ត្រណម ៣ កន្លែងក្នុងផ្ទះ មិនគួរដាក់ធុងសម្រាម ព្រោះអាចជួបតែសំណាងមិនល្អ

ធុងសម្រាមក្នុងផ្ទះ មិនចេះតែទុកដាក់ពាសណាពាសណី គ្មានកន្លែងហុងស៊ុយឡើយ។ មិនអ៊ីចឹងទេ វាអាចប៉ះពាល់ដល់លាភសំណាងទ្រព្យសម្បត្តិ ធ្វើឱ្យលុយកាក់ចៀសឆ្ងាយពីគេហដ្ឋានបាន។

ទាំងនេះជាទីតាំង ៣ កន្លែងក្នុងផ្ទះ ត្រូវបានត្រណម៖

១. បន្ទប់ទទួលភ្ញៀវ  

ដាក់ធុងសម្រាមក្នុងបន្ទប់ទទួលភ្ញៀវ ជាហុងស៊ុយសំណាងអាក្រក់ នាំឱ្យទ្រព្យសម្បត្តិបាត់បង់។ បើសិនមិនអាចចៀសពីបន្ទប់ទទួលភ្ញៀវទេ គួរដាក់ធុងតែមួយបានហើយ និងកុំទុកនៅកន្លែងដែលមើលមិនឃើញ។  

២. បន្ទប់គេង

បន្ទប់គេងជាកន្លែងដែលម្ចាស់ផ្ទះសម្រាកបានយូរជាងគេ ដូច្នេះគួរចៀសវាងដាក់ធុងសម្រាមនៅទីនេះ ព្រោះគេជឿថា វានាំឱ្យអាជីពនិងការងាមិនរីកដុះដាល​។ ជាពិសេសចំណងប្ដីប្រពន្ធមិនសូវចុះសម្រុង​​ នាំភាពក្ដៅក្រហាយដល់គូស្វាមីភរិយា បង្កតែរឿងឈ្លោះប្រកែក។

៣. ផ្ទះបាយ

តាមក្បួនហុងស៊ុយ ធុងសម្រាមគេហាមមិនឲ្យដាក់ទល់មុខនឹងចង្ក្រាននោះទេ ព្រោះជានិមិត្តសញ្ញានៃការបំផ្លាញទ្រព្យ លុយកាក់ហូរចេញពីគេហដ្ឋាន។ មួយវិញទៀត ធុងសម្រាមនៅទល់នឹងចង្រ្កាន អាចនាំឱ្យម្ចាស់ផ្ទះជួបតែរាសីដាក់ រកទ្រព្យមិនសល់ជាដុំកំភួន៕

ប្រែសម្រួល៖ សន្យា

ប្រភព៖ Feng Shui

ចុចអាន៖ ហាមទុកវត្ថុ ៤ នេះក្នុងផ្ទះជាដាច់ខាត ព្រោះអាចនាំអពមង្គលពេញមួយគ្រួសារ

ចុចអាន៖ ទាំងនេះជាអត្ថន័យ​នៃ​ពណ៌​កាបូប​ដាក់​ប្រាក់តាមក្បួនហុងស៊ុយ