តារាកូនកាត់ ណា សាឌី ៖ គោលបំណងដែលធ្វេីវីដេអូ មិនមានចេតនាអ្វីក្រៅពីនិយាយតែការពិតទេ

តារាសម្តែងនិងពិធីការិនីកូនកាត់កញ្ញា ណា សាឌី កាលពីថ្មីៗនេះ បានបញ្ចេញវីដេអូខ្លីមួយបង្ហាញការហួសចិត្តមួយចំពោះសកម្មភាពរបស់បុគ្គលមួយចំនួននៅក្នុងសង្គម ដែលចូលចិត្តការបង្អួតឬសម្ញែងអ្វីដែលពុំមែនជារបស់ខ្លួន គឺខំប្រឹងអួតសម្ញែងតែរបស់ទ្រព្យអ្នកដទៃ ថាខ្លួនហ៊ឺហារមានរបស់ទំនើបៗប្រើប្រាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក្រោយបញ្ចេញវីដេអូនិយាយនៅលើបណ្តាញសង្គមស្រាប់តែស្រីស្អាត ណា សាឌី បានចេញមកនិយាយដោយអះអាងជាថ្មីថា គោលបំណងនៃការធ្វេីវីដេអូមិនមានចេតនាអ្វីក្រៅពីនិយាយតែការពិតនោះទេ។

តារាសម្តែង ណា សាឌី បានលើកឡើងថា “គោលបំណងដែលខ្ញុំធ្វេីវីដេអូរទាំងអស់ ចេញមកគឺនិយាយតែការពិតតែប៉ុណ្ណោះ ហេីយអ្នកណាក៏ធ្លាប់ឆ្លងកាត់រឿងទាំងអស់នោះដែរ គ្រាន់តែគាត់មិនបាននិយាយចេញមក”។

ណា សាឌី បានបន្តទៀតថា នាងមិនបាននិយាយចំពោះអ្នកណាម្នាក់នោះទេ ព្រោះនាងមិនបានសាងសត្រូវជាមួយជនណាឡេីយ ធាតុពិតរបស់នាងបេីមានអ្វីមកប៉ះទង្គិចផ្លូវចិត្តរបស់ខ្លួនគឺនាងដកខ្លួនចេញហេីយ។ សាឌី បន្ថែមថា ជីវិតខ្លីណាស់ហេីយយេីងក៏មេីលមិនឃេីញដែរកុំចូលចិត្តធ្វេីរឿងឱ្យពិបាកពេក។ កាន់តែសាមញ្ញកាន់តែរស់ស្រួល។

សូមជម្រាបដែរថាតារាស្រីកញ្ញា ណា សាឌី នាងគឺជាកូនកាត់ដែលមានម្តាយ​ជា​ជនជាតិ​ខ្មែរ ចំណែកឯឪពុកជាជនជាតិថៃហើយកញ្ញា ណា សាឌី ក៏ជាពីធីការិនីនិងតារាសម្ដែងកំពុងទទួលបានគាំទ្រច្រើនពីសំណាក់មហាជន ពិសេសបើនិយាយពីការងារវិញនាងពិតជាមានភាពមមារញឹកច្រើន៕ អត្ថបទ៖ ចាន់រ៉ា