វប្បធម៌ ជំនឿ
តើអ្នកដឹងទេ ហេតុអ្វីបានជាគេយកផ្កាស្លា ជាផ្កាដ៏មានតម្លៃក្នុងពិធីមង្គលការ?
តាំងពីបុរាណកាលមក ពិធីរៀបអាពាហ៍ពិពាហ៍តាមប្រពៃណីរបស់ខ្មែរ បានយកផ្កាស្លា ជាផ្កាដ៏សំខាន់ និងមានតម្លៃ ក្នុងការប្រារព្ធពិធីអាពាហ៍ពិពាហ៍ ហើយក៏ជាផ្កាដែលមនុស្សស្រីគ្រប់រូបប្រាថ្នាចង់បាន។
ផ្កាស្លា គឺជាផ្កាដែលមានពណ៌ពងមាន់ មានក្លិនក្រអូបប្រហើរតិចៗ ទោះបីមើលទៅមិនមែនជាផ្កាដែលមានសម្រស់ស្រស់ស្អាត ក្លិនក្រអូបឈ្ងុយឈ្ងប់ ប៉ុន្តែ គឺជាផ្កាដ៏មានតម្លៃរបស់មនុស្សស្រីគ្រប់រូបក្នុងជីវិតរបស់ពួកគេ។ ប្រសិនជាគេជ្រើសរើសដៃគូជីវិតត្រូវ ផ្កាស្លានោះកាន់តែវិសេសវិសាលថែមទៀត។
តើហេតុអ្វីបានជាគេជ្រើសរើសយកផ្កាស្លាសម្រាប់ប្រើក្នុងការប្រារព្ធពិធីអាពាហ៍ពិពាហ៍ខ្មែរ?
ផ្កាស្លា គឺជាប្រភេទផ្កាដែលរឹងមាំ មិនងាយរុះរោយ ហើយក៏មានស្រទាប់ការពាររឹងមាំ មិនអាចឱ្យឃ្មុំ ឬ សត្វល្អិតផ្សេងៗចូលក្រេបលំអងផ្កា និងយាយីផ្កាបានឡើយ។ ទាំងនេះ គឺចង់បង្ហាញពីភាពរឹងមាំ និងបរិសុទ្ធរបស់មនុស្សស្រី ទោះបីសម្រាស់មើលទៅហាក់មិនស្រស់ស្អាត ប៉ុន្តែបង្កប់ទៅដោយភាពរឹងមាំ និងតម្លៃរបស់ខ្លួន។ ពោលគឺ បុព្វបុរសជំនាន់មុនចង់បញ្ជាក់ថា កូនស្រីគឺស្អាតបរិសុទ្ធ រឹងមាំ ស្មោះត្រង់ គ្មានសត្រូវណាអាចបៀតបៀនបានឡើយ។
ផ្កាស្លា មានរូបរាងដុះចេញមកជាគ្រាប់ៗស្រដៀងទៅនឹងគជ់ ត្រូវបានដូនតាជឿថា តំណាងឱ្យការគោរពបូជាដល់ព្រះពុទ្ធ និងការដឹងគុណដល់ម្តាយឪពុក ព្រមទាំងបង។ ចំពោះក្លិនក្រអូបប្រហើរនៃផ្កានេះ គឺតំណាងឱ្យសេចក្តីស្នេហាដ៏ទន់ភ្លន់ និងផ្អែម បង្កប់ដោយភាពរឹងមាំរបស់គូស្រករទាំងពីរ។ ជាមួយគ្នានេះ នៅក្នុងពិធីមង្គលការ គេបានរៀបចំផ្កាស្លារុំជា៣ដុំ ផ្សេងៗគ្នាដាក់នៅក្នុងកែវ ឬ ជើងពានបី សម្រាប់តំណាងដល់ការដឹងគុណចំពោះម្តាយឳពុក និងបង។
ផ្កាស្លាទី១ មានផ្កាចំនួន ២១ទង ត្រូវបានរុំដោយស្លឹកម្លូ ២១សន្លឹក រួចចងផ្អោបដោយអំបោះពណ៌ស ព្រមទាំងដោយផ្លែស្លា ២១ នៅជុំវិញផ្នែកខាងក្រៅបន្ថែមទៀត។ ផ្កាស្លាទី១នេះ ត្រូវបានគេហៅថា ជាផ្កាស្លាច្បង តំណាងឱ្យគុណទាំង១២របស់ឳពុក។
ផ្កាស្លាទី២ ជាដុំដែលមានផ្កាចំនួន ១២ទង រុំដោយស្លឹកម្លូ ១២សន្លឹក ហើយចងផ្អោបចូលគ្នាដោយអំបោះពណ៌ស បន្ទាប់មកត្រូវដោតផ្លែស្លាចំនួន១២គ្រាប់នៅជុំវិញខាងក្រៅ។ ផ្កាស្លាទី២នេះ គេបានហៅថា ជាផ្កាស្លាកណ្តាល ដែលតំណាងឱ្យគុណរបស់ម្តាយ។
ចំណែកផ្កាស្លាទី៣ មានផ្កាចំនួន ៦ទង ត្រូវរុំដោយស្លឹកម្លូចំនួន ៦សន្លឹក បន្ទាប់មកចងដោយអំបោះស និងដោតផ្លែស្លាចំនួន៦ ជុំវិញផ្នែកខាងក្រៅចំនួន៦ ដូចផ្លាស្លាទាំង២ខាងលើដែរ។ ផ្កាស្លាទី៣នេះ ត្រូវបានគេហៅថា ផ្កាស្លាពៅ តំណាងឱ្យគុណរបស់បង៕
ដោយ៖ អុន ស្រីមាន
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៤ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស