វប្បធម៌ ជំនឿ
៥ យ៉ាងលើផ្ទៃមុខស្រ្តី ទេវតាចារជាមនុស្សសំណាងបំផុត
ថ្វីត្បិតតែរូបរាង ភ្នែក ច្រមុះ មាត់ របស់មនុស្សម្នាក់ៗ ភាគច្រើនអាស្រ័យទៅលើកត្តាហ្សែនពីឪពុកម្តាយក៏ដោយ ប៉ុន្តែក្បួនតម្រាបានចែងនូវចំណុចពិសេសមួយចំនួននៅលើផ្ទៃមុខរបស់មនុស្សស្រី ដែលជាសញ្ញាប្រាប់ពីចរិតលក្ខណៈ និងវាសនាអនាគតរបស់ពួកគេផងដែរ។
ស្ត្រីដែលមាន ៥ យ៉ាងដូចខាងក្រោមនៅលើផ្ទៃមុខ តាមជំនឿគេចាត់ទុកជាប្រភេទមនុស្សដែលមានសម្រស់ស្រស់ស្អាត ទោះទៅណាមកណា តែងមានការស្រឡាញ់រាប់អាន និងរស់នៅប្រកបដោយសេចក្តីសុខពេញបរិបូរណ៍។
១. ទម្រង់មុខពេញ
តាមនរវិទ្យា ស្ត្រីដែលមានទម្រង់មុខពេញ ត្រូវបានគេចាត់ទុកជាមនុស្សឆ្លាត មានទេពកោសល្យ និងប្រកបដោយពរពីទេវតា។ ផ្ទៃមុខនេះក៏ត្រូវបានគេចាត់ទុកជានិមិត្តរូបឲ្យសំណាង ដែលអាចនាំរបស់ល្អៗជាច្រើនដល់សាមីខ្លួន។
ជាពិសេស នារីដែលមានផ្ទៃមុខពេញ ភាគច្រើនតែងមានភាពអត់ធ្មត់ខ្ពស់ ចិត្តល្អ និងងាយចុះសម្រុងជាមួយមនុស្សជុំវិញខ្លួន។ មិនថាទៅទីណា ពួកគេត្រូវបានអ្នកដទៃស្រឡាញ់ ជឿជាក់ និងត្រៀមខ្លួនដើម្បីជួយជានិច្ច។ អនាគតទៅ ទោះជួបការលំបាកខ្លះ ក៏មានអ្នកខ្ពង់ខ្ពស់ ព្រមជួយ ហើយជោគវាសនានឹងជួបភាពរីករាយជានិច្ច។
២. ចិញ្ចើមស្លឹកស្វាយ
មនុស្សស្រីដែលមានចិញ្ចើមស្លឹកស្វាយ គឺចិញ្ចើមរាងកោងបន្តិច វែង និងស្តើង។ ភាគច្រើននៃស្ត្រីដែលមានរោមចិញ្ចើមបែបនេះ ជាធម្មតាជាមនុស្សពូកែសម្ដី និយាយគួរសម និងសុភាពរាបសារ។
ជាពិសេស នរវិទ្យាជឿថា រោមចិញ្ចើមស្លឹកស្វាយក៏ជាចរិតមួយជួយនាំទ្រព្យសម្បត្តិមកស្ត្រីដែរ ដូច្នេះអ្នកណាដែលមានរោមចិញ្ចើនេះ រមែងមានសំណាងល្អក្នុងជីវិត។ មិនតែប៉ុណ្ណោះបន្ទាប់ពីរៀបការរួច ជីវិតរបស់ពួកគេគឺពោរពេញដោយសុភមង្គល។
៣. ខ្ទង់ច្រមុះត្រង់ និងពេញល្អ
ស្ត្រីរូបណាដែលមានច្រមុះត្រង់ និងពេញល្អ ជាប្រភេទមនុស្សស្លូតត្រង់ ពួកគេរឹងមាំខ្លាំង ថែមទាំងពោរពេញដោយថាមពលវិជ្ជមានពីខាងក្នុងមក។ មិនថាស្ថិតក្នុងកាលៈទេសៈណាក៏ដោយ ពួកគេឆាប់ទទួលបានជោគជ័យ ពីព្រោះពួកគេកើតមកមានឆន្ទៈមោះមុត និងភាពធន់ក្នុងការងារ។
ម្យ៉ាងវិញទៀត នារីដែលមានច្រមុះខ្ទង់ត្រង់ គឺជាបុគ្គលដែលមានមុខប្រៀបបាននឹង «ទេពធីតា» ទាំងរូបស្អាត ទាំងសម្រស់ ទាំងជោគវាសនា ក៏មានរាសីខ្ពស់ត្រដែត។ ដោយសារមានគុណសម្បត្តិច្រើនយ៉ាងពីកំណើត ស្ត្រីដែលមានច្រមុះបែបនេះច្រើនតែទទួលបានស្វាមីល្អ កេរ្តិ៍ឈ្មោះប្រពៃ មានអាជីពរីកចម្រើន ឯជីវិតគ្រួសារក៏សម្បូរហូរហៀរ។
៤. ធ្មេញស បបូរមាត់ពណ៌ផ្កាឈូក
ធ្មេញស បបូរមាត់ពណ៌ផ្កាឈូក ជាពិសេសមាត់ទូលាយបន្តិច ត្រូវបានគេចាត់ទុកថាជាលក្ខណៈពិសេសសម្រាប់មនុស្សស្រី។ នាងនឹងមានសំណាងល្អទាំងក្នុងការងារ និងជីវិត។
លើសពីនេះ មាត់ធំទូលាយក៏ត្រូវបានតំណាងឱ្យទ្រព្យសម្បត្តិផងដែរ។ ស្ត្រីដែលមានមាត់ស្អាត បបូរមាត់កាន់តែភ្លឺ កាន់តែមានភាពរុងរឿងក្នុងឆាកជីវិត។ នាងតែងតែជ្រើសរើសដៃគូជីវិតដែលខ្លួនចង់បាន លុះរៀបការរួច លុយកាក់ នឹងកើនឡើងមិនឈប់។
៥. ថ្ងាសខ្ពស់
យោងទៅតាមរឿងព្រេង ថ្ងាសជាទីតាំងតំណាងឱ្យភាពរហ័សរហួន ទេពកោសល្យ និងភាពវៃឆ្លាតរបស់មនុស្ស។ ដូច្នេះហើយ ភាគច្រើននៃអ្នកជោគជ័យក្នុងជីវិត មិនថាឈ្មួញ ឬអ្នកមានៗ ជាធម្មតា គឺជាអ្នកដែលមានថ្ងាសខ្ពស់។
ចំពោះស្ត្រីវិញ គេជឿថា ប្រសិនបើនាងមានថ្ងាសខ្ពស់ នឹងមានជីវិតរស់នៅយ៉ាងប្រណីត។ មនុស្សស្រីដែលមានចំណុចនេះ ទោះជាជីវិតជួបការលំបាកពេលនៅក្មេងក៏ដោយ ប៉ុន្តែអាយុជ្រេបន្តិច អ្វីៗនឹងកាន់តែរលូន ហើយជីវិតក្រោយរៀបការ នឹងរស់នៅស្រណុក។
យ៉ាងណាមិញ ការទស្សន៍ទាយតាមក្បួនតម្រា មិនអាចត្រូវប៉ាច់ ១០០%ឡើយ ព្រោះថា បុគ្គលិកលក្ខណៈ សំណាង អាស្រ័យលើកត្តាផ្សេងៗជាច្រើន ហើយជាការពិតណាស់ មិនមែនស្ត្រីទាំងអស់ដែលមានបុគ្គលិកលក្ខណៈទាំងនេះ សុទ្ធសឹងជោគជ័យក្នុងជីវិតគ្រប់គ្នានោះទេ៕
អត្ថបទ៖ សន្យា
ចុចអាន៖ ទម្រង់ច្រមុះ ៣ប្រភេទ ចាស់ពីដើមចាត់ទុកជាមនុស្សមានបុណ្យវាសនាល្អ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ