កីឡា

ម្ចាស់មេដាយអន្តរជាតិ ៨គ្រឿង សុខុន សីហនុត ពេលនៅសាលារៀនមិនសូវហ៊ានលេងច្រើនទេខ្លាចជ្រុលដៃជើង

បានផុស

១១ ខែ មុន

នៅ

ថ្ងៃអង្គារ ៥ សីហា ២០២៥

ដោយ

កីឡាករជើងខ្លាំងប្រចាំកីឡាហាប់គីដូ សុខុន សីហនុត ថានៅពេលទៅសាលារៀនម្ដងៗមិនសូវហ៊ានលេងច្រើន ឬប្រើដៃជើងទេ ព្រោះខ្លួនខ្លាចជ្រុលដោយសារមិត្តភ័ត្រមិនចេះក្បាច់គុនដូចខ្លួនឡើយអាចបណ្ដាឲ្យមានគ្រោះថ្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុខុន សីហនុត ពេលប្រកួតកន្លងទៅ

សុខុន សីហនុត ដែលកំពុងសិក្សានៅវិទ្យាល័យទួលទំពូង ថ្នាក់ទី៨ បានឲ្យដឹងមកថា គ្រូធំលោក គង់ ចាន់ធីណា បានប្រាប់សិស្សៗទាំងអស់រួមទាំងខ្លួនផងដែរគឺពេលទៅរៀនក្ដីកុំវាយគេឯង ឬមិត្តភ័ត្រដាច់ខាត។ កាលណាដែលខ្លួនចេះក្បាច់គុនបែបនេះបើលេងដៃជើង ឬជ្រុលអាចនឹងមានគ្រោះថ្នាក់ដល់ដ៏អ្នកដទៃ ដូច្នេះអ្នកចេះត្រូវមានការអត់ធ្មត់ និងប្រុងប្រយ័ត្នខ្ពស់។

សុខុន សីហនុត ពេលប្រកួតកន្លងទៅ

កីឡាករឆ្នើមរបស់ ហាប់គីដូ ខាងលើបន្ថែមទៀតថា ពេលខ្លះមិត្តភ័ត្របបួលលេងដៃជើងគឺរូបគេដើរចេញហើយ និងមិនសូវតបតច្រើននោះឡើយ។ ព្រោះខ្លួនខ្លាចមានគ្រោះថ្នាក់ចៃដន្យណាមួយដោយសារមិត្តភ័ត្រភាគច្រើនមិនចេះក្បាច់គុនអ្វីឡើយ។

សុខុន សីហនុត ពេលប្រកួតកន្លងទៅ

បញ្ជាក់ដែរថា សុខុន សីហនុត ជាកីឡាករវ័យក្មេងឆ្នើមមួយរូបរបស់សហព័ន្ធខ្មែរកីឡាហាប់គីដូ។ រូបគេចេញទៅប្រកួតនៅក្រៅប្រទេស ២ដងឈ្នះមេដាយសរុប ៨គ្រឿងនៅឯប្រទេសថៃ និងឥណ្ឌូណេស៊ី។ កីឡាករវ័យ ១៣ឆ្នាំរូបនេះចេះទាំងវិញ្ញាសាសម្ដែងកាច់ វិញ្ញាសាលោតចម្ងាយ លោតកម្ពស់ និងវិញ្ញាសាធំគឺផ្នែកប្រយុទ្ធតែម្ដង។ រូបគេបច្ចុប្បន្ននេះក៏ទទួលភារកិច្ចជួយបង្ហាត់ក្មេងៗនៅក្លឹបហាប់គីដូសាលាបឋមសិក្សាបាក់ទូកផងដែរ៕