អាស៊ីប៉ាពូនូវែលហ្គីណេ ជួបគ្រោះរញ្ជួយដីកម្រិត៦.៩រ៉ិចទ័រ ទាញសញ្ញាព្រមានរលកយក្សស៊ូណាមិ

ABC News ចុះផ្សាយថា ការរញ្ជួយដីកម្រិត៦.៩រ៉ិចទ័រ បានវាយប្រហារប្រទេសអាស៊ីប៉ាពូនូវែលហ្គីណេ នៅម៉ោង៦ព្រឹកថ្ងៃសៅរ៍ទី៥ខែមេសាឆ្នាំ២០២៥ ដោយបណ្តាលឲ្យមានការព្រមានអំពីរលកយកស៊ូណាមិ ឈានដល់កម្ពស់៣ម៉ែត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមភ្នាក់ងារស្ទាបស្ទង់ភូមិសាស្រ្តរបស់អាមេរិកហៅកាត USSG, ការរញ្ជួយនេះមានជម្រៅ៩គីឡូម៉ែត្រ វាយប្រហារតំបន់មួយស្ថិតនៅចម្ងាយ១៩៤គីឡូម៉ែត្រ ភាគខាងកើតក្រុង Kimbe ដែលជាទីរួមខេត្ត West New Britain។

ទោះបីជាយ៉ាងណាក៏ដោយ ភ្លាមៗនេះមិនទាន់មានសេចក្តីរាយការណ៍អំពីការខូចខាត ឬជនរងគ្រោះណាម្នាក់ទេ ខណៈក្រុមមន្ត្រី កំពុងតាមដានស្ថានការណ៍។

សូមជម្រាបថា អាស៊ីប៉ាពូនូវែលហ្គីណេ មានទីតាំងស្ថិតនៅភាគនិរតីមហាសមុទ្រប៉ាស៊ីហ្វិក មានព្រំដែនភាគខាងជើងជាប់ប្រទេសអូស្រ្តាលី ខាងត្បូងជាប់កោះអេក្វាទ័រនិងមីក្រូណេស៊ី ខាងកើតជាប់ឥណ្ឌូណេស៊ី និងខាងលិចជាប់ប្រជុំកោះសូឡូម៉ុន។

ប្រទេសនេះមានផ្ទៃដី ៤៦២ ៨៤០គីឡូម៉ែត្រការ៉េ និងប្រជាជនប្រហែល៩លាននាក់ មានទីតាំងស្ថិតនៅលើតំបន់ខ្សែក្រវាត់ភ្លើងប៉ាស៊ីហ្វិក «Pacific Ring of Fire» ដែលឧស្សាហ៍កើតគ្រោះរញ្ជួយដីគួសម៕

អត្ថបទ៖ សុខ សុវណ្ណ

ចុចអាន៖ ថៃ សង្ស័យថា ដែកខុសស្តង់ដារ នាំឲ្យកើតគ្រោះមហន្តរាយបាក់អគារ អំឡុងពេលរញ្ជួយដី