ព័ត៌មានជាតិ

គម្រោងអភិវឌ្ឍន៍ហេដ្ឋារចនាសម្ព័ន្ធផ្លូវថ្នល់ធំៗណាខ្លះ បញ្ចប់ការសាងសង់នៅឆ្នាំ ២០២៤?

បានផុស

១ year មុន

នៅ

ថ្ងៃសុក្រ ២៤ មករា ២០២៥

ដោយ

របាយការណ៍របស់ក្រសួងសាធារណការនិងដឹកជញ្ជូនបានបង្ហាញថា នៅឆ្នាំ ២០២៤ គម្រោងអភិវឌ្ឍន៍ហេដ្ឋារចនាសម្ព័ន្ធផ្លូវថ្នល់ធំៗជាច្រើនបានបញ្ចប់ជាស្ថាពរ ដោយប្រើប្រាស់ថវិកាហិរញ្ញប្បទានពីដៃគូអភិវឌ្ឍន៍។

គម្រោងអភិវឌ្ឍន៍ហេដ្ឋារចនាសម្ព័ន្ធផ្លូវថ្នល់ ដែលបានបញ្ចប់ការសាងសង់សា្ថពរក្នុងអាណត្តិទី៧ ដោយប្រើប្រាស់ថវិកាហិរញ្ញប្បទានពីដៃគូអភិវឌ្ឍន៍ មានប្រវែងសរុប ៣៦១,៣៩គ.ម។ នេះបើរបាយការណ៍របស់ក្រសួងសាធារណការនិងដឹកជញ្ជូន បង្ហាញនៅក្នុងសន្និបាតបូកសរុបលទ្ធផលការងារនៅឆ្នាំ ២០២៤ និងលើកទិសដៅអនុវត្តបន្តនៅឆ្នាំ ២០២៥ កាលពីម្សិលមិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គម្រោងអភិវឌ្ឍន៍ហេដ្ឋារចនាសម្ព័ន្ធផ្លូវថ្នល់ដែលបានសាងសង់បញ្ចប់ជាស្ថាពរ ដោយប្រើប្រាស់ថវិកាហិរញ្ញប្បទានពីដៃគូអភិវឌ្ឍន៍ទាំងនោះមាន៖

-ផ្លូវជាតិលេខ៧ (ឃុំស្វាយជ្រះ ស្រុកស្នួល-សង្កាត់អូឫស្សី ក្រុងក្រចេះ) ប្រវែង ៣១,២៥គ.ម ( ថវិកាហិរញ្ញប្បទានពី ធនាគារពិភពលោក WB)
-ផ្លូវជាតិលេខ៣១ (បែកគុស ដល់កំពង់ត្រាច) ប្រវែង ៥៣,៥៣គ.ម (ថវិកាហិរញ្ញប្បទានពីរដ្ឋាភិបាលចិន)
-ផ្លូវជាតិលេខ៣៣ (ស្ពានកំពង់បាយ ខេត្តកំពត ដល់ច្រកលក ព្រំដែនកម្ពុជា-វៀតណាម) ប្រវែង ៥២,៥៧គ.ម (ថវិកាហិរញ្ញប្បទានពីរដ្ឋាភិបាលចិន)
-ផ្លូវជាតិលេខ៤១ (ចំណុចប្រសព្វផ្លូវជាតិលេខ៤ ដល់ស្រុកដងទង់ ចំណុចប្រសព្វផ្លូវជាតិលេខ៣) ប្រវែង ៩៥,២៧គ.ម (ថវិកាហិរញ្ញប្បទានពីរដ្ឋាភិបាលចិន)
-ផ្លូវជាតិលេខ៧១C ( ស្រុកត្បូងឃ្មុំ ខេត្តត្បូងឃ្មុំ រហូតដល់ស្រុកចំការលើ ខេត្តកំពង់ចាម) ប្រវែង ១១៤,៩៩២គ.ម (ថវិកាហិរញ្ញប្បទានពីរដ្ឋាភិបាលចិន)
-គម្រោងវិថីតេជោសន្តិភាពឆ្នេរអង្កោល ប្រវែង ១២,៦៤៥គ.ម ស្ថិតតាមបណ្តោយមាត់ឆ្នេរទេសចរណ៍នៃសមុទ្រ ខេត្តកែប (ថវិកាហិរញ្ញប្បទានពីធនាគារអភិវឌ្ឍន៍អាស៊ី ADB)
-គម្រោងរៀបចំច្រកទ្វារអន្តរជាតិស្ទឹងបត់ និងផ្លូវតភ្ជាប់ទៅផ្លូវជាតិលេខ៥ ប្រវែង ១,១៣២គ.ម ស្ថិតក្នុងក្រុង ប៉ោយប៉ែត ខេត្តបន្ទាយមានជ័យ (ថវិកាហិរញ្ញប្បទានពីរដ្ឋាភិបាលថៃ)៕