ព័ត៌មានអន្ដរជាតិ
រដ្ឋសមាជិកទាំង៣២របស់ណាតូ សម្រេចជាផ្លូវការបង្កើនចំណាយការពារជាតិដល់៥%នៃGDP
នៅឯកិច្ចប្រជុំកំពូលប្រចាំឆ្នាំក្នុងទីក្រុងឡាអេកាលពីថ្ងៃទី២៥ខែមិថុនា អង្គការណាតូបានសម្រេចជាផ្លូវការនូវស្តង់ដាររួមមួយ ដោយប្តេជ្ញាឲ្យរដ្ឋជាសមាជិកទាំងអស់បែងចែក ៥% នៃ GDP ជាតិរបស់ពួកគេសម្រាប់វិស័យការពារជាតិនៅឆ្នាំ២០៣៥ខាងមុខ។
គោលដៅថ្មីនេះ គឺជាការកើនឡើងពីការចំណាយលើវិស័យការពារជាតិ ២% ដែលមានស្រាប់ ហើយក៏ជាការផ្លាស់ប្តូរដ៏សំខាន់នៅក្នុងគោលនយោបាយសម្ព័ន្ធភាពដែលជំរុញដោយការព្រួយបារម្ភផ្នែកសន្តិសុខ និងសម្ពាធរបស់សហរដ្ឋអាមេរិក។
ក្នុងគោលដៅ៥%នេះ ក្រុមមេដឹកនាំណាតូ បានអនុម័តសេចក្តីថ្លែងការណ៍រួម ដោយប្តេជ្ញាបែងចែកយ៉ាងហោចណាស់ ៣,៥% សម្រាប់តម្រូវការយោធាស្នូល និង ១,៥% ទៀតសម្រាប់ការវិនិយោគលើហេដ្ឋារចនាសម្ព័ន្ធដែលពាក់ព័ន្ធ រួមទាំងការការពារតាមអ៊ីនធឺណិត ការការពារបំពង់បង្ហូរប្រេង និងការធ្វើឲ្យប្រសើរឡើងនូវស្ពាន និងផ្លូវសម្រាប់ការចល័តយោធា។
ប្រធានាធិបតីអាមេរិក លោក ដូណាល់ ត្រាំ បាននិយាយថា «យើងសម្រេចបានជ័យជម្នះដ៏ធំមួយនៅទីនេះ» ដោយបង្ហាញពីក្តីសង្ឃឹមថា ការបង្កើនចំណាយនេះនឹងនាំទៅដល់ការទិញឧបករណ៍យោធាដែលផលិតដោយអាមេរិកកាន់តែច្រើនឡើងថែមទៀត។
សូមជម្រាបថា គោលដៅថ្មីនេះ បង្កើតឡើងដោយផ្តោតលើភាពបន្ទាន់នៃផ្នែកសន្តិសុខ ចាប់តាំងពីការឈ្លានពានរបស់រុស្ស៊ីនៅអ៊ុយក្រែនឆ្នាំ២០២២។ បច្ចុប្បន្នសមាជិកតែ ៥ ឬ ៦រដ្ឋប៉ុណ្ណោះ អាចបង្កើនចំណាយច្រើនជាង ៣% នៃផលិតផលក្នុងស្រុកសរុបលើវិស័យការពារជាតិរបស់ពួកគេ ដូចជា ប្រទេសប៉ូឡូញ (៤,១២%) និងសហរដ្ឋអាមេរិក (៣,៤%)។ ដោយឡែក នៅមានរដ្ឋមួយចំនួនទៀតដែលស្ថិតនៅក្រោមការចំណាយ ២% នៅឡើយ ដូចជា ប្រទេសអ៊ីតាលី (១,៤៩%) និងអេស្ប៉ាញ (១,២៨%) ដែលបង្កើនការព្រួយបារម្ភអំពីការសម្រេចបាននូវគោលដៅ ៥% នាពេលអនាគត៕
ដោយ៖ ឈាង
រដ្ឋសមាជិកទាំង៣២របស់ណាតូ សម្រេចជាផ្លូវការបង្កើនចំណាយការពារជាតិដល់៥%នៃGDP
ត្រាំ ថាចិនអាចបន្តទិញប្រេងអ៊ីរ៉ង់ តែសេតវិមានបញ្ជាក់ថា វាមិនមែនជាការសម្រាលទណ្ឌកម្មលើអ៊ីរ៉ង់ទេ
ក្រុមហ៊ុនរុករកប្រេងលំដាប់ពិភពលោករបស់អាមេរិក ប្តេជ្ញាធ្វើការជាមួយកម្ពុជា
ក្រោយជោគជ័យនៅអ៊ីរ៉ង់ ត្រាំ ហាក់ចង់ប្តូរឈ្មោះក្រសួងការពារជាតិ ទៅ «ក្រសួងសង្គ្រាម» វិញ
ព្យុះទី២ ឈ្មោះ សេពផេត នឹងបន្តអូសបន្លាយលើកម្ពុជា ដល់ថ្ងៃទី២៨មិថុនា
ពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
មេទ័ពជើងទឹកអាមេរិក បារម្ភខ្លាំង ក្រោយបាញ់មីស៊ីលតម្លៃ៣៦លានដុល្លារ អស់ច្រើនគ្រាប់ពេក ដើម្បីការពារអ៊ីស្រាអែល
បិទបើកព្រំដែន៖ រដ្ឋមន្ត្រីមហាផ្ទៃកម្ពុជា សួរថៃ ថា ខ្លាចអន់ ឬក៏ច្រឡំថាជាតិសាសន៍គេល្ងង់ជាងខ្លួន?
ដូណាល់ ត្រាំ ក្តៅក្រហាយខ្លាំង ពេលអ៊ីរ៉ង់និងអ៊ីស្រាអែល បំពានបទឈប់បាញ់ដែលលោកប្រកាស
កីឡាករ អ៊ុំ ចំរើន មិននឹកស្មានថាមានថ្ងៃនេះ ខណៈអ្វីដែលខំប្រឹងជាង ១០ឆ្នាំបានសម្រេចហើយ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
-
ព័ត៌មានអន្ដរជាតិ១៧ ម៉ោង agoពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
សន្តិសុខសង្គម១ សប្តាហ៍ agoក្រោយពីភ្លើងឆេះហាង ពេជ្រ ចរណៃ ត្រូវជួសជុលសងម្ចាស់ដើមវិញខ្ទង់ ៥០ ទៅ៦០ម៉ឺនដុល្លារ
-
ព័ត៌មានអន្ដរជាតិ៧ ថ្ងៃ agoផែថងថាន រក្សាភាពស្ងប់ស្ងាត់ និង គ្មានការលាលែងពីអំណាច រហូតពេលនេះ
-
ព័ត៌មានអន្ដរជាតិ៣ ថ្ងៃ agoរុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានជាតិ៣ ថ្ងៃ agoជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
ព័ត៌មានអន្ដរជាតិ១ សប្តាហ៍ agoក្រោយធ្លាយសារសំឡេង ផែថងថាន ប្រឈមរឿងសំខាន់៣ លំបាករើខ្លួនរួច
-
ព័ត៌មានជាតិ២ ថ្ងៃ agoកម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត