ព័ត៌មានអន្ដរជាតិ
លោក ដូណាល់ ត្រាំ គំរាមកាត់ជំនួយអេហ្ស៊ីប និងហ្ស៊កដានី បើពួកគេមិនព្រមទទួលយកជនជាតិប៉ាឡេស្ទីន
លោក ដូណាល់ ត្រាំ បានចេញសារព្រមានថា លោកអាចបញ្ឈប់ជំនួយដល់ប្រទេសហ្ស៊កដានី និងអេហ្ស៊ីប បើពួកគេបដិសេធទទួលយកជនជាតិប៉ាឡេស្ទីន។ សារព្រមានរបស់ប្រធានាធិបតីអាមេរិក ធ្វើឡើងបន្ទាប់ពីលោកបានបង្ហោះផែនការចង់កាន់កាប់តំបន់ហ្គាហ្សា និងដកជនជាតិប៉ាឡេស្ទីនចេញពីហ្គាហ្សាទៅកាន់ប្រទេសទាំងពីរ។
លោក ត្រាំ បាននិយាយកាលពីថ្ងៃចន្ទទី១០ខែកុម្ភៈឆ្នាំ២០២៥ថា៖ «ប្រសិនបើពួកគេមិនធ្វើទេ ខ្ញុំនឹងមិនទុកជំនួយទេ»។ នៅថ្ងៃអង្គារនេះ លោក ត្រាំ នឹងជួបជាមួយស្ដេចនៃប្រទេសហ្ស៊កដានី និយាយអំពីបញ្ហាតំបន់ហ្គាហ្សា។
នៅពេលសួរពីរបៀបដែលលោកនឹងបញ្ចុះបញ្ចូលស្តេចហ្ស៊កដានីឲ្យទទួលយកជនជាតិប៉ាឡេស្ទីនបន្ថែមទៀតនោះ លោក ត្រាំ បានឆ្លើយថា៖ «ខ្ញុំគិតថា គាត់នឹងទទួលយក ហើយខ្ញុំគិតថា ប្រទេសផ្សេងទៀតនឹងទទួលយកផងដែរ។ ពួកគេមានចិត្តល្អ»។
ការគំរាមកំហែងរបស់លោក ត្រាំ ក្នុងការកាត់ជំនួយដល់ប្រទេសអេហ្ស៊ីប និងហ្ស៊កដានី បានកើតឡើងក្រោយពីលោកបានគំរាមថា លោកនឹងលុបចោលបទឈប់បាញ់នៅក្នុងតំបន់ហ្គាហ្សា បើចំណាប់ខ្មាំងទាំងអស់មិនត្រូវបានដោះលែងនៅត្រឹមថ្ងៃសៅរ៍នេះទេ បន្ទាប់ពីក្រុមហាម៉ាស បានលើកឡើងថា ពួកគេនឹងពន្យារពេលការដោះលែងចំណាប់ខ្មាំងរហូតដល់មានការជូនដំណឹងបន្ថែម។
មុននេះ លោក ត្រាំ បានប្រាប់ថា ប្រជាជនប៉ាឡេស្ទីននឹងមិនមានសិទ្ធិវិលត្រឡប់ទៅតំបន់ហ្គាហ្សាវិញទេ នៅពេលដែលពួកគេបានផ្លាស់ទីលំនៅ។ ការលើកឡើងនេះ គឺផ្ទុយពីការអត្ថាធិប្បាយរបស់អ្នកនាំពាក្យសេតវិមាន លោកស្រី Karoline Leavitt និងរដ្ឋលមន្ត្រីការបទេស លោក Marco Rubio ដែលថា ការផ្លាស់ទីលំនៅរបស់ប្រជាជនប៉ាឡេស្ទីន គឺបណ្ដោះអាសន្នប៉ុណ្ណោះ ដើម្បីអនុញ្ញាតឲ្យមានបោសសម្អាតកម្ទេចកម្ទីដែលបន្សល់ទុកពីសង្គ្រាម៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ