អាហារ ៦ មុខជនជាតិ ចិន ជឿថា ហូបក្នុងពិធីបុណ្យសែននំអ៊ី នាំសុភមង្គល និង អាយុវែងក្នុងគ្រួសារ
Connect with us
Helistar Cambodia - Helicopter Charter Services

ជំនឿ

អាហារ ៦ មុខជនជាតិ ចិន ជឿថា ហូបក្នុងពិធីបុណ្យសែននំអ៊ី នាំសុភមង្គល និង អាយុវែងក្នុងគ្រួសារ

បានផុស

នៅ

ជា​ទៅ​ មិន​ថា​ខ្មែរ​កាត់​ចិន ​ឬ​ជនជាតិ​ចិន​នោះ​ទេ ​ឲ្យ​តែ​ដល់​បុណ្យ​ជាតិ​ធំៗ​ គេ​តែង​និយម​ធ្វើ​អាហារ​ប្រពៃណី​ ដើម្បី​ជា​ការ​រំលឹក​ដល់​បុព្វបុរស​ និង​តាម​ជំនឿ​ដែល​គេ​ជឿ​ថា​ នាំ​សំណាង​ល្អ​ អាយុ​យឺនយូរ​ និង​សុភមង្គល​មក​ឲ្យ​ដល់​គ្រួសារ​របស់​ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាហារខាងក្រោមនេះ មានដូចជា ៖

១ នំអ៊ី (Tangyuan)

Tangyuan គឺជាកូននំដែលគេលុញឲ្យទៅ ជារូបរាងតូចៗ​ វាធ្វើពីម្សៅអង្ករដំណើប​ មានស្នូលដូចជាគ្រាប់ផ្កាឈូករ័ត្ន គ្រាប់ល្ង សណ្ដែក​បណ្ដុះ សាច់ Walnut ផ្លែឈើស្ងួត ស្ករ និងប្រេងដែលអាច​បរិភោគបាន។ ប៉ុន្តែក៏មាននំអ៊ីមួយចំនួនធំ គឺមិនមានស្នូលដូចគ្នាដែរ អាស្រ័យលើចំណងចំណូលចិត្តរបស់ជនជាតិចិននីមួយៗ។

នំអ៊ីសំដៅ ដល់ភាពស្អិតរមួតនៃគ្រួសារ បើហូបកាលណា នាំតែរឿងល្អៗ និងអាយុវែងដូចនំដែលហូបដែរ។

២ គាវចំហុយទឹកស៊ីអ៉ីវ (Jiaozi)

Jiaozi ជាធម្មតាមានសាច់ក្រក ឬបន្លែដែលរុំចូលទៅ​ ក្នុងដុំម្សៅរមូរស្តើងៗ បន្ទាប់មកយើងអាចចុចគែមបិទ កុំឲ្យស្នូលចេញមកក្រៅ ក្នុងករណីស្ងោរឬចៀន។ អាហារមួយមុខនេះ ជនជាតិចិនជឿថា នាំសំណាងនិងសុភមង្គលចូលមកក្នុងគ្រួសារពេញមួយឆ្នាំ។

៣ បង្អែម Babao

បង្អែម Babao ត្រូវបានគេហៅ ថា បង្អែមមានធាតុផ្សំប្រាំបីមុខចូលគ្នា។ វាមានអង្ករដំណើប សណ្តែក​ក្រហម សណ្ដែកលឿង សណ្ដែក​ចិន សណ្ដែក​បៃតង គ្រាប់​ឈូក​ស្ងួត អង្ករសំរូបចិន​ និងគ្រឿងផ្សំមួយចំនួនទៀត ដូចជា ដំណាប់​ល្មើ កៅ ឡាក់សាច់ Walnut អាល់ម៉ុន សណ្តែកដី។ល ជាមួយស្ករដើម្បីធ្វើ បបរមានរសជាតិឆ្ងាញ់។

យោងតាមជំនឿចិនពីដើម ការហូបបង្អែមនេះក្នុងពិធីបុណ្យុសែននំអ៉ី ជួយឲ្យអាយុវែង និងសុខភាពរឹងមាំពេញមួយឆ្នាំ។

៤ ឆៃថាវចិន (Chinese radish)

មិនថាខ្មែរកាត់ចិន ឬជនជាតិនោះទេ គេតែងជឿថា radish ឬឆៃថាវចិន គឺអព្យាក្រឹតនៅ ក្នុងតួអក្សរវាមានរសជាតិ ផ្អែមបន្តិចនិង​អាច​ជំរុញ​ឲ្យ​មាន​ចំណង់​អាហារ​ និង​ការ​រំលាយ​អាហារ​បាន​ល្អ​ប្រសើរ​ជាង​មុន។ ជាពិសេស បំបាត់​ជាតិពុល​បន្ថយ​កម្ដៅ​ និង​គ្រប់គ្រង​ចលនាឲ្យមានលំនឹងជាងមុន ។ មាន​ពាក្យ​បុរាណ​ចិន​មួយ​ឃ្លា​ពោល​ថា “ការ​ទទួល​ទាន radish ​ក្នុង​រដូវរងា និង​ខ្ញី​ក្នុង​រដូវ​ក្ដៅ អាច​ធានា​បាន​នូវ​សុខភាព​ពេញ​មួយ​ឆ្នាំ”។

៥ នំប៉ាវតូចស្រដៀងគាវដែរ (Wonton)

Wonton គឺ​ជា​ប្រភេទ​នំប៉ាវមួយប្រភេទ ដែលត្រូវបានរកឃើញជាទូទៅ នៅ ក្នុងម្ហូបចិនមួយចំនួន។ គ្រឿងផ្សំ​មាន​សាច់ជ្រូក​ជាមួយ​អំបិល ខ្ទឹម ឬខ្ទឹមបារាំងបៃតងហាន់ល្អិតៗច្របល់បញ្ចូលគ្នាបាន​ជា​ល្បាយ។ នំប៉ាវតូចៗស្រដៀងគាវចំហុយឬចៀន ហើយហូបក្នុងពិធីបុណ្យប្រពៃណីធំៗ មិនដែលអាក់ខានឡើយ។ ដោយគេជឿថា វានឹងនាំរឿងល្អៗ ភាពរុងរឿង និងសុភមង្គលពេញលេញក្នុងគ្រួសារ។

៦ សាច់ចៀម (Mutton)

តាមជំនឿចិន​តែង​ជឿជាក់​ថា ​សាច់ចៀម​មាន​រសជាតិ​ផ្អែម និង​មាន​លក្ខណៈ​កក់ក្ដៅ ដែល​អាចចូលទៅ ​ចិញ្ចឹម​ក្រលៀន និង​ឈាមឲ្យមានសុខភាពល្អ កាលបើបានបរិភោគរួចហើយ។ កាឡូរីនៅ ក្នុងសាច់ចៀម គឺខ្ពស់​ជាងសាច់គោ ជាតិដែកនៃសាច់ចៀម​គឺច្រើនជាងសាច់ជ្រូកប្រាំ​មួយ​ដង។

បន្ថែមពីនេះ អាហារខាងលើ សុទ្ធតែជាម្ហូបប្រពៃណីជនជាតិចិន មិនដែលចោល និងតែងប្រារព្ធធ្វើជារៀងរាល់ឆ្នាំ ឲ្យតែមានពិធីបុណ្យជាតិធំៗ នៅ ក្នុងប្រទេស៕

គ្រូ ណុប

ចុចអាន៖អត្ថន័យនៃពិធីបុណ្យសែននំអ៊ី សម្រាប់កូនខ្មែរជាប់សែស្រឡាយ ចិន គួរដឹង

ចុចអាន៖មកដឹងពីម្ហូបប្រពៃណីចិនល្បីៗ សូម្បីបរទេសក៏ស្ងើចសរសើរថាឆ្ងាញ់និងប្លែកពីប្រទេសផ្សេង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

ទូតបារាំងថា ការងារសិទ្ធិមនុស្ស ពាក់ព័ន្ធជាអន្តរវិស័យ ពុំមានភាពងាយស្រួលទេ

ព័ត៌មានជាតិ៨ នាទី មុន

ទីភ្នាក់ងារកយការ និងក្រសួងសុខាភិបាល​ ប្រារព្ធពិធីបញ្ចុះបឋមសិលាអគារសម្ភព និង ថែទាំទារកនៃគម្រោងពង្រឹងសុខភាពមាតា និងទារកនៅភូមិភាគឥ្ឍសាននៃប្រទេសកម្ពុជា

ព័ត៌មានអន្ដរជាតិ៣៥ នាទី មុន

ទៀតហើយ! ជប៉ុន ជួបគ្រោះរញ្ជួយដីខ្លាំងក្លាកម្រិត ៦.៦ រ៉ិចទ័រ

ព័ត៌មានអន្ដរជាតិ១ ម៉ោង មុន

អ៊ុយក្រែន ធ្វើសមយុទ្ធយោធានៅក្បែរ តំបន់ គ្រីមៀ ខណៈភាពតានតឹងកាន់តែខ្លាំងជាមួយ រុស្ស៊ី

សុខភាព២ ម៉ោង មុន

ឆ្លងវីរុសកូវីដ-១៩ អាចបណ្ដាលឲ្យស្ត្រីពពោះ រលូតកូនឬអត់?​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

Sokha Hotels

ព័ត៌មានពេញនិយម

Helistar Cambodia - Helicopter Charter Services