Connect with us

KPT+

ការពិត ៤ យ៉ាង អ្នកគាំទ្រកីឡាកាស មិនបានដឹងពីម្ចាស់ WWE លោក Vince McMahon ឡើយ

បានផុស

នៅ

មិនត្រឹមតែបុរសដែលឈរនៅកំពូលតារាងក្នុង WWE អស់ជាច្រើនទសវត្សរ៍នោះទេ គាត់ក៏ជាអតីតកីឡាកាសជើងចាស់មួយរូប ធ្លាប់ល្បីល្បាញខ្លាំងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹម​នោះ ​ប្រិយមិត្ត​ដែល​ជា​អ្នក​និយម​គាំទ្រ​កីឡាកាស​ ប្រាកដជា​ចង់​ដឹង​ពី​ខ្សែ​ជីវិត​រូប​លោក​ និង​ដំណើរ​ដើម​ទង​ ដែល​នាំ​ឲ្យ​លោក​ក្លាយ​ជា​អ្នក​គ្រប់គ្រង WEE មកទល់​បច្ចុប្បន្ន​។

ខាង​ក្រោម​នេះ ​រឿងចំនួន ៤ គួរដឹងពីអតីតកីឡាកាសនិងជា CEO របស់ WWE ។​

១​​ ធំ​ធាត់​ឡើង​ដោយ​គ្មាន​ឪពុក​នៅ​ក្បែរ

គ្រួសារ McMahon ដូចដែល​អ្នកគាំទ្រ​ជុំវិញ​ពិភពលោក​ស្គាល់​ គឺ​ត្រូវ​បាន​បង្កើត​ឡើង​យ៉ាង​ល្អ ។ ខណៈ​ដែលកូនៗរបស់លោក គឺ Shane McMahon និង Stephanie McMahon ទាំងអស់​បាន​រីកចម្រើន​ ជាមួយ​នឹង​អាជីព​ក្នុង​ឧស្សាហកម្ម​តាំង​ពី​នៅ​ក្មេង Vince McMahon ខ្លួនឯង​បាន​ស៊ូទ្រាំ​នឹង​ការ​ចាប់ផ្ដើម​ដ៏​លំបាក​ក្នុង​កុមារភាព​របស់​គាត់​យ៉ាងខ្លាំង។

នៅ​ក្នុង​បទសម្ភាសន៍​ឆ្នាំ ២០១២ Vince បាន​បញ្ជាក់​ថា​ គាត់​មិន​បាន​ធំធាត់​ជាមួយ​ឪពុក​របស់​គាត់​ឈ្មោះ Vince McMahon Sr ដែល​បាន​ចាកចេញ​ពី​ផ្ទះ​កាល​ពី​ក្មេង ដែលកាលណោះ​ គាត់​ទើប​តែ​ជា​ទារក​នោះ​ទេ។ ប្រហែលជា ១២ ឆ្នាំ​ឬ​យូរ​ជាង​នេះ​ ដែល​អ្នក​ទាំងពីរ​បាន​ជួបជុំ​គ្នា​ឡើងវិញ។

២ គាត់​បាន​រួច​ផុតពី​គ្រោះថ្នាក់​ចរាចរណ៍

Vince McMahon ចូលចិត្ត​ប្រថុយប្រថាន​ និង​មាន​បំណង​ប្រាថ្នា​ចង់​ដំណើរការ WWE ទោះបីជា​គាត់​មាន​អាយុ​ចាស់​ក៏​ដោយ។ ក្នុង​ឆ្នាំ ១៩៩៩ លោក​បាន​ជិះម៉ូតូ​ ហើយ​បាន​បុកជាមួយ​រថយន្ត​ដែល​កំពុង​បើក​បញ្ច្រាស​ផ្លូវ។ McMahon បាន​បាក់​ឆ្អឹង​កង ​ប៉ុន្តែ​ជា​សំណាង ​ហើយ​បាន​រួច​ផុត​ពី​របួស​ធំ​ៗ។ ជារឿងគួរឲ្យ​​ភ្ញាក់ផ្អើលដែល McMahon អាច​គ្រប់គ្រងខ្លួនឯងបាន និងអាចបន្តដំណើរ​ទៅ​មុខ​ទៀត ទោះបីជាមានឧបទ្ទវហេតុដ៏ឈឺចាប់​រាងកាយក៏ដោយ។ ដោយសារគាត់គិតថា ​គាត់ត្រូវ​ឡើង​លើសង្វៀន​ជាមួយ​គូប្រជែងដូចជា Stone Cold Steve Austin នៅ WEE ។

៣ រឿងរ៉ាវ​របស់​គាត់​គឺ​ជា​រឿង​ដ៏​អាក្រក់

ខណៈពេលដែល Vince McMahon គឺជាមហាសេដ្ឋី ដែលមនុស្សជាច្រើននឹងជឿថា រស់នៅក្នុងរបៀបរស់នៅរបស់មហាសេដ្ឋី​នោះ វាខុសនឹងការសន្មត់ថា បុរស​ម្នាក់នេះ​កើតមកជាមួយលុយមែនពិត តែគាត់ទើបតែស្គាល់ទ្រព្យសម្បត្តិ និង​អំណាច​នា​បច្ចុប្បន្ន​ប៉ុណ្ណោះ។ ជាការពិតណាស់ ទាក់ទងទៅនឹងបរិយាកាសជុំវិញជីវិតពេញវ័យ និងអាជីព WWE របស់គាត់ Vince McMahon ពិត​ជា​បាន​ធំឡើងក្នុងកាលៈទេសៈ​ដ៏លំបាក ពិតមែន។

ក្នុង​ឆ្នាំ ២០២០ ទ្រព្យសម្បត្តិសុទ្ធរបស់ McMahon ត្រូវបានគេនិយាយថា ​មានប្រហែល ២ ពាន់​លាន​ដុល្លារ។

៤ ជាមនុស្សឆ្លាតវៃ ដើម្បីក្ដោបក្ដាប់អំណាចនៅ WWE

នៅពេលដែល Vince McMahon បានទទួល WWE ពីឪពុករបស់គាត់ គឺ Vince McMahon Sr ក្នុងទសវត្សរ៍ឆ្នាំ ១៨៩០ ​ច្បាស់ណាស់ថា ទស្សនវិស័យរបស់គាត់ ត្រូវបានកំណត់​លើការត្រួតត្រាជាតិ និងពិភពលោកពីទស្សនៈកីឡាកាស។ គាត់មានបំណងចង់ផ្លាស់ទី​ប្រតិបត្តិការ ពីកម្រិត​តំបន់ និងដែនដីទៅកាន់អ្វីដែលធំជាងនេះ ដូចដែលបានបង្ហាញ​ឲ្យ​ឃើញ ដោយអ្វីដែលបានក្លាយជា WrestleMania ព្រឹត្តិការណ៍​មួយ​ បាន​ចាប់ផ្ដើម​នៅឆ្នាំ ១៩៨៥។

តាមពិត Vince មិនបានក្លាយជាម្ចាស់ WWE ភ្លាមៗ​នោះ​ទេ។ ក្នុង​រយៈ​ពេល​មួយ គាត់​កាន់កាប់​ក្រុមហ៊ុន​ត្រឹម​តែ​ពាក់​កណ្ដាល​ប៉ុណ្ណោះ ដោយ​ឪពុក​របស់​គាត់​បាន​លក់ ៥០ភាគរយ ផ្សេងទៀត​ទៅ​ឲ្យ​បុគ្គល​ល្បីៗ​ផ្សេង​ទៀត ​នៅ​ក្នុង​ក្រុមហ៊ុន រួម​ទាំង​កីឡាកាសជើង​ចាស់​ ដែលបច្ចុប្បន្ននេះ បាន​ប្រែ​ក្លាយ​អ្នក​អត្ថាធិប្បាយ ​គឺ Gorilla Monsoon ។

McMahon គឺជា​អ្នកជំនួញដ៏ឆ្លាតវៃម្នាក់ បានខ្ចីប្រាក់ពីធនាគារ ដើម្បីផ្តល់ជូនម្ចាស់ភាគហ៊ុន​ម្នាក់ៗ ១០០,០០០ បូកនឹងការងារសម្រាប់ជីវិតនៅក្នុង WWE ។ ពួកគេបានយល់ព្រម ហើយចាប់ពីពេល​នោះមក WWE គឺជាអាណាចក្ររបស់ Vinceទាំងអស់ ។

ចំណែក Monsoon ដែលម្ចាស់ភាគហ៊ុនមួយរូបដែរ បាន​បន្តធ្វើការយ៉ាង​ជិតស្និទ្ធ​ជាមួយ McMahon ។ ក្នុងឆ្នាំ ១៩៩៤ Vince McMahon និង Monsoon គឺជាក្រុមអ្នកអត្ថាធិប្បាយ​ពីរនាក់​ សម្រាប់​ព្រឹត្តិការណ៍ Survivor Series របស់ WWE ។ ប៉ុន្តែ​ក្រោយមក Monsoon បានស្លាប់នៅឆ្នាំ ១៩៩៩ ក្នុងអាយុ ៦២ ឆ្នាំ ហើយអំណាចទាំងអស់ ក៏ត្រូវបាន Vince McMahon ក្ដោបក្ដាប់ទាំងអស់៕

ប្រែសម្រួល៖ សាង ស្រីល័ក្ខ

ចុចអាន៖មកស្គាល់ CEO របស់ WWE ជាសង្វៀនប្រកួតកីឡាកាសជើងចាស់ ល្បីលើពិភពលោក

ចុចអាន៖កំពូលកីឡាកាសល្បីៗជំនាន់មុន អ្នកទស្សនាមិនចេះជិនណាយ មកទល់ពេលនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៤ នាទី មុន

សេចក្តី​ជូនដំណឹង​ស្តីពី​ការអញ្ជើញ​ចូល​រួមពិគ្រោះថ្លៃ​ការ​ផ្គត់ផ្គង់​អុកស៊ីហ្សែន​របស់មន្ទីរ​សុខាភិបាល​នៃ​រដ្ឋបាល​ខេត្ត​បាត់ដំបង

សន្តិសុខសង្គម៧ នាទី មុន

ឃាត់ខ្លួន​ជនសង្ស័យ​៣​នាក់ ពាក់ព័ន្ធ​ករណី​ឆបោក និង​រំលោភ​លើ​ទំនុក​ចិត្ត

សន្តិសុខសង្គម១២ នាទី មុន

តុលាការសម្រេច​ឃុំ​ខ្លួន​ ស្ត្រី​ដែល​ប្រើ​ហិង្សា​វៃ​ធ្វើ​បាប​ក្មេង​អាយុជាង៦ឆ្នាំ ដាក់ពន្ធនាគារ​

ព័ត៌មានជាតិ២០ នាទី មុន

សម្តេច​តេជោ​ ហ៊ុន សែន​ រង​​ការ​វាយ​ប្រហារ​ផ្លូវ​​ចិត្ត​ខ្លាំង​ ក្រោយ​បង​ប្រុស​​លើក​ដៃ​ចង្អុល​ទៅ​រក​រូប​ថត​​បងប្អូន​​​៦នាក់ ​ការ​ពិត​នៅ​សល់​តែ​៥នាក់​​

សន្តិសុខសង្គម៥១ នាទី មុន

តុលាការខេត្ត​កណ្តាល​ឃុំ​ខ្លួន​ចាងហ្វាង​ផ្សាយ គេហទំព័រ ម្នាក់

Sokha Hotels

ព័ត៌មានពេញនិយម