន​ដុល្លារ ​ជា​នាយក​ប្រតិបត្តិ និង​ជា​ប្រធាន WWE ។

ជីវិត​ផ្ទាល់ខ្លួន​របស់ Vince McMahon

Vince McMahon បាន​រៀបការ​ជាមួយនាង Linda McMahon នៅ​ពេល​គាត់​មាន​អាយុ ២០ ឆ្នាំ​ នា​ឆ្នាំ​ ១៩៦៦ ។ ប្តីប្រពន្ធនេះ មានកូនពីរនាក់គឺ Shane និង Stephanie McMahon និងចៅ ៦ នាក់។

យ៉ាងណាមិញ ​គិត​មក​ទល់​ពេលនេះ ​កីឡាកាសជើងចាស់គឺ Triple H គឹ​ជា​កូនប្រសា​ប្រុស​របស់ Vince McMahonដោយ Triple H បាន​រៀប​អាពាហ៍ពិពាហ៍​ជាមួយ​កូនស្រី​ Vince McMahon គឺ​នាង Stephanie McMahon ។

បច្ចុប្បន្ននេះ Vince McMahon នៅតែជាអ្នកគ្រប់គ្រងធំក្នុងសង្វៀន WWE Smackdown ដដែល៕

ប្រែសម្រួល៖ សាង ស្រីល័ក្ខ

ចុចអាន៖កំពូលកីឡាកាសល្បីៗជំនាន់មុន អ្នកទស្សនាមិនចេះជិនណាយ មកទល់ពេលនេះ

ចុចអាន៖ស្គាល់ឬនៅ នេះមុខមាត់ពិតរបស់អ្នកកីឡាកាសមាឌល្អិត Rey Mysterio

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២០ នាទី មុន

ប្រវត្តិស្នេហារបស់ Johnny Depp និងអតីតភរិយា មុនមានរឿងក្ដីក្ដាំ

សន្តិសុខសង្គម២ ម៉ោង មុន

ជនសង្ស័យ​២​នាក់​ ជិះ​ម៉ូតូ​បាញ់​កញ្ចក់​រថយន្ដ​យក​ទ្រព្យសម្បត្តិ​នៅមុខ​ហាង​លក់​គ្រឿងអគ្គិសនី​សេង​ម៉ាំង

សេចក្ដីជូនដំណឹង២ ម៉ោង មុន

សេចក្តី​ជូនដំណឹង​ស្តីពី​ការ​អញ្ជើញ​ចូល​រួមដេញថ្លៃ​ការ​ផ្គត់ផ្គង់​ទំនិញ​របស់មន្ទីរ​សុខាភិបាល​នៃ​រដ្ឋបាល​ខេត្តបាត់ដំបង

សេចក្ដីជូនដំណឹង២ ម៉ោង មុន

សេចក្តី​ជូនដំណឹង​ស្តីពី​ការអញ្ជើញ​ចូល​រួមពិគ្រោះថ្លៃ​ការ​ផ្គត់ផ្គង់​អុកស៊ីហ្សែន​របស់មន្ទីរ​សុខាភិបាល​នៃ​រដ្ឋបាល​ខេត្ត​បាត់ដំបង

សន្តិសុខសង្គម៣ ម៉ោង មុន

ឃាត់ខ្លួន​ជនសង្ស័យ​៣​នាក់ ពាក់ព័ន្ធ​ករណី​ឆបោក និង​រំលោភ​លើ​ទំនុក​ចិត្ត

Sokha Hotels

ព័ត៌មានពេញនិយម