អ្វីគួរ​ដាក់​ និងមិនគួរដាក់ក្នុងកាបូបលុយ ដើម្បី​បញ្ចៀសស៊យ

វត្ថុដែលដាក់តាមកាបូបលុយរបស់អ្នក មិនមែនគ្រាន់ដាក់ដើម្បីឱ្យតែពេញកាបូប ឬឱ្យល្អមើលនោះទេ។ ចំណែកលុយទៀតសោត ក៏មិនមែនចេះតែដាក់ ឱ្យតែស្រួលដកចាយដែរ។ តាមក្បួនហុងស៊ុយ ការដាក់វត្ថុឬក្រដាសប្រាក់តាមកាបូប ពិតជាអាចនាំសំណាង និងអាចចៀសពីគ្រោះបាត់បង់ទ្រព្យបានពិតប្រាកដមែន។

ខាងក្រោមជាអ្វីដែលអ្នកគួរដឹង​ពីការទុកដាក់របស់របរ​ក្នុងកាបូបលុយ៖

១. ក្រដាសប្រាក់

ក្រដាសប្រាក់ដែលបានពីអាំងប៉ាវ ឬអំណោយ សុទ្ធតែជាប្រាក់ហៅប្រាក់ ឱ្យរត់មកនៅក្នុងកាបូបណែនៗ។ ដូច្នេះហើយប្រាក់អាំងប៉ាវ ឬក្រដាសប្រាក់មានលេខចុងក្រោយជាលេខគូ ឬលេខដែលដូចនឹងថ្ងៃខែឆ្នាំកំណើតរបស់អ្នក គួរមាននៅកាបូប កុំបីខាន ដើម្បីទាក់ទាញសំណាងខាងលុយកាក់ឱ្យកើតមានជានិច្ច។  

២. កាក់

ចូរដាក់កាក់ក្នុងកាបូប កុំខានឱ្យសោះ មិនថាកាក់ចាស់ឬថ្មី តិចឬច្រើន សុទ្ធតែហុងស៊ុយនាំទ្រព្យសម្បត្តិ និងលាភសំណាង ជួយឱ្យលុយហូរចូលឥតឈប់។

៣. រូបថតគ្រួសារ ឬរូបថតឪពុកម្តាយ

ដាក់រូបថតឪពុកម្តាយនៅក្នុងកាបូប ​ជា​ជំនឿ​មួយ​ដែល​​អាច​ការពារ​សំណាងរបស់អ្នកឱ្យតាមជាប់ខ្លួនជានិច្ច។ គេជឿទៀតថា រូប​ថតឪពុក​ម្តាយ​ខ្ញុំ ជួយឱ្យម្ចាស់កាបូបទទួលបាននូវជីវិតមានស្ថេរភាព ជាមួយអ្នកជុំវិញខ្លួន និងជាមហាសំណាងដល់ការរកស៊ីតូចធំ។

៤. រូបព្រះពុទ្ធ

ព្រះពុទ្ធជាទីគោរព ចូរដាក់តាម​កាបូបជានិច្ច ​ព្រោះមិនត្រឹមតែការពារសំណាងអាក្រក់ តែគេជឿថា អាចជួយឱ្យរបររកស៊ីដើរដោយរលូនទៀតផង។

​ត្រណម៖ របស់ដែលមិនគួរដាក់ក្នុងកាបូបរួមមាន សន្លឹកបៀ បង្កាន់ដៃ កាតសមាជិកដែលផុតកំណត់ សំបកស្ករគ្រាប់ ឬកំទេចកំទីផ្សេងទៀត។ ​វត្ថុទាំងនេះជាវត្ថុ​នាំសំណាង​មិន​ល្អ ធ្វើឱ្យកាបូបបាត់បង់ប្រាក់ចំណូល។ ដូច្នេះ ចូរវាយកចេញ ដើម្បីបញ្ចៀសស៊យទាំងឡាយទាំងពួង៕

អត្ថបទ៖ សន្យា

ចុចអាន៖ ត្រណម ៧យ៉ាងជាមួយកាបូបលុយ ដើម្បីរក្សាទ្រព្យឱ្យគង់ និងការពារប្រាក់កុំឱ្យហូរចេញ

ចុចអាន៖ ពណ៌កាបូប ៥ នេះ ជាហុងស៊ុយទាក់ទាញលុយណែនៗ ជាពិសេសបង្កើនកិត្យានុភាព​ខ្លាំងក្លា