ក្រុមហ៊ុន អិន ស៊ី អិច បន្តទទួលស្គាល់សិទ្ធិផ្ដាច់មុខលើការនាំចូល និង ចែកចាយផ្តាច់មុខលើ​ ម៉ូតូម៉ាក HONDA MOTOR CO., LTD នៅក្នុងប្រទេសកម្ពុជា

កាលពីថ្ងៃទី១២ ខែកុម្ភៈ ឆ្នាំ២០២៥ តាមរយៈលិខិតទទួលស្គាល់លេខ១០៧២​និង ​លេខ១២៦៩  ព.ណ.ក.ស.ប របស់ក្រសួងពាណិជ្ជកម្ម បាន​ឯកភាពក្នុងការបន្តទទួលស្គាល់សិទ្ធិផ្ដាច់មុខលើការនាំចូល និងចែកចាយផ្តាច់មុខលើម៉ូតូរបស់ក្រុមហ៊ុន អិន ស៊ី អិច ទៅលើម៉ាក DREAM, WAVE, BeAT, SCOOPY, ZOOMER-X, CLICK, VARIO, PCX, ADV, MSX, GROM, CB150R,CBR  និងGIORNO+ និងតាមរយៈលិខិតទទួលស្គាល់លេខ១០៧១ ព.ណ.ក.ស.ប របស់ក្រសួងពាណិជ្ជកម្ម បាន​ឯកភាពកត់ត្រាទទួលស្គាល់សិទ្ធិផ្ដាច់មុខលើការនាំចូល និងចែកចាយផ្តាច់មុខលើម៉ូតូម៉ាក WINNER របស់ក្រុមហ៊ុន HONDA MOTOR CO., LTD ដែលជាម្ចាស់ម៉ាក   ដើម។ ដើម្បីអនុលោមតាម មាត្រា​៣ និងមាត្រា១១ ​នៃ​ច្បាប់ស្តីពីម៉ាក ពាណិជ្ជនាម និងអំពើនៃការប្រកួតប្រជែងមិនស្មោះត្រង់ និងការការពារសិទ្ធិ និងផលប្រយោជន៍របស់ម្ចាស់សិទ្ធិ និងសាធារណៈជនក្នុងការប្រើប្រាស់ម៉ាកដូចដែលបានរៀបរាប់ខាងលើ ក៏ដូចជាទប់ស្កាត់ការនាំចូល និងចែកចាយ​ទំនិញក្លែងក្លាយផងនោះ។     

ក្រុមហ៊ុន អិន ស៊ី អិច បានសម្រេចដាក់ពាក្យស្នើសុំដើម្បីបន្តសុពលភាពចុះបញ្ជីកត់ត្រាម៉ាក និងតម្កល់លិខិតប្រគល់សិទ្ធិនាំចូលផ្តាច់មុខទៅកាន់ក្រសួងពាណិជ្ជកម្ម ចុះថ្ងៃទី១២ ខែកុម្ភៈ ឆ្នាំ២០២៥ ដែលក្រុមហ៊ុនបានទទួលសិទ្ធិផ្តាច់មុខនេះពីក្រុមហ៊ុន HONDA MOTOR CO., LTD ដែលជាក្រុមហ៊ុនមេផងដែរ។

សូមបញ្ជាក់ផងដែរថា​ ផលិតផលផ្លូវការរបស់ក្រុមហ៊ុន​​ គឺមានស្លាកសញ្ញា N.C.X ជាសញ្ញាសម្គាល់ជាប់ជាមួយនឹងម៉ូតូ​​ ដែលបង្ហាញអំពីគុណភាពដ៏ល្អផ្ដាច់គេមានការធានាច្បាស់លាស់ និងជាផលិតផលសុទ្ធរបស់ក្រុមហ៊ុន អិន ស៊ី អិច ដែលបានចុះបញ្ជីម៉ាកស្របច្បាប់នៅក្នុងព្រះរាជាណាចក្រកម្ពុជា។

ជាមួយគ្នានេះផងដែរ ក្រុមហ៊ុន អិន ស៊ី អិច  មានសិទ្ធិស្របច្បាប់ក្នុងការអនុវត្តសិទ្ធិនាំចូល និងចែកចាយផ្តាច់មុខ​នូវម៉ាកដូចដែលមាននៅក្នុងលិខិតទទួលសិទ្ធិលេខ១០៧២ លេខ១២៦៩​ លេខ១០៧១ ព.ណ.ក.ស.ប និងអាចដាក់ពាក្យបណ្តឹងទៅកាន់អាជ្ញារធរមានសមត្ថកិច្ច ដើម្បីចាត់វិធានការទៅលើការនាំចូល និងចែកចាយផលិតផលដែលពាក់ម៉ាកដូចគ្នា ទៅនឹងម៉ាករបស់ក្រុមហ៊ុនដូចដែលមានចែងក្នុងលិខិតទទួលសិទ្ធិខាងលើ។

នេះគឺរូបភាពឯកសារទទួលស្គាល់ពីក្រសួង