ប្រជាជនថៃ ជាង ១៣លាននាក់ មានជំងឺផ្លូវចិត្ត

ប្រជាជនថៃ ប្រមាណ១៣.៤លាននាក់ មានជំងឺផ្លូវចិត្ត។ នេះបើយោងតាមរបាយការណ៍សុខភាពថៃឆ្នាំ២០២៥ ដែលចងក្រងដោយមូលនិធិលើកកម្ពស់សុខភាពថៃនិង វិទ្យាស្ថានស្រាវជ្រាវប្រជាសាស្រ្តនិងសង្គមរបស់សាកលវិទ្យាល័យ Mahidol។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួលេខនេះត្រូវបានគេមើលឃើញថា មានការកើនឡើងខ្លាំងគួរឲ្យកត់សម្គាល់ ខណៈ១៣.៤លាននាក់ គឺស្មើនឹងប្រជាជនថៃ ១ភាគ៥ទៅហើយ។

ក្នុងរបាយការណ៍ដែលត្រូវយកមកចុះផ្សាយដោយ Bangkok Post នៅថ្ងៃព្រហស្បតិ៍ទី៧ខែសីហាឆ្នាំ២០២៥ បានបង្ហាញថា ក្រុមមនុស្សដែលជួបបញ្ហាផ្លូវចិត្តខ្លាំងជាងគេគឺមានអាយុចន្លោះ ៤៥-៥៩ឆ្នាំ។ ចំណែក ក្រុមមនុស្សអាយុ ១៥-២៩ ឆ្នាំ គឺមានហានិភ័យខ្ពស់ ដោយសារតែភាពតានតឹង ថប់បារម្ភ និងជំងឺបាក់ទឹកចិត្ត ព្រោះតែសម្ពាធការសិក្សានិងបញ្ហាសង្គម។

របាយការណ៍ខាងលើ បានគូសបញ្ជាក់ចំៗថា ជំងឺផ្លូវចិត្តដែលវាយលុកប្រទេសថៃ គឺកើនឡើងខ្លាំងជាពិសេសចាប់តាំងពីវិបត្តិជំងឺរាតត្បាតកូវីដ-១៩ មកម្ល៉េះ បូករួមទាំងសម្ពាធសេដ្ឋកិច្ចនិងរបត់សង្គម។

ម្យ៉ាងវិញទៀត ដោយសារតែថៃ ជាប្រទេសពោរពេញដោយការរើសអើង ទើបធ្វើឲ្យអ្នកជំងឺផ្លូវចិត្ត មិនហ៊ានស្វែងរកជំនួយ ខ្លាចរអានឹងការទៅមន្ទីរពេទ្យ បណ្តាលឲ្យអ្នកជំងឺផ្លូវចិត្តកើនឡើងជាលំដាប់។

លើសពីនេះ សេវាសុខភាពផ្លូវចិត្តក្នុងប្រទេសថៃនៅតែខ្វះធនធាន ដូច្នេះអ្នកជំនាញសុខភាពផ្លូវចិត្តក៏មានកង្វះខាតទៅតាមហ្នឹងដែរ៕

អត្ថបទ៖ សុខ សុវណ្ណ

ចុចអាន៖ ខែវស្សាសោះ ថៃ​ បែរជាត្រូវវាយប្រហារដោយរលកកម្តៅ ខុសធម្មតា