Connect with us

សេចក្ដីជូនដំណឹង

វិទ្យាស្ថានបច្ចេកវិទ្យាគីរីរម្យប្រារព្ធខួប១០ឆ្នាំ ជាមួយអាហារូបករណ៍១២០កន្លែង និងកម្មវិធីសិក្សាក្រោមជំនួយឧបត្ថម្ភ៣០កន្លែង សម្រាប់ឆ្នាំសិក្សាថ្មី២០២៤-២០២៥

បានផុស

នៅ

ដើម្បីអបអរគម្រប់ខួប១០ឆ្នាំ វិទ្យាស្ថានបច្ចេកវិទ្យាគិរីរម្យ (KIT) ដែលជាគ្រឹះស្ថានឧត្តមសិក្សាឈានមុខគេមួយនៅក្នុងប្រទេសកម្ពុជា ប្រកាសផ្ដល់អាហារូបករណ៍ និងកម្មវិធី សិក្សាក្រោមជំនួយឧបត្ថម្ភសរុបចំនួន១៥០កន្លែងជូនដល់សិស្សានុសិស្សទាំងអស់ ដែលទើបនឹងប្រឡងសញ្ញាបត្រមធ្យមសិក្សាទុតិយភូមិនៅឆ្នាំ២០២៤នេះ។ ក្នុងនោះ វិទ្យាស្ថានបច្ចេកវិទ្យាគិរីរម្យនឹងផ្តល់ជូន អាហារូបករណ៍តាមនិទ្ទេសចំនួន ១២០កន្លែង និងកម្មវិធីសិក្សាក្រោមជំនួយឧបត្ថម្ភចំនួន៣០កន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បណ្ឌិត Masamu Kamaga នាយវិទ្យាស្ថានបច្ចេកវិទ្យាគិរីរម្យ មានប្រសាសន៍ថា៖ «យើងមាន សេចក្តីរំភើបរីករាយក្នុងការប្រារព្ធខួបលើកទី ១០ នៃការបង្កើតវិទ្យាស្ថានរបស់យើង ជាមួយនឹងការផ្តល់ជូន អាហារូបករណ៍ និងកម្មវិធីសិក្សាក្រោមជំនួយឧបត្ថម្ភជាច្រើនកន្លែងជូនដល់សិស្សនិស្សិតនៅទូទាំងប្រទេស ដែលមានទេពកោសល្យ សមត្ថភាព និងភាពវ័យឆ្លាត។ ការផ្ដល់ជូននេះធ្វើឡើងក្នុងគោលដៅផ្តល់ឱកាសឱ្យពួកគេសម្រេចបាននូវក្តីសុបិន្តក្នុងការបន្តការសិក្សាថ្នាក់ឧត្តមសិក្សាដើម្បីទទួលបានភាពជោគជ័យក្នុងជីវិត និងចូលរួមចំណែកក្នុងការអភិវឌ្ឍន៍ប្រទេសកម្ពុជា»។

លោកនាយកបានបន្តថា ៖ «វិទ្យាស្ថានបច្ចេកវិទ្យាគិរីរម្យតែងតែស្វែងរកគំនិតផ្ដួចផ្តើមថ្មីៗដើម្បីធ្វើឱ្យកម្មវិធីសិក្សារបស់សិស្សនិស្សិតកាន់តែប្រសើរឡើងពីមួយជំនាន់ទៅមួយជំនាន់។ យើងប្ដេជ្ញាចិត្តថានឹងផ្ដល់ជូនសិស្សនិស្សិតរបស់យើងនូវការសិក្សាប្រកបដោយគុណភាព និងមានការទទួលស្គាល់ជាសកល ជាមួយនឹងកម្មវិធីសិក្សាដែលផ្ដោតលើគម្រោងស្រាវជ្រាវទំនើប  និងការហាត់ការជាមួយក្រុមហ៊ុនដៃគូរទាំងនៅក្នុងស្រុក និងក្រៅស្រុក។»

អាហារូបករណ៍១២០កន្លែង

ក្នុងឆ្នាំសិក្សាថ្មី ២០២៤ ​- ២០២៥  វិទ្យាស្ថានបច្ចេកវិទ្យាគិរីរម្យនឹងផ្តល់ជូនអាហារូបករណ៍តាមនិទ្ទេសបាក់ឌុប ចំនួន១២០កន្លែងសម្រាប់សិស្សានុសិស្សដែលទទួលបាននិទ្ទេសសរុប A, B, C និង D ជាមួយការបញ្ចុះតម្លៃ សិក្សាក្នុងឆ្នាំទី១ដូចខាងក្រោម ៖

  • និទ្ទេស A ៖ អាហារូបករណ៍ ១០០% (៣០ កន្លែង)
  • និទ្ទេស B ៖ អាហារូបករណ៍ ៧០% (៣០ កន្លែង)
  • និទ្ទេស C ៖ អាហារូបករណ៍ ៥០% (៣០ កន្លែង)
  • និទ្ទេស D ៖ អាហារូបករណ៍ ២០% (៣០ កន្លែង)

លើសពីនេះ វិទ្យាស្ថានក៏ផ្តល់ជូនអាហារូបករណ៍តាមនិទ្ទេសផងដែរ គិតចាប់ពីឆ្នាំទី២ឡើងទៅ ដោយផ្អែកលើ លទ្ធផលសិក្សានៅក្នុងឆ្នាំមុនៗ ជាមួយនឹងការបញ្ចុះតម្លៃសិក្សាដូចខាងក្រោម ៖

  • និទ្ទេស A+ ៖ អាហារូបករណ៍ ១០០%
  • និទ្ទេស A ៖ អាហារូបករណ៍ ៧០%
  • និទ្ទេស B+ ៖ អាហារូបករណ៍ ៥០%
  • និទ្ទេស B ៖ អាហារូបករណ៍ ៣០%

កម្មវិធីសិក្សាក្រោមជំនួយឧបត្ថម្ត៣០កន្លែង

ក្រៅពីអាហារូបករណ៍ វិទ្យាស្ថានបច្ចេកវិទ្យាគិរីរម្យផ្ដល់ជូនផងដែរនូវកម្មវិធីសិក្សាក្រោមជំនួយឧបត្ថម្ភចំនួន៣០កន្លែងជូនដល់សិស្សនិស្សិតនៅទូទាំងប្រទេស ដែលមានលក្ខណ្ឌដូចខាងក្រោម៖

  • និស្សិតដែលស្ថិតក្នុងសហគមន៍ក្រីក្រ
  • និស្សិតដែលកំពុងជួបបញ្ហាហិរញ្ញវត្ថុ
  • និស្សិតដែលរស់នៅទីជនបទដាច់ស្រយាល

កម្មវិធីសិក្សាក្រោមជំនួយឧបត្ថម្ភនេះរួមបញ្ចូលថ្លៃសិក្សា ស្នាក់នៅ និងអាហារក្នុងរយៈពេល៤ឆ្នាំ។ វិទ្យាស្ថានបច្ចេកវិទ្យាគិរីរម្យតែងតែយកចិត្តទុកដាក់ចំពោះនិស្សិតដែលជួបការលំបាកក្នុងការបន្តការសិក្សានៅថ្នាក់ឧត្តមសិក្សា ជាមួយនឹងការបង្កើតកម្មវិធីសិក្សាក្រោមជំនួយឧបត្ថម្ភនេះឡើងដើម្បីលើកទឹកចិត្តពួកគេឱ្យខិត្តខំរៀនសូត្រ និងតស៊ូក្នុងជីវិតដើម្បីទទួលបានភាពជោគជ័យហើយក្លាយខ្លួនជាធនធានមនុស្សដ៏ល្អសម្រាប់សង្គមជាតិនៅថ្ងៃអនាគត។​

សិស្សនិស្សិតដែលមានចំណាប់អារម្មណ៍ អាចដាក់ពាក្យស្នើសុំអាហារូបករណ៍ និងកម្មវិធីសិក្សាក្រោមជំនួយឧបត្ថម្ភតាមរយៈទម្រង់ស្នើសុំតាមប្រព័ន្ធអនឡាញ ដែលនឹងត្រូវផុតកំណត់ដូចខាងក្រោម៖

  • កម្មវិធីសិក្សាក្រោមជំនួយឧបត្ថម្ភនឹងផុតកំណត់នៅថ្ងៃទី ១៥ ខែវិច្ឆិកា ឆ្នាំ២០២៤
  • អាហារូបករណ៍នឹងផុតកំណត់នៅថ្ងៃទី ១៥ ខែធ្នូ ឆ្នាំ២០២៤
  • ការទទួលពាក្យស្នើសុំចូលរៀនទូទៅនឹងផុតកំណត់នៅថ្ងៃទី២៤ ខែមករា ឆ្នាំ២០២៤

សម្រាប់ព័ត៌មានបន្ថែមអំពីកម្មវិធីសិក្សា សូមចូលទៅកាន់គេហទំព័រ www.kit.edu.kh/academics

អំពីវិទ្យាស្ថានបច្ចេកវិទ្យាគិរីរម្យ

វិទ្យាស្ថានបច្ចេកវិទ្យាគិរីរម្យគឺជាគ្រឹះស្ថានឧត្តមសិក្សាឯកជនឈានមុខគេមួយនៅប្រទេសកម្ពុជា ដែលត្រូវបានបង្កើតឡើងតាំងពីឆ្នាំ២០១៤ មានទីតាំងស្ថិតនៅឧទ្យានជាតិគិរីរម្យ ខេត្តកំពង់ស្ពឺ។ វិទ្យាស្ថានមានមុខវិទ្យាសំខាន់ៗចំនួនបី៖ វិស្វកម្មកុំព្យូទ័រ ស្ថាបត្យកម្ម និងគ្រប់គ្រងទេសចរណ៍ ជាមួយនឹងកម្មវិធីសិក្សាពិសេសផ្ដោតលើការស្រាវជ្រាវ ការអនុវត្តន៍ជាក់ស្ដែង និងការហាត់ការជាមួយក្រុមហ៊ុនដៃគូរក្នុងស្រុក និងក្រៅស្រុក។​

For more information

Website: www.kit.edu.kh

Telegram: 016 575 011 / 010 575 011

Tel: 078 777 344 / 095 777 841

Email: [email protected]

Helistar Cambodia - Helicopter Charter Services
Sokimex Investment Group
ព័ត៌មានជាតិ១ ម៉ោង មុន

លោក នេត្រ ភក្ត្រា ៖ ការបណ្តុះបណ្តាលអ្នកសារព័ត៌មានពីជំនាញផ្នែកសេដ្ឋកិច្ច គឺជាការផ្ដល់ចំណេះដឹងផ្នែកហិរញ្ញវត្ថុដល់ សាធារណជន

ព័ត៌មានជាតិ៣ ម៉ោង មុន

ពល​ករ​ថៃ​៦នាក់​ ដែល​ប៉ុន​ប៉ង​ឆ្លង​ដែន​​មក​ធ្វើការ​នៅ​កម្ពុជា​ត្រូវ​ប៉ូលិស​ថៃបាន​ចា​ប់​ខ្លួន​

ព័ត៌មានជាតិ៤ ម៉ោង មុន

លោក ប៉ែន បូណា ប្រាប់ឱ្យរដ្ឋាភិបាលថៃប្រញាប់ដោះស្រាយរឿងអាស្រូវដ៏ស្អុយអសោចក្នុងផ្ទះរបស់ខ្លួនហើយបញ្ឈប់វប្បធម៌លាបពណ៌កម្ពុជា

ព័ត៌មានជាតិ៤ ម៉ោង មុន

រដ្ឋមន្ត្រី​អប់រំ​លើក​ទឹក​ចិត្ត​គ្រូ​ និង ​សិស្ស​ត្រូវ​តែ​ចេះ​ប្រើ Ai ដើម្បី​លើក​កម្ពស់​គុណភាពការរៀន និង​ការ​បង្រៀន

ព័ត៌មានជាតិ៤ ម៉ោង មុន

ក្រសួងការងារ​ស្នើ​ក្រុម​ហ៊ុន​ទទួល​ពលករ​ខ្មែរ ​ត្រឡប់​មក​ពី​ថៃ​ឱ្យ​ចូលធ្វើការ មាន​ការ​យោគយល់​និង​ការ​អត់ធ្មត់ខ្ពស់

កងការពារអាកាស
ព័ត៌មានជាតិ៧ ម៉ោង មុន

រុស្ស៊ីនឹងបញ្ជូនប្រតិភូកងការពារដែនអាកាស​មក​បង្កើត​កិច្ច​សហប្រតិបត្តិការ​ជាមួយ​កម្ពុជា

ព័ត៌មានអន្ដរជាតិ១០ ម៉ោង មុន

បាក់ស្ពាននៅរដ្ឋ Gujarat ប្រទេសឥណ្ឌាសម្លាប់មនុស្ស​យ៉ាងតិច ៩ នាក់

ព័ត៌មានអន្ដរជាតិ១៤ ម៉ោង មុន

យោធាឈុតខ្មៅថៃ ឃាត់ខ្លួនពលករខ្មែរ៣៦នាក់ ដោយចោទថា លួចឆ្លងដែនខុសច្បាប់

សន្តិសុខសង្គម១២ ម៉ោង មុន

ព័ត៌មានបឋម ៖ ប្រទះឃើញសពបុរសម្នាក់ រួមជាមួយដំបងឈើប្រឡាក់ឈាម ក្នុងចំណុចដីឡូត៍ ១ កន្លែង នៅខណ្ឌជ្រោយចង្វារ

ព័ត៌មានជាតិ៦ ម៉ោង មុន

ស្ពានអាកាស សម្តេចធិបតី ហ៊ុន ម៉ាណែត នឹងដាក់ឱ្យប្រើប្រាស់ជាបណ្ដោះអាសន្ន ចាប់ពីថ្ងៃទី ១១ កក្កដា ស្អែកនេះហើយ

Sokha Hotels

ព័ត៌មានពេញនិយម