ព័ត៌មានអន្ដរជាតិ
លោក ពូទីន និយាយថា រុស្ស៊ី«កំពុងមានប្រៀប»លើសមរភូមិប្រយុទ្ធនៅអ៊ុយក្រែន
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រកាសថា កងកម្លាំងរបស់លោកកំពុងមានប្រៀបលើអ្វីដែលលោកហៅថាជា«សមរភូមិដ៏សុចរិត»នៅក្នុងប្រទេសអ៊ុយក្រែន ទោះបីជាសង្រ្គាមបានឈានចូលដល់ឆ្នាំទី៤ដោយមិនមានដំណោះស្រាយក៏ដោយ។
នៅក្នុងសុន្ទរកថាវីដេអូដែលចេញផ្សាយដោយវិមានក្រឹមឡាំងកាលពីថ្ងៃទី២៩ខែកញ្ញាឆ្នាំ២០២៥ លោក ពូទីន បាននិយាយថា «យុទ្ធជន និងមេបញ្ជាការរបស់យើងបន្តការវាយប្រហារ ហើយប្រទេសទាំងមូល រុស្ស៊ីទាំងអស់កំពុងធ្វើសមរភូមិដ៏សុចរិតនេះយ៉ាងស្វិតស្វាញ។ យើងរួមគ្នាការពារសេចក្តីស្រឡាញ់របស់យើងចំពោះមាតុភូមិ និងការរួបរួមនៃជោគវាសនាប្រវត្តិសាស្ត្ររបស់យើង យើងកំពុងប្រយុទ្ធ ហើយយើងកំពុងមានជ័យជម្នះ»។
ប្រទេសរុស្ស៊ី បានចាប់ផ្តើមការលុកលុយទ្រង់ទ្រាយធំរបស់ខ្លួននៅថ្ងៃទី២៤ខែកុម្ភៈឆ្នាំ២០២២ ដោយកំណត់វាជា«ប្រតិបត្តិការយោធាពិសេស» ដើម្បីលុបបំបាត់ចោលនូវយោធា និងកម្ចាត់ឲ្យអស់នូវរបបណាស៊ីពីប្រទេសអ៊ុយក្រែន។ ទីក្រុងកៀវ និងសម្ព័ន្ធមិត្តបដិសេធការអះអាងនេះ ដោយហៅការវាយប្រហារថាជាការដណ្តើមយកទឹកដី។
ជម្លោះបានអូសបន្លាយជាបន្តបន្ទាប់ ទោះបីជាមានការប្រឹងប្រែងខាងការទូតរបស់ប្រធានាធិបតីអាមេរិក ដូណាល់ ត្រាំ ដែលបានរួមបញ្ចូលកិច្ចប្រជុំកំពូលដាច់ដោយឡែកជាមួយលោក ពូទីន ប្រធានាធិបតីអ៊ុយក្រែន វ៉ូឡូឌីមៀរ ហ្សេលេនស្គី និងមេដឹកនាំអឺរ៉ុបក៏ដោយ។
បច្ចុប្បន្ននេះប្រទេសរុស្ស៊ីកាន់កាប់ជិត ១១៤ ៥០០គីឡូម៉ែត្រការ៉េ ប្រហែល ១៩ភាគរយនៃទឹកដីរបស់អ៊ុយក្រែន រួមទាំងនៅតំបន់គ្រីមៀរ និងតំបន់ដ៏ធំនៃភាគខាងកើត និងភាគអាគ្នេយ៍។ នេះបើយោងតាមប្រភពផែនទីសមរភូមិបើកចំហ។
លោក ត្រាំ ដែលថ្មីៗនេះបានផ្លាស់ប្តូរជំហរពីមុនរបស់លោកអំពីឱកាសរបស់ទីកៀវ បាននិយាយកាលពីសប្តាហ៍មុនថា អ៊ុយក្រែននៅតែអាចទទួលបានមកវិញនូវទឹកដីដែលខ្លួនបាត់បង់។ លោកក៏បានបញ្ជាក់ផងដែរថា អាមេរិកកំពុងពិនិត្យមើលសំណើរបស់ទីក្រុងកៀវសម្រាប់មីស៊ីលគ្រូស Tomahawk ដែលអាចអនុញ្ញាតឲ្យមានការវាយលុកចូលជ្រៅក្នុងប្រទេសរុស្ស៊ី៕
ដោយ៖ ឈាង
-
ព័ត៌មានអន្ដរជាតិ៧ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា៣ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ២ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៤ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានជាតិ១៤ ម៉ោង agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាបជួយកសិករដាំដុះដំណាំកសិកម្ម
-
ព័ត៌មានអន្ដរជាតិ៧ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ