ព័ត៌មានអន្ដរជាតិ
លោក Hegseth បញ្ជាឲ្យមន្ទីរបញ្ចកោណ អនុវត្តការកាត់បន្ថយថវិកា ៨%
រដ្ឋមន្ត្រីក្រសួងការពារជាតិអាមេរិក លោក Pete Hegseth បានបញ្ជាឲ្យមន្ទីរបញ្ចកោណ អនុវត្តការកាត់បន្ថយថវិកា ៨% ជារៀងរាល់ឆ្នាំសម្រាប់រយៈពេល ៥ឆ្នាំខាងមុខ ដែលជាការកត់សម្គាល់មួយនៃការផ្លាស់ប្តូរការចំណាយលើវិស័យការពារជាតិដ៏សំខាន់បំផុតនៅក្នុងប្រវត្តិសាស្រ្តអាមេរិកនាពេលថ្មីៗនេះ។
យោងតាមការចុះផ្សាយរបស់ Washington Post កាលពីថ្ងៃទី១៩កុម្ភៈ សេចក្តីណែនាំដែលបានគូសបញ្ជាក់នៅក្នុងអនុស្សរណៈដែលបានចេញថ្មី ណែនាំដល់ទីភ្នាក់ងារយោធាឲ្យកាត់បន្ថយថវិកាចំនួន ៥០ពាន់លានដុល្លារ សម្រាប់ឆ្នាំសារពើពន្ធនាពេលខាងមុខ។ ការផ្លាស់ប្តូរនេះស្របនឹងយុទ្ធសាស្ត្រទូលំទូលាយរបស់លោកប្រធានាធិបតី ដូណាល់ ត្រាំ ក្នុងការសម្រួលការចំណាយរបស់រដ្ឋាភិបាល និងរៀបចំទិសដៅមូលនិធិឆ្ពោះទៅរកកម្មវិធីការពារជាតិជាអាទិភាព។
មន្ទីរបញ្ចកោណ មានថវិកាប្រតិបត្តិការជិត ៨៥០ពាន់លានដុល្លារ ដែលត្រូវបានអនុម័តដោយសភាក្នុងអំឡុងពេលរដ្ឋបាលរបស់អតីតប្រធានាធិបតី ចូ បៃដិន។
ខណៈពេលដែលមន្ទីរបញ្ចកោណត្រូវបានគេរំពឹងថានឹងធ្វើការសន្សំថវិកាជាតិយ៉ាងច្រើន អនុស្សរណៈនេះបានរាយបញ្ជីតំបន់ចំនួន១៧ ដែលត្រូវបានលើកលែង ដោយក្នុងនោះផ្នែកសំខាន់ៗរួមមាន៖
- ប្រតិបត្តិការសន្តិសុខព្រំដែន នៅព្រំដែនអាមេរិក-ម៉ិកស៊ិក
- កម្មវិធី ទំនើបកម្មអាវុធនុយក្លេអ៊ែរ
- ប្រព័ន្ធការពារមីស៊ីល
ការលើកលែងទាំងនេះឆ្លុះបញ្ចាំងពីការយកចិត្តទុកដាក់របស់រដ្ឋបាលលើ សមត្ថភាពសន្តិសុខក្នុងស្រុក និងការការពារជាតិ ខណៈកម្មវិធីយោធាផ្សេងទៀតនឹងប្រឈមឧបសគ្គថវិកា។
នាយកដ្ឋានប្រសិទ្ធភាពរដ្ឋាភិបាល (DOGE) ដឹកនាំដោយលោក Elon Musk បាននិងកំពុងធ្វើការយ៉ាងសកម្មដើម្បីបំបាត់ការចំណាយខ្ជះខ្ជាយ នៅទូទាំងភ្នាក់ងារសហព័ន្ធ រួមទាំងនាយកដ្ឋានការពារជាតិផងដែរ។ ផែនការកាត់បន្ថយថវិការបស់មន្ទីរបញ្ចកោណត្រូវបានគេមើលឃើញថាជាផ្នែកមួយនៃកិច្ចខិតខំប្រឹងប្រែងដ៏ទូលំទូលាយនេះ។
លោក ត្រាំ បានបញ្ជាក់ថា បើភាពតានតឹងសកលថយចុះ លោកអាចនឹងជំរុញឲ្យមានការកាត់បន្ថយកាន់តែច្រើន ដែលអាចកាត់បន្ថយថវិកាការពារជាតិពាក់កណ្តាលក្នុងរយៈពេលវែង។ ទោះជាយ៉ាងណាក៏ដោយ អនុប្រធានាធិបតី លោក JD Vance បានក្រើនរឭកឲ្យមានការប្រុងប្រយ័ត្ន ដោយលើកហេតុផលថា ការកើនឡើងជាយុទ្ធសាស្រ្តនៃការចំណាយលើវិស័យការពារជាតិ អាចនៅតែចាំបាច់ដើម្បីដោះស្រាយការគំរាមកំហែងផ្នែកសន្តិសុខដែលកំពុងវិវត្ត។
ផែនការកាត់បន្ថយថវិកា បានបង្កឲ្យមានការជជែកដេញដោលគ្នាក្នុងទីក្រុងវ៉ាស៊ីនតោន ដោយអ្នករិះគន់ព្រមានថា ការកាត់បន្ថយយ៉ាងច្រើនបែបនេះអាចធ្វើឲ្យការត្រៀមខ្លួនយោធាចុះខ្សោយ។ យ៉ាងណាមិញ ក្រុមអ្នកគាំទ្រអះអាងថា មន្ទីរបញ្ចកោណនឹងពង្រឹងសមត្ថភាពយោធាក្នុងការផ្តោតលើអាទិភាពស្នូល ដោយមិនចាំបាច់ចំណាយច្រើនហួសហេតុពេក៕
ដោយ៖ ឈាង
-
ព័ត៌មានអន្ដរជាតិ៧ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សេដ្ឋកិច្ច១៥ ម៉ោង agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
កីឡា៧ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានអន្ដរជាតិ១ សប្តាហ៍ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានជាតិ៥ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២០ ម៉ោង agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi