ព័ត៌មានអន្ដរជាតិ

អ៊ីស្រាអែលបើកការវាយប្រហារ ស្លាប់មនុស្ស៤នាក់នៅហ្គាហ្សា អំឡុងពេលកិច្ចពិភាក្សាអំពីបទឈប់បាញ់ថ្មី

បានផុស

១ year មុន

នៅ

ថ្ងៃពុធ ១២ មីនា ២០២៥

ដោយ

Chheang

នៅថ្ងៃពុធទី១១ខែមីនាឆ្នាំ២០២៥ ការវាយប្រហារតាមអាកាសរបស់អ៊ីស្រាអែលនៅតំបន់ហ្គាហ្សាស្ទ្រីប បានបណ្តាលឲ្យជនជាតិប៉ាឡេស្ទីន ៤នាក់ស្លាប់។ ឧបទ្ទវហេតុនេះកើតឡើងស្របពេលការចរចាបទឈប់បាញ់ដែលកំពុងធ្វើរវាងអ៊ីស្រាអែល និងក្រុមហាម៉ាស ដោយមានការសម្របសម្រួលដោយរដ្ឋអារ៉ាប់ និងសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោធាអ៊ីស្រាអែល បាននិយាយថា កម្លាំងទ័ពអាកាសរបស់ខ្លួនបានវាយប្រហារ «ភេរវករដែលបានចូលរួមក្នុងសកម្មភាពគួរឲ្យសង្ស័យនៅលើដីនៅកណ្តាលតំបន់ហ្គាហ្សា និងបង្កការគំរាមកំហែងដល់កងកម្លាំង»។ យ៉ាងណាមិញ សាច់ញាតិរបស់សាកសពទាំងអស់ បានអះអាងថា ពួកគេសុទ្ធតែជាជនស៊ីវិលនោះទេ។

អ៊ីស្រាអែល បានបញ្ជូនគណៈប្រតិភូទៅរដ្ឋធានីដូហាប្រទេសកាតា សម្រាប់កិច្ចចរចាបទឈប់បាញ់បន្ថែមទៀត បន្ទាប់ពីមេដឹកនាំក្រុមហាម៉ាសបានបញ្ចប់ការចរចាមួយក្នុងទីក្រុងគែរ កាលពីដើមសប្តាហ៍នេះ។ ប៉ុន្តែមិនទាន់មានសញ្ញានៃការឈានដល់ការដោះស្រាយជម្លោះដែលគំរាមកំហែងដល់ការវិលទៅរកជម្លោះប្រដាប់អាវុធនោះទេ។

ការប្រយុទ្ធគ្នានៅហ្គាហ្សា ត្រូវបានបញ្ឈប់ចាប់តាំងពីថ្ងៃទី១៩ខែមករា ក្រោមដំណាក់កាលដំបូងនៃបទឈប់បាញ់ ហើយក្រុមហាម៉ាសបានផ្លាស់ប្តូរចំណាប់ខ្មាំងអ៊ីស្រាអែល ៣៣នាក់ និងជនជាតិថៃ ៥នាក់សម្រាប់អ្នកទោសនិងអ្នកឃុំឃាំងប៉ាឡេស្ទីនប្រហែល ២ ០០០នាក់។

ក្រុមហាម៉ាស ចង់ចាប់ផ្តើមកិច្ចចរចាលើដំណាក់កាលទីពីរ ដែលត្រូវបានគេសន្មត់ថាឈានដល់កិច្ចព្រមព្រៀងមួយជុំវិញការដកខ្លួនទាំងស្រុងរបស់អ៊ីស្រាអែល។ ប៉ុន្តែ អ៊ីស្រាអែលទាមទារឲ្យក្រុមសកម្មប្រយុទ្ធប៉ាឡេស្ទីនដោះលែងចំណាប់ខ្មាំងដែលនៅសេសសល់ ដោយមិនចាប់ផ្តើមការចរចាដំណាក់កាលទីពីរឡើយ។

កាលពីថ្ងៃអង្គារ ក្រុមហាម៉ាសបានចោទប្រកាន់អ៊ីស្រាអែលពីការព្យាយាមបង្កទុរ្ភិក្សនៅក្នុងតំបន់ហ្គាហ្សា ដោយបន្តបិទការផ្តល់ជំនួយ និងកាត់ផ្តាច់អគ្គិសនី ដែលជាវិធានការប៉ះពាល់ដល់កន្លែងផលិតទឹកស្អាតតែមួយគត់របស់តំបន់៕

ដោយ៖ ឈាង

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា