Connect with us

វប្បធម៌ ជំនឿ

សុបិនឃើញ “នាគ” អ្នកនឹងទទួលបានដំណឹងល្អ ក្នុងជីវិតពិត

បានផុស

នៅ

ខ្មែរយើងមានជំនឿលើសត្វនាគ តាំងពីយូរលង់ណាស់មកហើយ។ នាគមិនត្រឹមតែលេចឡើង​ក្នុង​ប្រវត្តិសាស្ត្រ និង​រឿងព្រេង​បុរាណប៉ុណ្ណោះទេ ប៉ុន្តែវាក៏ផ្សារភ្ជាប់មុតជ្រៅទៅក្នុងអប្បិយជំនឿផងដែរ ដែលក្នុងនោះមានជំនឿទាក់ទិននឹងសុបិន។ ជាទូទៅ គេជឿថា សុបិនឃើញសត្វនាគ គឺជានិមិត្តរូបនៃសំណាង និងការមានកូនចៅ។ ទោះយ៉ាងណា សុបិនអំពីសត្វនាគ មានរូបភាពខុសៗគ្នា និងការបកស្រាយអត្ថន័យផ្សេងគ្នា ទៅតាមទិដ្ឋភាពដែលម្ចាស់ខ្លួនបានឃើញដូចជា៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុបិនឃើញនាគធំសម្បើម

វាជាសុបិនល្អ! ក្នុងអំឡុងពេលនេះអ្នកនឹងទទួលបានការឧបត្ថម្ភពីមនុស្សពេញវ័យ រួមទាំងត្រូវបានទាក់ទងដោយសាច់ញាតិមកពីឆ្ងាយ ឬទទួលបានឱកាសធ្វើការជាមួយជនបរទេស។

សុបិនឃើញនាគវារមករក

អ្នក​នឹងទទួល​បាន​លុយកាក់ ឬ​មាន​លាភ​សក្ការៈ​ពី​ការ​ផ្សងសំណាង។ ចំណែក​ការងារ​វិញ ​ត្រូវ​បាន​​ថ្នាក់លើ​ជួយ​ជ្រោមជ្រែង និងផ្ដល់ក្ដីមេត្តា គួរជាទីកក់ក្ដៅ។

សុបិនឃើញនាគក្បាល២ ឬនាគ២ក្បាល

ទាយថា ​​អ្នកនឹង​ទទួល​​បានលាភ​សំណាង​ផ្នែកហិរញ្ញវត្ថុ។ បញ្ហា​ដែល​ធ្លាប់​កើត​មាន​ក្នុង​ផ្ទះ​នឹង​ធូរស្រាល​បន្តិច​ម្តងៗ​ ជាពិសេសគ្រួសាររស់នៅជួបតែ​សេចក្តីសុខ​គ្រប់ប្រការ។

សុបិនឃើញនាគក្បាល៣ ​ឬនាគ៣ក្បាល

បកស្រាយសុបិន្តថា អ្នកនឹងទទួលបានវត្ថុមានតម្លៃ ឬទ្រព្យសម្បត្តិដែលពេញចិត្ត​ពីមនុស្សក្បែរខ្លួន។

សុបិនឃើញនាគក្បាល៩ ឬនាគ៩ក្បាល

ចូរប្រយ័ត្ននឹងបញ្ហាសុខភាពក្នុងគ្រួសារ និងត្រូវ​ប្រយ័ត្នខ្ពស់ចំពោះ​មនុស្ស​ចម្លែក ឬមនុស្សដែលមិនស្និទ្ធស្នាល ព្រោះពួកគេនឹង​នាំ​បញ្ហាក្រពុលមុខមកឱ្យអ្នក។

សុបិនឃើញនាគក្បាលច្រើន ឬច្រើនក្បាល

ក្នុងអំឡុងពេលនេះ ត្រូវតែប្រយ័ត្នលើទង្វើរបស់ខ្លួន រួមទាំងពាក្យសម្ដីនិយាយស្ដីផងដែរ ដោយហេតុថាវា​អាច​​បញ្ហា​លំបាក​​ ប៉ះពាល់ដល់ខ្លួនអ្នកផ្ទាល់ និងសមាជិកគ្រួសាររបស់អ្នក។

សុបិនឃើញនាគមាស

វាជាសញ្ញាល្អចំពោះ​អ្នក​នៅ​លីវ ព្រោះ​អ្នកនឹង​ជួប​មនុស្ស​ត្រូវចិត្ត​ក្នុងពេលឆាប់ៗ។ សម្រាប់អ្នកកំពុងមានរឿងក្ដីក្ដាំ អ្នកនឹង​ឈ្នះ​​បណ្ដឹង ចំណែកអ្នកឈឺនឹង​បាន​ជា​សះស្បើយ​ពី​ជំងឺ​ដែលកំពុងមាន។

សុបិនឃើញតែក្បាលនាគ

ចូរប្រយ័ត្នជាមួយសមាជិកគ្រួសារខ្លួនឯង ដោយសារនរណាម្នាក់ក្នុងផ្ទះនឹងនាំបញ្ហាមកឱ្យជួយដោះស្រាយយ៉ាងស្មុគស្មាញ។

សុបិនឃើញរូបចម្លាក់នាគ

សុបិននេះពុំសូវល្អទេ វាជាសញ្ញាព្រមាន! ​ចូរប្រយ័ត្ននឹងការចាយវាលុយកាក់ឱ្យបានល្អិតល្អន់ ពុំនោះទេអ្នកនឹងក្លាយជាមនុស្សបំផ្លាញទ្រព្យក្នុងផ្ទះ ដោយត្រៀមខ្លួនមិនទាន់។

សុបិនឃើញនាគចូលផ្ទះ

សុបិននេះបកស្រាយថា អ្នកដែលប្រាថ្នាចង់បានកូននឹងបានសម្រេច ហើយជាកូននាំលាភដល់គ្រួសារទៀត។

សុបិន​ឃើញ​នាគ​នៅក្នុង​​ទឹក

សុបិនដែលនាំសំណាងល្អដល់ទាំងម្ចាស់ខ្លួន និងសមាជិកគ្រួសារ។ បញ្ហា ទុក្ខព្រួយ ការលំបាក ចាប់ផ្ដើមរសាយ ហើយជំនួសវិញតែសុភមង្គលពេញពោរ។

សុបិនឃើញនាគព្រួសទឹក

ជាសុបិនដាស់តឿន! ក្នុងអំឡុងពេលនេះ សំណាងល្អមិនសូវនៅខាងអ្នកទេ ដូច្នេះចូរ​ធ្វើ​បុណ្យ ជួយប្រោសសត្វឱ្យបានច្រើន។

សុបិនឃើញនាគព្រួសភ្លើង

ស្ថានភាពជីវិតពិតរបស់អ្នកពេលនេះ ​អាចជួបរឿងក្ដៅក្រហាយ ឬគ្រោះថ្នាក់ ដោយសារតែមនុស្សជិតស្និទ្ធបំផុត។

សុបិនឃើញនាគនៅក្នុងរូងភ្នំ

ជីវិតអ្នកពេលនេះ ត្រូវតែរស់នៅដោយប្រយ័ត្នប្រយែងជាទីបំផុត ព្រោះគ្រោះថ្នាក់នៅជិតអ្នកបង្កើយ៕

អត្ថបទ៖ សន្យា

ចុចអាន៖ “ដាយណូស័រ” បង្ហាញខ្លួនក្នុងយល់សប្តិ អ្នកនឹងទទួលបានសំណាងផ្ទួនៗ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៣៥ នាទី មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៣៩ នាទី មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ១ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ១ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

ជីវិតកម្សាន្ដ២ ម៉ោង មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

Sokha Hotels

ព័ត៌មានពេញនិយម