ស្លាប់កើនលើស ៦០០នាក់ហើយ ក្នុងភាពចលាចលនៅ មីយ៉ាន់ម៉ា

ក្រុមសិទ្ធិមនុស្សមីយ៉ាន់ម៉ាបាននិយាយថា មនុស្សជាង៦០០នាក់ ត្រូវបានសម្លាប់ក្នុងការបង្ក្រាបរបស់យោធាចាប់តាំងពីរដ្ឋប្រហារថ្ងៃទី១ខែកុម្ភៈមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាតុករ បានបន្តប្រមូលផ្តុំគ្នាតាមដងផ្លូវទូទាំងប្រទេសកាលពីថ្ងៃព្រហស្បតិ៍ រួមទាំងនៅទីក្រុងធំបំផុត យ៉ាំងហ្គោននិងទីក្រុង Dawei ភាគខាងត្បូងផងដែរ។

ក្រុមសិទ្ធិមនុស្ស Assistance Association for Political Prisoners បាននិយាយថា មនុស្សជាង២០នាក់ ត្រូវបានសម្លាប់នៅថ្ងៃពុធ ហើយចំនួនអ្នកស្លាប់សរុបបានកើនដល់៦១៤នាក់ គិតត្រឹមថ្ងៃព្រហស្បតិ៍។

យោធាបានប្រកាសតាមទូរទស្សន៍រដ្ឋកាលពីថ្ងៃព្រហស្បតិ៍ថា កងទ័ពបានចាប់ខ្លួនតារាល្បីឈ្មោះលោក Paing Takhon ដែលមានអ្នកគាំទ្រទាំងនៅក្នុងប្រទេសមីយ៉ាន់ម៉ានិងប្រទេសថៃ។

លោក Paing Takhon បាននិយាយប្រឆាំងរដ្ឋប្រហារ ហើយបានបង្ហោះរូបថតនៅលើបណ្តាញសង្គមដែលបង្ហាញខ្លួនគាត់កំពុងធ្វើបាតុកម្ម។

សារព័ត៌មានក្នុងស្រុកបានដកស្រង់សម្តីក្រុមគ្រួសាររបស់គាត់ដែលនិយាយថា ទាហាននិងប៉ូលិសបាននាំខ្លួនគាត់ចេញពីផ្ទះនៅម៉ោងប្រហែល ៥និង០០នាទីព្រឹកថ្ងៃព្រហស្បតិ៍៕

ប្រែសម្រួលដោយ៖ Vann Vann

ប្រភព៖ NHK

ចុចអាន៖ យោធាមីយ៉ាន់ម៉ាបំផ្ទុះគ្រាប់បែក បាញ់អាវុធវែងសម្លាប់អ្នកតវ៉ាច្រើនទៀត