វប្បធម៌ ជំនឿ
មន្ត្រីជាន់ខ្ពស់ កោតសរសើរសមាគមសិល្បៈវប្បធម៌ខ្មែរ នៅប្រទេសបារាំង
លោកស្រី ម៉ិញ កុសនី រដ្ឋលេខាធិការ និងជាតំណាង លោកស្រីបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ កោតសរសើរ និងវាយតម្លៃខ្ពស់ចំពោះកិច្ចខិតខំរបស់សមាគមសិល្បៈវប្បធម៌ខ្មែរនៅប្រទេសបារាំង។
នៅក្នុងពិធីបើកព្រឹត្តិការណ៍ “សិល្បៈខ្មែរ” ប្រារព្ធសាលសន្និសីទចតុម្មុខ នាយប់ថ្ងៃទី១៥ ខែសីហា ឆ្នាំ២០២២នេះ លោកស្រី ម៉ិញ កុសនី មានប្រសាសន៍ថា លោកស្រីពិតជាមានសេចក្តីរីករាយ ដែលបានមកចូលរួមក្នុងព្រឹត្តិការណ៍ “សិល្បៈខ្មែរ” ដែលរៀបចំឡើងក្រោមកិច្ចសហការរវាងក្រសួងវប្បធម៌ និងវិចិត្រសិល្បៈ និងសមាគមសិល្បៈវប្បធម៌ខ្មែរនៅប្រទេសបារាំង។ លោកស្រីសូមកោតសរសើរ និងវាយតម្លៃខ្ពស់ចំពោះកិច្ចខិតខំរបស់សមាគមសិល្បៈវប្បធម៌ខ្មែរនៅប្រទេសបារាំង ដែលតែងតែចូលរួមចំណែកផ្សារភ្ជាប់ទំនាក់ទំនងដ៏ល្អជាមួយក្រសួងប្បធម៌ និងវិចិត្រសិល្បៈ ក្នុងការលើកកម្ពស់ និងលើកតម្កើងសិល្បៈវប្បធម៌ជាតិ។
លោកស្រី ម៉ិញ កុសនី មានប្រសាសន៍បន្តថា៖ “តាមរយៈរបាយការណ៍របស់លោកស្រី នីកូឡា ម៉ាទីន ប្រធានសមាគមសិល្បៈវប្បធម៌ខ្មែរ និងលោកស្រី ម៉េឡានី វង្ស ប្រធានប្រតិភូ ខ្ញុំពិតជារីករាយដែលសមាគម បានសហការជាមួយក្រសួងវប្បធម៌ និងវិចិត្រសិល្បៈ រៀបចំព្រឹត្តិការណ៍ដ៏មានសារប្រយោជន៍នេះឡើង ក្នុងគោលបំណងថែរក្សា ការពារ និងអភិរក្សបេតិកភណ្ឌ វប្បធម៌ជាតិឱ្យបានគង់វង្ស តាមរយៈការបណ្ដុះបណ្ដាលផ្នែកសិល្បៈរបាំបុរាណដល់កូនខ្មែរដែលរស់នៅប្រទេសបារាំង ស្របតាមគោលនយោបាយជាតិស្ដីពី វិស័យវប្បធម៌ គឺការលើកស្ទួយ និងជំរុញឧស្សាហកម្មវប្បធម៌ ជំរុញឱ្យមានការផ្ទេរចំណេះដឹង ជំនាញ ទេពកោសល្យប្រពៃណីទៅយុវជនជំនាន់ក្រោយ”។
រដ្ឋលេខាធិការ ក្រសួងវប្បធម៌ និងវិចិត្រសិល្បៈ រូបនេះ លើកឡើងថា ការបំពេញទស្សនកិច្ចមនុស្សធម៌របស់សមាគម នាឱកាសនេះ មិនត្រឹមតែជាការចូលរួមថែរក្សាវប្បធម៌របស់ជាតិទេ គឺជាឱកាសរបស់ក្មួយៗ សិល្បករនៅប្រទេសបារាំង បានរៀនសូត្រពីព្រឹទ្ធាចារ្យ សាស្ត្រាចារ្យ និងលោកគ្រូ អ្នកគ្រូ ដែលមានបទពិសោធន៍ជាច្រើនឆ្នាំផ្នែករបាំព្រះរាជទ្រព្យ ព្រមទាំងបានសិក្សាស្វែងយល់ពីសិល្បៈដ៏មានតម្លៃរបស់ដូនតា និងជំរុញលើកទឹកចិត្តប្រជាជនខ្មែរនៅក្រៅប្រទេសឱ្យជួយថែរក្សាសិល្បៈវប្បធម៌ជាតិ ក៏ដូចជាជួយផ្សព្វផ្សាយសិល្បៈដ៏ផូរផង់របស់ជាតិឱ្យបានទូលំទូលាយទៅលើឆាកជាតិ និងអន្តរជាតិ។
លោកស្រី ម៉ិញ កុសនី មានប្រសាសន៍បន្ថែមថា៖ “ក្នុងនាមក្រសួងវប្បធម៌ និងវិចិត្រសិល្បៈ ខ្ញុំសូមស្វាគមន៍ចំពោះ អង្គការ សមាគម ដែលធ្វើការងារពាក់ព័ន្ធនឹងសិល្បៈវប្បធម៌ខ្មែរនៅបណ្ដាប្រទេសផ្សេងៗ ដូចជា សហរដ្ឋអាមេរិក កាណាដា អូស្ត្រាលី ជាដើម ប្រសិនជាមានគោលបំណងក្នុងការចូលរួមលើកស្ទួយ និងផ្សព្វផ្សាយសិល្បៈវប្បធម៌”។
គួរបញ្ជាក់ថា ព្រឹត្តិការណ៍ “សិល្បៈខ្មែរ” មានការសម្ដែងរួមគ្នារវាងសិល្បករ សិល្បការិនីពីក្រសួងវប្បធម៌ និងវិចិត្រសិល្បៈ និងសមាគមសិល្បៈវប្បធម៌ខ្មែរនៅប្រទេសបារាំង នូវទម្រាំងរបាំក្បាច់បុរាណ របាំប្រពៃណី ល្ខោនខោល សៀក របាំសហសម័យ និងតន្ត្រីសម័យជាដើម ដោយមានទស្សនិកជនទស្សនាលើសចំនួនកៅអី នៃសាលសន្និសីទចតុម្មុខ៕
អត្ថបទ៖ ច័ន្ទ វីរៈ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ