ក្បួនដាក់​កង្កែប​ប្រាក់​​នាំ​សំណាងល្អ​ដល់​ក្រុមហ៊ុន​ឬ​អាជីវកម្ម
Connect with us
Helistar Cambodia - Helicopter Charter Services

ជំនឿ

ក្បួនដាក់​កង្កែប​ប្រាក់​​នាំ​សំណាងល្អ​ដល់​ក្រុមហ៊ុន​ឬ​អាជីវកម្ម

Published

on

កង្កែប​ប្រាក់​ហុងស៊ុយ ​ត្រូវ​បាន​គេ​ស្គាល់​ថា​ជា​កង្កែប​ដែល​មាន​អង្កាំ​ត្បូងដាំ​ពី​លើ​ខ្នង​ ហើយមាន​កាក់​ប្រាក់​ជាច្រើននៅ​ពី​ក្រោម​ជើង ឬពាំកាក់ប្រាក់ក្នុងមាត់មួយ​ និង​មាន​ជើង​តែ​បី​ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វា​គឺ​ជា​សត្វ​ទាក់ទាញ​ទ្រព្យសម្បត្តិ​ និង​ភាព​បរិបូរណ៍​ហូរហៀរ​ ចូល​ទៅ​ដល់​អ្នកណា​ដែល​ដាក់​តាំង​កង្កែប​នៅ​ក្នុង​ផ្ទះ​ ឬ​អាជីវកម្ម។

កង្កែប​ប្រាក់​អាច​ដាក់​នៅ​ទីតាំង​ជា​ច្រើន ​ប៉ុន្តែ​ក៏​មាន​ច្បាប់​ទូទៅ​មួយ​ចំនួន ​ដើម្បី​ឲ្យ​អ្នក​ដែល​បាន​ដាក់​តាំង​ធ្វើតាម​ ដើម្បី​ទទួល​បាន​ហុងស៊ុយ​ទៅ​តាម​កន្លែង​នៃ​និមិត្ត​សញ្ញា​ខាង​វិញ្ញាណរបស់​កង្កែប។

ការ​ដាក់​ទីតាំង​កង្កែប​ប្រាក់

ជា​ប្រពៃណី​កង្កែប​ប្រាក់​គួរ​តែ​ដាក់​នៅ​កណ្ដាល​ផ្ទះ​ ដែល​អាច​ហៅ​ប្រាក់​ចូល​មក។ នៅ​ក្នុង​ហុងស៊ុយ​ពី​​បុរាណ ​ទីតាំង​នេះ​គឺ​ជា​ជ្រុង​ភាគ​អាគ្នេយ៍​នៃ​លំហ​ផ្ទះ​របស់​ម្ចាស់។

ចំណែក​នៅ​ក្រុមហ៊ុន ​កង្កែប​ប្រាក់​គួរ​ដាក់​នៅ​លើ​តុ​ការិយាល័យ ​ដែល​នៅ​ជិត​កន្លែង​ដែល​​តែង​ទុក​ក្រដាស​ប្រាក់​ ឬ​នៅ​ផ្លូវ​ចូល​នៅ​លើ​អង្កត់ទ្រូង​ពី​ទ្វារ​ខាងមុខ​ ប៉ុន្តែ​ហាម​​ដាក់​ប្រឈមមុខ​នឹង​ទ្វារ​​ ព្រោះ​អាច​នាំ​ឲ្យ​ទ្រព្យសម្បត្តិ​របស់​យើង​ចេញ​បាន។

នេះ​គឺជា​រឿង​ដែលមានសារៈសំខាន់​បំផុត​ សម្រាប់​ម្ចាស់​ក្រុមហ៊ុន ​ឬ​អាជីវកម្ម​ផ្សេងៗ ​ក្នុង​ការ​ដាក់​កង្កែប​ប្រាក់​ឲ្យ​ត្រូវ​ទីតាំង​។ បើ​យើង​ដាក់​ខុស ​ការ​រកស៊ី​និង​ការងារ​ក៏​មិន​អំណោយផល​ ហើយ​ត្រូវ​ប្រឈម​មុខនឹង​បញ្ហា​ជានិច្ច។

វិធីសាស្ត្រ​តាម​ក្បួន​ហុងស៊ុយ​មួយ​ទៀត ​គឺ​ដាក់​កង្កែប​ប្រាក់​ជា​ក្រុម ​រឹត​តែ​នាំ​នៅ​រឿង​ល្អៗ​និង​ប្រាក់​ចូល​មក​ក្រែល​មិនខាន។ ជា​ពិសេស​ចាប់ពី​កង្កែប ៣ ឡើងទៅ ​កង្កែប ៩ ដែល​តាម​ជំនឿ​គេ​តែង​ជឿ​ថា ​នឹង​នាំ​មក​នូវ​ទ្រព្យសម្បត្តិ​ច្រើន ​ជាង​កង្កែប​តែ​មួយ។

ប៉ុន្តែ​កុំ​ឲ្យ​លើស​ពី ៩ ឲ្យសោះ​ ហើយ​រៀបចំ​ឱ្យ​ក្រុម​កង្កែប​ទាំងនោះ ​ប្រឈមមុខ​នឹង​ទិសដៅ​ផ្សេងៗ​គ្នា។

កន្លែង​គួរ​ចៀសវាង​ដាក់​កង្កែប​ប្រាក់

ចង់​មាន​ប្រាក់​ហូរហៀរ​ចូល​ក្រុមហ៊ុន​ឬ​អាជីវកម្ម​មាន​ភ្ញៀវ​ចូល​ឥត​ដាច់ ​គួរ​តែ​គិត​ពី​​ទីតាំង​មុន​នឹង​សម្រេច​ចិត្ត​ដាក់​កង្កែប​ប្រាក់។

ម្ចាស់​អាជីវកម្ម​គួរតែ​ដាក់​កង្កែប​នៅ​ទីតាំង​ដែល​ស្អាត មាន​ផាសុកភាព ​មាន​ខ្យល់​អាកាស​ចេញ​ចូល​ទូលាយ ​មើល​ទៅ​ទាក់ទាញ ​ប៉ុន្តែ​កុំ​​ដាក់​​នៅ​លើ​ឥដ្ឋ​ឲ្យសោះ។

ផ្ទុយទៅវិញ ​គួរ​ជ្រើសរើស​យក​ផ្ទៃ​ដែល​រាប​ស្មើ​ល្អ​ ហើយ​ដាក់​ទល់​នឹង​ជញ្ជាំង​សម្រាប់​ការពារ​ថាមពល​របស់​កង្កែប ​ដែល​សាយភាយ​ចូល​ទៅ​ទីតាំង​នោះ។

ប៉ុន្តែ​កុំ​ដាក់​កង្កែប​ខ្ពស់​ពេក​ ព្រោះ​​អាច​ធ្វើ​ឱ្យ​ផុត​ពី​ហោប៉ៅ​ដែល​នាំ​ប្រាក់​ចូល​មក​ក្នុង​ផ្ទះ​ អាជីវកម្ម​ឬ​ក្រុមហ៊ុន​របស់​យើង​ជាដើម៕

អត្ថបទ ៖ សាង ស្រីល័ក្ខ

ចុចអាន៖ ហុងស៊ុយទម្រង់មុខ ៣ យ៉ាងនៃមនុស្ស​ដែល​វាសនាចារមកជាមហាសេដ្ឋី

ចុចអាន៖ ហុងស៊ុយ​ទាំង ៥ ជនជាតិចិនជឿថា​នឹងជំរុញ​អាជីព​ឱ្យជោគជ័យខ្លាំង

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services