ព័ត៌មានអន្ដរជាតិ
បណ្ដុំមហាសេដ្ឋីពិភពលោកខាតទ្រព្យ ១០៨ ប៊ីលានដុល្លារ ជុំវិញផ្សារភាគហ៊ុនធ្លាក់ចុះដោយសារ DeepSeek
មហាសេដ្ឋីប្រមាណ ៥០០ នាក់របស់ពិភពលោក បានបាត់បង់ទឹកទ្រព្យសម្បត្តិសរុបចូលគ្នាប្រមាណ ១០៨ ប៊ីលានដុល្លារ ដោយសារតែការធ្លាក់ចុះខ្លាំងនៃទីផ្សារភាគហ៊ុននៃក្រុមហ៊ុនរបស់ពួកគេកាលពីថ្ងៃចន្ទ បន្ទាប់ពីក្រុមហ៊ុនបញ្ញាសិប្បនិម្មិត (AI) ចិន DeepSeek បានបញ្ចេញកម្មវិធីជំនួយ AI មានមុខងារដូច ChatGPT របស់ក្រុមហ៊ុនបញ្ញាសិប្បនិម្មិតអាមេរិក OpenAI។ នេះបើតាមការចុះផ្សាយរបស់សារព័ត៌មាន Bloomberg។
ជាមួយនឹងការប្រើប្រាស់ដោយឥតគិតថ្លៃ ភាពពេញនិយមរបស់ AI របស់ DeepSeek បានវ៉ាដាច់ ChatGPT នៅលើកន្លែងលក់កម្មវិធីទូរស័ព្ទ App Store របស់ក្រុមហ៊ុនបច្ចេកវិទ្យា Apple ដែលបង្កការចាប់អារម្មណ៍ពីក្រុមហ៊ុនបច្ចេកវិទ្យាអាមេរិក ហើយបង្កឱ្យទីផ្សារភាគហ៊ុនអាមេរិកធ្លាក់ចុះជាកំហុក។
ការធ្លាក់ចុះនៃទីផ្សារភាគហ៊ុន ធ្វើឱ្យទ្រព្យសម្បត្តិរបស់មហាសេដ្ឋីដែលមានក្រុមហ៊ុនទាក់ទងនឹងបញ្ញាសិប្បនិម្មិត និងបច្ចេកវិទ្យាធ្លាក់ចុះទៅតាមនោះដែរ។ ទ្រព្យសម្បត្តិសហស្ថាបនិកក្រុមហ៊ុនផលិតបន្ទះឈីប Nvidia Corp លោក Jensen Huang បានធ្លាក់ចុះប្រមាណ ២០ ភាគរយ ឬ ២០,១ ប៊ីលានដុល្លារអាមេរិកនៅថ្ងៃចន្ទ ខណៈទ្រព្យសម្បត្តិសហស្ថាបនិកក្រុមហ៊ុនស៊ុសវែរកុំព្យូទ័រ Oracle Corp លោក Larry Ellison បានខាតបង់ ២២,៦ ប៊ីលានដុល្លារ ឬស្មើនឹង ១២ ភាគរយ នៃទ្រព្យសម្បត្តិសរុប។ ទ្រព្យសម្បត្តិរបស់លោក Michael Dell នៃក្រុមហ៊ុនស៊ុសវែរ Dell Inc. បានខាតបង់ ១៣ ប៊ីលានដុល្លារ ខណៈទ្រព្យសម្បត្តិស្ថាបនិកក្រុមហ៊ុន Binance Holdings Ltd. លោក Changpeng Zhao បានធ្លាក់ចុះ ១២,១ ប៊ីលានដុល្លារ។
បើតាម Bloomberg មេក្រុមហ៊ុនបច្ចេកវិទ្យាសំខាន់ៗ បានខាតបង់ប្រាក់ ៩៤ ប៊ីលានដុល្លារសរុបចូលគ្នា ដែលស្មើនឹង ៨៥ ភាគរយ នៃការធ្លាក់ចុះទ្រព្យសម្បត្តិសរុប ជុំវិញករណី DeepSeek។
គួរគូសបញ្ជាក់ថា ក្រុមហ៊ុន AI របស់ចិន DeepSeek ដែលមានមូលដ្ឋាននៅទីក្រុង Hangzhou បាន និងកំពុងបង្កើតម៉ូឌែល AI តាំងពីឆ្នាំ ២០២៣។ យ៉ាងណាមិញ វាទើបទទួលបានការចាប់អារម្មណ៍ជាសកលកាលពីចុងសប្តាហ៍នេះ នៅពេលកម្មវិធីឆ្លើយឆ្លងសារដោយស្វ័យប្រវត្តិឥតគិតថ្លៃ DeepSeek R1 របស់ក្រុមហ៊ុន បានជាប់ចំណាត់ថ្នាក់លើកំពូលតារាងទាញយកប្រើប្រាស់ច្រើនជាងគេបំផុត៕
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ២ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ៦ ម៉ោង agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាបជួយកសិករដាំដុះដំណាំកសិកម្ម