ព័ត៌មានអន្ដរជាតិ
កូរ៉េខាងត្បូងនិងអាមេរិកបញ្ចប់សមយុទ្ធយោធារួមគ្នាមានគោលដៅប្រឆាំងការគំរាមពីកូរ៉េខាងជើង
យោងតាមការចេញផ្សាយរបស់ទីភ្នាក់ងារព័ត៌មាន Yonhap នៅថ្ងៃទី២០ខែមីនានេះ កូរ៉េខាងត្បូងនិងសហរដ្ឋអាមេរិកនៅថ្ងៃព្រហស្បតិ៍នេះបានបញ្ចប់ការធ្វើលំហាត់សមយុទ្ធយោធារួមប្រចាំឆ្នាំដ៏សំខាន់មួយក្នុងគោលបំណងពង្រឹងសមត្ថភាពការពាររបស់ពួកគេប្រឆាំងនឹងការគំរាមកំហែងផ្នែកយោធារបស់កូរ៉េខាងជើង។
សមយុទ្ធហ្វឹកហ្វឺន ដែលឲ្យឈ្មោះថា «Freedom Shield» បានឈានដល់ទីបញ្ចប់ បន្ទាប់ពីដំណើរការរយៈពេល១១ ថ្ងៃ ក្នុងគោលបំណងប្រឆាំងនឹងការវិវត្តន៍នៃការគំរាមកំហែងនុយក្លេអ៊ែរ និងមីស៊ីលរបស់កូរ៉េខាងជើង និងការពង្រឹងកិច្ចសហប្រតិបត្តិការយោធាជាមួយរុស្ស៊ី។
សមយុទ្ធឆ្នាំនេះ គឺជាសមយុទ្ធយោធាដ៏ធំលើកដំបូងរបស់សម្ព័ន្ធមិត្តទាំងពីរ ចាប់តាំងពីប្រធានាធិបតីអាមេរិក លោក ដូណាល់ ត្រាំ ត្រឡប់ចូលកាន់តំណែងជាប្រធានាធិបតីសហរដ្ឋអាមេរិកក្នុងខែមករា ដោយយោធាអាមេរិកបានអះអាងជាថ្មីនូវការប្តេជ្ញាចិត្តផ្នែកសន្តិសុខរបស់ខ្លួនចំពោះកូរ៉េខាងត្បូង។
អគ្គសេនាធិការចម្រុះរបស់កូរ៉េខាងត្បូង (JCS) បាននិយាយថា សម្រាប់សមយុទ្ធឆ្នាំនេះ កូរ៉េខាងត្បូងបានដាក់ពង្រាយទាហានប្រហែល ១៩០០០ នាក់ ហើយ។ JCS បាននិយាយថា៖«តាមរយៈការឆ្លុះបញ្ចាំងពីការគំរាមកំហែងជាក់ស្តែង ដូចជាការផ្លាស់ប្តូរនៅក្នុងយុទ្ធសាស្ត្រ និងកងកម្លាំងរបស់យោធាកូរ៉េខាងជើង ដែលបានរៀនពីកិច្ចសហប្រតិបត្តិការយោធារបស់រុស្ស៊ី និងកូរ៉េខាងជើង និងជម្លោះប្រដាប់អាវុធផ្សេងៗ កូរ៉េខាងត្បូងនិងសហរដ្ឋអាមេរិកអាចបង្កើនសមត្ថភាពការពារ និងការឆ្លើយតបរបស់សម្ព័ន្ធមិត្តតាមរយៈការបណ្តុះបណ្តាលជាក់ស្តែង»។
សមយុទ្ធនេះមានការចូលរួមពីសមយុទ្ធនៅទូទាំងដែនគោក សមុទ្រ ដែនអាកាស អ៊ីនធឺណិត និងដែនអវកាស ដោយមានបញ្ជាការយុទ្ធសាស្ត្ររបស់កូរ៉េខាងត្បូង និងបញ្ជាការកងនាវាចរកងទ័ពជើងទឹក ចូលរួមសមយុទ្ធរួមគ្នាជាលើកដំបូងផងដែរ។
ឆ្លើយតបពាក់ព័ន្ធសមយុទ្ធនេះ កូរ៉េខាងជើងតែងតែបង្ហាញនូវការថ្កោលទោសចំពោះសមយុទ្ធរួមរបស់សម្ព័ន្ធមិត្តថា ជាការហាត់សមសម្រាប់ការឈ្លានពានប្រឆាំងនឹងការសាកល្បងអាវុធរបស់ខ្លួន។ កូរ៉េខាងជើងបានចេញសេចក្តីថ្លែងការណ៍មួយដោយថ្កោលទោសសមយុទ្ធរួមគ្នាថាជា «ទង្វើបង្កហេតុដ៏គ្រោះថ្នាក់» ហើយបានបាញ់មីស៊ីលផ្លោងចម្ងាយជិតជាច្រើនគ្រាប់ នៅថ្ងៃដំបូងនៃសមយុទ្ធ។ ប៉ុន្តែប្រទេសនេះមិនបានអនុវត្តការបង្កហេតុធំៗ ដូចជាការបាញ់មីស៊ីលផ្លោងរយៈចម្ងាយឆ្ងាយក្នុងឆ្នាំនេះទេ។
គួរបញ្ជាក់ថា Freedom Shield គឺជាសមយុទ្ធប្រចាំឆ្នាំដ៏សំខាន់ចំនួនពីររបស់សម្ព័ន្ធមិត្ត ដែលបង្ហាត់កងទ័ពដោយផ្អែកលើសេណារីយ៉ូសង្រ្គាមទាំងអស់និងមួយទៀតទៀតជាសមយុទ្ធ Ulchi Freedom Shield ជាធម្មតាធ្វើឡើងក្នុងខែសីហា៕
អត្ថបទ៖ ប៊ុន សុភាព
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១៥ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ