វប្បធម៌ ជំនឿ

សុបិនឃើញពស់ស អាជីវកម្មរីកចម្រើន ឬឡើងតួនាទីឋានៈ

បានផុស

៣ years មុន

នៅ

ថ្ងៃចន្ទ ២១ មីនា ២០២២

ដោយ

ពណ៌សគឺជានិមិត្តសញ្ញានៃភាពបរិសុទ្ធ ហើយក្ដីសុបិនអំពីពស់ពណ៌ស ខុសឆ្ងាយពីពណ៌ខៀវ ព្រោះគឺជាសញ្ញាមួយប្រាប់មុនថា ដែលម្ចាស់សុបិនកំពុងផ្លាស់ប្ដូរខ្លួនឯង ទៅជាមនុស្សក្នុងទម្រង់ថ្មី ចិត្តល្អបរិសុទ្ធ ស្ងប់ស្ងាត់ កាន់តែឆ្លាតវៃ និងមានភាពវិជ្ជមាន។

នៅប្រទេសខ្លះ សុបិនសត្វពស់ស ជាសញ្ញា ភ្ញាក់ឡើងខាងវិញ្ញាណ ម្ចាស់សុបិនស្ថិតក្នុងដំណើរការនៃការត្រាស់ដឹងឬមានគតិឡើងវិញពីស្ត្រេសឬជំងឺ ឬវិបត្តិទាំងអស់។ តាមរយៈសុបិននេះគឺព្រះ ឬព្រលឹងរបស់សក្ដិសិទ្ធិកំពុងព្យាយាមប្រាប់អ្នកថា អ្នកមិនបាច់ភ័យព្រួយពីអនាគតទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ សុបិនពស់សចូលមាត់ ឬអវៈយវៈភេទជាប្រផ្នូលសំណាងធំ

យោងតាមវប្បធម៌ និងទំនៀមទម្លាប់មួយចំនួន ការសុបិនឃើញពស់សចូលតំបន់ដូចដែលបានអះអាងទាំងនេះ គឺជាសញ្ញានៃសំណាងធំនាពេលខាងមុខ ដែលជាជោគថ្មីជះឥទ្ធិពលយ៉ាងខ្លាំងដល់ជីវិតរបស់អ្នកទាំងស្រុង។

មនុស្សជាច្រើនបានអះអាងថា គេសុបិនឃើញពស់សមួយក្បាលមុនពេលឈ្នះឆ្នោត ឬបានលុយរង្វាន់ជាចំនួនច្រើន។ ប្រសិនបើអ្នកមានជំងឺរ៉ាំរ៉ៃធ្ងន់ សុបិននេះគឺជាសញ្ញាមួយ នឹងសះស្បើយមានសុខភាពល្អឡើងវិញឆាប់ៗនេះ។

ប្រសិនបើអ្នកមានផ្ទៃពោះ នោះពស់ពណ៌សតំណាងឲ្យទារកដ៏ស្រស់ស្អាត និងធំឡើងមានមន្តស្នេហ៍ មានអនាគតល្អមន្ត្រីឬជំទាវ។

២ ឃើញពស់សពីចម្ងាយ ជាការចាប់ផ្ដើមវិជ្ជមានថ្មីនៃជីវិត

ពស់អាចសកស្រការបស់វា ដូចគ្នានឹងយើង អាចទុកអតីតកាលចោល ដើម្បីចាប់ផ្ដើមជីវិតថ្មី។ ដោយសារពណ៌មានពណ៌ស ផងជានិមិត្តសញ្ញានៃភាពវិជ្ជមាន។ ការមានសុបិនបែបនេះគឺជាការបង្ហាញពីការចាប់ផ្ដើមវិជ្ជមានថ្មី ចាប់ផ្ដើមជីវិតថ្មី ដែលនឹងផ្តល់ ការងារថ្មី អាជីវកម្ម ជីវិតរៀបការ ឬរឿងសំខាន់ៗផ្សេងទៀត ដែលអាចជះឥទ្ធិពលយ៉ាងខ្លាំងដល់ជីវិតរបស់អ្នកឲ្យក្លាយជាមានសេចក្តីសុខ។

៣ មានកិច្ចការពារពីព្រះ

មនុស្សជាច្រើនបានអះអាងថា សុបិនឃើញសត្វពស់ពណ៌ស បានន័យថា មានវត្ថុសក្ដិសិទ្ធិកំពុងការពារម្ចាស់សុបិនពីអ្វីដែលគ្រោះថ្នាក់។ ព្រះផ្ទាល់កំពុងការពារអ្នក ពីមនុស្សអវិជ្ជមាន និងអារក្សដែលចង់មកយាយី ។

៤ សម្លាប់ពស់សក្នុងសុបិន

ការសម្លាប់ពស់សក្នុងសុបិន គឺជាសញ្ញានៃទ្រព្យសម្បត្តិ និងសុខភាពនាពេលខាងមុខ។ ជាសញ្ញាមួយដែលថាស្ថានភាពសេដ្ឋកិច្ចរបស់អ្នកនឹងប្រសើរឡើងក្នុងពេលឆាប់ៗ អាចជាអាជីវកម្ម រីកចម្រើន ឬអ្នកនឹងទទួលបានប្រាក់ខែ ឬអាចឈ្នះឆ្នោត៕

គ្រូ ឯម

ចុចអាន៖សុបិនឃើញម៉ូតូ ការងាររីកចម្រើនដ៏រឹងមាំ

ចុចអាន៖ខ្លែង ក្នុងសុបិន ទាក់ទងនឹងអាជីពការងារបច្ចុប្បន្ននេះ