វប្បធម៌ ជំនឿ
មកដឹងត្រួសៗ ខួប ៣០ឆ្នាំ ឧទ្យានអង្គរ ត្រូវបានចុះបញ្ជីជាបេតិកភណ្ឌវប្បធម៌រូបី ពិភពលោក
ថ្ងៃទី១៤ ខែធ្នូ ឆ្នាំ២០២២នេះ ជាខួប៣០ឆ្នាំ ដែល ឧទ្យានអង្គរ ត្រូវបានចុះបញ្ជីជាបេតិកភណ្ឌវប្បធម៌រូបី នៃពិភពលោក កាលពី ថ្ងៃទី១៤ ខែធ្នូ ឆ្នាំ១៩៩២ នៅទីក្រុងសាន់តាហ្វេ សហរដ្ឋអាមេរិក។
ឧទ្យានអង្គរ តំណាងឱ្យសិល្បៈខ្មែរទាំងមូលពី សតវត្សទី៩ ដល់សតវត្សទី១៤។ សំណល់ស្ថាបត្យកម្មដ៏អស្ចារ្យ ប្រព័ន្ធគ្រប់គ្រងទឹកដ៏ធំ និងស្មុគស្មាញ សិលាចារឹក ចម្លាក់ ភស្តុតាងបុរាណវត្ថុជាច្រើន គឺជាកេរដំណែល នៃអរិយធម៌ដ៏អស្ចារ្យ។ ផ្ទាំងចម្លាក់ជាច្រើនបានផ្តល់ព័ត៌មានអំពីរបៀបរស់នៅ សេដ្ឋកិច្ច ទំនៀមទម្លាប់ ជំនឿសាសនា សង្គ្រាម និងវត្ថុបុរាណក្នុងសម័យអង្គរ។
អង្គរ គឺជាសំណង់សាសនាដ៏ធំបំផុតនៅលើភពផែនដី។ ទំហំ និងគុណភាពសិល្បៈដ៏មហិមារបស់អង្គរ បានឆ្លុះបញ្ចាំងពីសារៈសំខាន់ នៃអាណាចក្រអង្គរក្នុងប្រវត្តិសាស្ត្រពិភពលោក។ ស្ថាបត្យកម្មនៅអង្គរ បង្ហាញពីការអភិវឌ្ឍផ្នែកសាសនាដ៏ស្មុគស្មាញ នៃអរិយធម៌ខ្មែរ និងបញ្ជាក់អំពីឥទ្ធិពលប្រវត្តិសាស្ត្រដ៏ជ្រាលជ្រៅដែលសាសនាព្រាហ្មណ៍ និងពុទ្ធសាសនាមាននៅលើអាស៊ីអាគ្នេយ៍ ក៏ដូចជាភាពស៊ីសង្វាក់គ្នា នៃជំនឿសាសនាទាំងពីរ។
អង្គរ គឺជារមណីយដ្ឋានប្រវត្តិសាស្ត្ររស់រានមានជីវិត ដែលប្រពៃណីវប្បធម៌ និងសាសនានៅតែបន្តរក្សាបាន។ អង្គរ មានទេសភាពភូមិបុរាណ រួមបញ្ចូលនូវលក្ខណៈប្រវត្តិសាស្ត្រ ដូចជា វាលស្រែ ស្រះទឹក និងព្រៃឈើ ជាមួយនឹងភូមិដែលមានផ្ទះសង់តាមបែបប្រពៃណី។
អង្គរ គឺជាសម្បត្តិវប្បធម៌ដែលដក់ជាប់ក្នុងចិត្តរបស់ប្រជាពលរដ្ឋខ្មែរគ្រប់រូប ជាសម្បត្តិវប្បធម៌តំណាងឱ្យអត្តសញ្ញាណខ្មែរ និងជាមោទនភាពរបស់ជាតិខ្មែរទាំងមូល។ ទាំងនេះត្រូវបានឆ្លុះបញ្ចាំងតាមរយៈវត្តមាននៃរូបប្រាសាទអង្គរវត្ត នៅលើទង់ជាតិរបស់ព្រះរាជាណាចក្រកម្ពុជា។ ក្នុងន័យនេះយើងគួរកត់សំគាល់ថា មានតែប្រទេសកម្ពុជាមួយគត់នៅក្នុងពិភពលោកដែលយក រូបប្រាសាទមួយជាបេតិកភណ្ឌពិភពលោកទៅដាក់នៅលើទង់ជាតិរបស់ខ្លួន។
គួរបញ្ជាក់ថា ក្រសួងវប្បធម៌ និងវិចិត្រសិល្បៈ អាជ្ញាធរជាតិអប្សរា និងរដ្ឋបាលខេត្តសៀមរាប បានសហការរៀបចំ ពិធីរំលឹកគុណអង្គរ ចំនួន៣ថ្ងៃ ចាប់ពីថ្ងៃទី១៤ដល់ទី១៦ ខែធ្នូ ឆ្នាំ២០២២ ដែលមានកម្មវិធីសាសនា ស្ដង់ពិព័ណ៌ និងការសម្ដែងសិល្បៈបុរាណនៅពេលរាត្រី៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល