ព័ត៌មានអន្ដរជាតិ
ពូទីន ប្រាប់ពីលក្ខខណ្ឌចំនួនបី សម្រាប់បទឈប់បាញ់នៅអ៊ុយក្រែន
របាយការណ៍ថ្មីៗដែលចុះផ្សាយដោយ Fox News កាលពីថ្ងៃទី២១ខែសីហាឆ្នាំ២០២៥ បង្ហាញថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន នៅអំឡុងពេលកិច្ចពិភាក្សាកំពូលជាមួយមេដឹកនាំអាមេរិកកាលពីសប្ដាហ៍មុន បានលាតត្រដាងនូវការទាមទាររបស់គាត់សម្រាប់ការបញ្ចប់សង្រ្គាមនៅអ៊ុយក្រែន ដោយក្នុងនោះមានលក្ខខណ្ឌធំៗចំនួនបី។
យោងតាមរបាយការណ៍ លក្ខខណ្ឌរបស់លោក ពូទីន សម្រាប់បទឈប់បាញ់ មានដូចជា៖
- គ្មានសមាជិកភាពណាតូ៖ អ៊ុយក្រែនត្រូវតែបោះបង់ចោលគោលដៅនៃការចូលរួមជាមួយសម្ព័ន្ធភាពអូតង់។
- គ្មានកងទ័ពលោកខាងលិច៖ កងកម្លាំងយោធាលោកខាងលិចមិនអាចឈរជើងនៅលើដីអ៊ុយក្រែនបានទេ។
- បោះបង់តំបន់ Donbas៖ អ៊ុយក្រែនត្រូវតែប្រគល់តំបន់ Donbas ទាំងមូលទៅឲ្យប្រទេសរុស្ស៊ី។
ខុសពីការទាមទារពីមុន របាយការណ៍ថ្មីនេះបានបង្ហាញថា លោក ពូទីន នឹងយល់ព្រមចំពោះបទឈប់បាញ់នៅតាមខ្សែបន្ទាត់ជួរមុខបច្ចុប្បន្ន។ នេះមានន័យថា រុស្ស៊ីយល់ព្រមលះបង់ទឹកដីមួយផ្នែកតូចដែលខ្លួនកាន់កាប់នាពេលថ្មីៗនៅក្នុងតំបន់ Kharkiv, Sumy និង Dnipropetrovsk ដើម្បីសម្រួលឲ្យកិច្ចចរចាសន្ដិភាពអាចដំណើរការទៅមុខបាន។
ទោះជាយ៉ាងណាក៏ដោយ មន្ត្រីអង្គការណាតូមានការសង្ស័យ ដោយចាត់ទុកការទាមទារទាំងនេះថាជាយុទ្ធសាស្ត្រជាប់គាំង និងព្រមានថា បញ្ជីលក្ខខណ្ឌរបស់ពូទីនអាចនឹងកើនឡើងនាពេលអនាគត។ ការព្រួយបារម្ភអំពីគោលដៅចុងក្រោយរបស់រុស្ស៊ី ត្រូវបានកើនឡើងនៅពេលដែលរដ្ឋមន្ត្រីការបរទេសលោក Sergey Lavrov បាននិយាយថា គោលបំណងរបស់ទីក្រុងមូស្គូគឺ«ការពារ»ប្រជាជនអ៊ុយក្រែនពីរដ្ឋាភិបាលរបស់ពួកគេ ដោយបង្ហាញពីចេតនាដ៏ធំក្នុងការគ្រប់គ្រងអធិបតេយ្យភាពរបស់អ៊ុយក្រែនជាជាងគ្រាន់តែកាន់កាប់ទឹកដី។
សេតវិមានមិនបានឆ្លើយតបភ្លាមៗចំពោះសំណើសុំការអត្ថាធិប្បាយលើរបាយការណ៍ទាំងនេះទេ៕
ដោយ៖ ឈាង
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ២២ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន