ព័ត៌មានអន្ដរជាតិ
ត្រឹមវ័យ១២ឆ្នាំ ក្មេងស្រីថៃម្នាក់ខូចសួតធ្ងន់ធ្ងរជិត១០០% ព្រោះតែជក់វែប
ក្មេងស្រីអាយុ ១២ឆ្នាំម្នាក់នៅខេត្ត Buriram ប្រទេសថៃ បានជួបប្រទះបញ្ហាសុខភាពធ្ងន់ធ្ងរ ដោយសារតែការខូចសួតយ៉ាងដំណំ ព្រោះការជក់វែប (Vape) អស់រយៈពេល ២ឆ្នាំ។
យោងតាមការចុះផ្សាយរបស់សារព័ត៌មាន Strait Times គ្រួសាររបស់ក្មេងស្រីនោះ មិនបានដឹងពីទម្លាប់របស់នាងទេ រហូតដល់ទាល់តែមានការជូនដំណឹងពីខាងសាលា ដោយបញ្ជាក់ពីការព្រួយបារម្ភកាន់តែខ្លាំងឡើងចំពោះយុវវ័យដែលជក់វែបនៅក្នុងប្រទេសថៃ។
កុមារីម្នាក់នោះ ត្រូវបានបញ្ជូនទៅមន្ទីរពេទ្យបន្ទាប់ពីមានរោគសញ្ញាដូចជា ដកដង្ហើមខ្លីៗមិនចង់ដល់គ្នា និងមានក្អួត។ វេជ្ជបណ្ឌិតបានរាយការណ៍ថា សួតរបស់នាងត្រូវបានខូចខាតជិត ១០០% ដែលបង្ហាញពីហានិភ័យសុខភាពធ្ងន់ធ្ងរទាក់ទងនឹងការជក់វែប។
នេះមិនជាករណីថ្មីដែលបានកើតឡើងនៅក្នុងប្រទេសថៃទេ ដោយលើកមុនមានក្មេងស្រីអាយុ ១១ឆ្នាំម្នាក់ត្រូវបានបញ្ជូនចូលបន្ទប់សង្គ្រោះបន្ទាន់ បន្ទាប់ពីជក់វែបអស់រយៈពេល ៦ខែ។ នេះបង្ហាញពីហានិភ័យសុខភាពសំខាន់ៗដែលបណ្តាលមកពីការប្រើប្រាស់បារីអេឡិចត្រូនិចនៅក្នុងចំណោមយុវវ័យថៃ។
អ្នកជំនាញផ្នែកសុខភាពកំពុងជំរុញឲ្យបង្កើនការយល់ដឹង និងវិធានការបង្ការដើម្បីការពារបុគ្គលវ័យក្មេងពីគ្រោះថ្នាក់នៃការជក់វែប ឬបារីអេឡិចត្រូនិច៕
ដោយ៖ ឈាង
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សេដ្ឋកិច្ច១៩ ម៉ោង agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានអន្ដរជាតិ១ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៥ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានជាតិ១ សប្តាហ៍ agoចាប់ពីពេលនេះពលរដ្ឋដែលត្រូវធ្វើ ឬបន្តអត្តសញ្ញាណបណ្ណមិនចាំបាច់ត្រលប់ទីលំនៅឋានដើមឡើយ