វប្បធម៌ ជំនឿ

ក្បួនដាក់កង្កែបប្រាក់នាំសំណាងល្អដល់ក្រុមហ៊ុនឬអាជីវកម្ម

បានផុស

៥ years មុន

នៅ

ថ្ងៃអង្គារ ៥ មករា ២០២១

ដោយ

Sonya

កង្កែបប្រាក់ហុងស៊ុយ ត្រូវបានគេស្គាល់ថាជាកង្កែបដែលមានអង្កាំត្បូងដាំពីលើខ្នង ហើយមានកាក់ប្រាក់ជាច្រើននៅពីក្រោមជើង ឬពាំកាក់ប្រាក់ក្នុងមាត់មួយ និងមានជើងតែបីប៉ុណ្ណោះ។

វាគឺជាសត្វទាក់ទាញទ្រព្យសម្បត្តិ និងភាពបរិបូរណ៍ហូរហៀរ ចូលទៅដល់អ្នកណាដែលដាក់តាំងកង្កែបនៅក្នុងផ្ទះ ឬអាជីវកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កង្កែបប្រាក់អាចដាក់នៅទីតាំងជាច្រើន ប៉ុន្តែក៏មានច្បាប់ទូទៅមួយចំនួន ដើម្បីឲ្យអ្នកដែលបានដាក់តាំងធ្វើតាម ដើម្បីទទួលបានហុងស៊ុយទៅតាមកន្លែងនៃនិមិត្តសញ្ញាខាងវិញ្ញាណរបស់កង្កែប។

ការដាក់ទីតាំងកង្កែបប្រាក់

ជាប្រពៃណីកង្កែបប្រាក់គួរតែដាក់នៅកណ្ដាលផ្ទះ ដែលអាចហៅប្រាក់ចូលមក។ នៅក្នុងហុងស៊ុយពីបុរាណ ទីតាំងនេះគឺជាជ្រុងភាគអាគ្នេយ៍នៃលំហផ្ទះរបស់ម្ចាស់។

ចំណែកនៅក្រុមហ៊ុន កង្កែបប្រាក់គួរដាក់នៅលើតុការិយាល័យ ដែលនៅជិតកន្លែងដែលតែងទុកក្រដាសប្រាក់ ឬនៅផ្លូវចូលនៅលើអង្កត់ទ្រូងពីទ្វារខាងមុខ ប៉ុន្តែហាមដាក់ប្រឈមមុខនឹងទ្វារ ព្រោះអាចនាំឲ្យទ្រព្យសម្បត្តិរបស់យើងចេញបាន។

នេះគឺជារឿងដែលមានសារៈសំខាន់បំផុត សម្រាប់ម្ចាស់ក្រុមហ៊ុន ឬអាជីវកម្មផ្សេងៗ ក្នុងការដាក់កង្កែបប្រាក់ឲ្យត្រូវទីតាំង។ បើយើងដាក់ខុស ការរកស៊ីនិងការងារក៏មិនអំណោយផល ហើយត្រូវប្រឈមមុខនឹងបញ្ហាជានិច្ច។

វិធីសាស្ត្រតាមក្បួនហុងស៊ុយមួយទៀត គឺដាក់កង្កែបប្រាក់ជាក្រុម រឹតតែនាំនៅរឿងល្អៗនិងប្រាក់ចូលមកក្រែលមិនខាន។ ជាពិសេសចាប់ពីកង្កែប ៣ ឡើងទៅ កង្កែប ៩ ដែលតាមជំនឿគេតែងជឿថា នឹងនាំមកនូវទ្រព្យសម្បត្តិច្រើន ជាងកង្កែបតែមួយ។

ប៉ុន្តែកុំឲ្យលើសពី ៩ ឲ្យសោះ ហើយរៀបចំឱ្យក្រុមកង្កែបទាំងនោះ ប្រឈមមុខនឹងទិសដៅផ្សេងៗគ្នា។

កន្លែងគួរចៀសវាងដាក់កង្កែបប្រាក់

ចង់មានប្រាក់ហូរហៀរចូលក្រុមហ៊ុនឬអាជីវកម្មមានភ្ញៀវចូលឥតដាច់ គួរតែគិតពីទីតាំងមុននឹងសម្រេចចិត្តដាក់កង្កែបប្រាក់។