រកឃើញសពតារាស្រីម្នាក់ ឆេះស្លាប់ម្នាក់ឯង នៅក្នុងហេតុការណ៍ភ្លើងឆេះទីក្រុង LA

ប៉ុន្មានថ្ងៃថ្មីៗនេះ ភ្លើងឆេះព្រៃនៅទីក្រុង Los Angeles បានបង្កការខូចខាតយ៉ាងធ្ងន់ធ្ងរ ដោយបានឆេះអគារ និងបំផ្លាញផ្ទះជាច្រើនខ្នងឲ្យក្លាយទៅជាផេះ។ គិត​ត្រឹម​ថ្ងៃ​ទី​១៣ ខែ​មករានេះ អគ្គិភ័យ​បាន​ឆក់​យក​ជីវិត​មនុស្ស​យ៉ាង​តិច ២៤​នាក់ហើយ។

នៅថ្ងៃទី 13 ខែមករា សារព័ត៌មាន ABC News បានឲ្យដឹងថា ជីដូនរបស់នាង Dalyce Kelly គឺតារាសម្តែងជើងចាស់ Dalyce Curry បានទទួលមរណភាពក្នុងវ័យ 95 ឆ្នាំ នៅក្នុងភ្នក់ភ្លើង។ ចៅស្រីរបស់តារាសម្តែងរូបនេះបាននិយាយថា ពេលវេលាចុងក្រោយដែលនាងបានឃើញជីដូនរបស់នាងគឺនៅថ្ងៃទី 7 ខែមករា។

ក្រោយពីភ្លើងឆេះមកដល់ទីក្រុង បានប៉ុន្មានថ្ងៃ ទើបគេបានឲ្យដំណឹង ថា​សាកសព​ជីដូន​របស់​នាង​ត្រូវ​បាន​គេ​រក​ឃើញ​នៅ​ផ្ទះ​របស់​នាង​។ ចៅស្រី​របស់​តារា​សម្ដែង​រូប​នេះ​បាន​និយាយ​ថា នៅ​ពាក់​កណ្ដាល​អធ្រាត្រ​ថ្ងៃ​ទី ៧ ខែ​មករា គាត់​បាន​នាំ​ជីដូន​ទៅ​ផ្ទះ​នៅ​ទីក្រុង Altadena (Los Angeles)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជានាងបានឃើញភ្លើងក៏ដោយ ក៏នាងមិនមានអារម្មណ៍ថាមានគ្រោះថ្នាក់អ្វីឡើយ ហើយនាងត្រូវចាកចេញទៅមើលថែប្អូនស្រីរបស់នាងដែលមានជំងឺមហារីក។ យ៉ាងណាមិញ នាងបានទទួលសារពីប៉ូលីសណាស់ សាកសព Dalyce Curry ត្រូវបានរកឃើញនៅនឹងផ្ទះ ដែលបានឆេះខ្ទេចខ្ទីនោះ។

ក្រោយពីទទួលបានដំណឹងនេះហើយ រូបនាងដែលជាចៅស្រីនេះ មានអារម្មណ៍ថាសោកស្ដាយមិនគួរទុកលោកយាយរបស់ខ្លួនឲ្យនៅម្នាក់ឯង មិនអាចរត់គេចផុតពីសេចក្ដីស្លាប់ និងអាណិតចំពោះការស្លាប់យ៉ាងវេទនាក្នុងអគ្គីភ័យដ៏ចង្រៃមួយនេះ។

គួរបញ្ជាក់ផងដែរថា តារាសម្ដែងជើងចាស់ Dalyce Curry ត្រូវបានគេស្គាល់តាមរយៈការបង្ហាញខ្លួនរបស់នាងក្នុងរឿងល្បីៗដូចជា The Blues Brothers (1980), The 10 Commandments (1956) និង Lady Sings the Blues (1972)៕